ଦେଶରେ କୋଭିଡ-19ର ସ୍ଥିତିକୁ ନେଇ ଚିନ୍ତା ବ୍ୟକ୍ତ କଲେ ସୁପ୍ରିମକୋର୍ଟ

ନୂଆଦିଲ୍ଲୀ: କୋରୋନା ଭାଇରସ ମହାମାରୀ ଯୋଗୁଁ ଦେଶର ଅବସ୍ଥା ବିଗିଡିବାରେ ଲାଗିଛି । ଯାହାକୁ ନେଇ ସୁପ୍ରିମକୋର୍ଟ ଉଦ୍ବେଗ ପ୍ରକାଶ କରିଛନ୍ତି । ଉଲ୍ଲେଖନୀୟ କଥା ହେଉଛି, ଦେଶରେ କୋଭିଡ-19 ମାମଲା ସଂଖ୍ୟା ୩ ଲକ୍ଷ ୪୩ ହଜାରରେ ପହଞ୍ଚିଛି । ଜଷ୍ଟିସ୍ ଆରଏଫ୍ ନରିମାନ କହିଛନ୍ତି ଯେ, ଦିନକୁ ଦିନ କୋଭିଡ-19ର ଅବସ୍ଥା ଭଲ ହେଉନାହିଁ କିନ୍ତୁ ଏହା ଆହୁରି ଖରାପ ହେବାରେ ଲାଗିଛି । ପଞ୍ଜାବ ବ୍ୟବସାୟୀ ଜଗଜିତ ସିଂ ଚହଲଙ୍କ ପାରୋଲ ସହ ଜଡିତ ମାମଲାର ଶୁଣାଣି ବେଳେ ସୁପ୍ରିମକୋର୍ଟ ଏହି ମନ୍ତବ୍ୟ ଦେଇଛନ୍ତି ।

ସର୍ବୋଚ୍ଚ ଅଦାଲତ କହିଛନ୍ତି ଯେ, ଯେତେବେଳେ ସେ ପାରୋଲରେ ବାହାରକୁ ଆସିପାରିବେ । ସେତେବେଳେ ଜନତାଙ୍କୁ ଜେଲକୁ ପଠାଇବାର କୌଣସି ଅର୍ଥ ନାହିଁ । ଏହା ସହ ସୁପ୍ରିମକୋର୍ଟ ଚହଲଙ୍କୁ ପାରୋଲରେ ମୁକ୍ତ କରିବାକୁ ନିଷ୍ପତ୍ତି ନେଇଛନ୍ତି । ଚାହଲଙ୍କୁ ହାଇକୋର୍ଟରେ ଆବେଦନ ପେଣ୍ଡେନ୍ସି  ପର୍ଯ୍ୟନ୍ତ ପାରୋଲ୍ ଦିଆଯାଇଛି । ସୂଚନାଯୋଗ୍ୟ ଯେ, ଜଗଦୀଶ ଭୋଲା ଡ୍ରଗ୍ସ ମାମଲାରେ ଜଗଦିଶ ସିଂହ ଚହଲ ଅଭିଯୁକ୍ତ ଅଛନ୍ତି ।

ଉଲ୍ଲେଖନୀୟ କଥା ହେଉଛି, ଦେଶ ଓ ବିଶ୍ୱରେ କୋରୋନା ଭାଇରସ ରୋଗ କ୍ରମାଗତ ଭାବେ ବୃଦ୍ଧି ପାଉଛି । ଗତ ୨୪ ଘଣ୍ଟା ମଧ୍ୟରେ ୧୦,୫୦୦ରୁ ଅଧିକ ନୂତନ କୋରୋନା ପିଜିଟିଭ ରିପୋର୍ଟ ସାମ୍ନାକୁ ଆସିଛି । ପରେ ଭାରତରେ ମୋଟ କୋରୋନା ସଂକ୍ରମିତ ସଂଖ୍ୟା ୩.୪୩ ଲକ୍ଷ ଅତିକ୍ରମ କରିଛି । ମଙ୍ଗଳବାର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଭାରତରେ ସମୁଦାୟ କୋରୋନା ଭାଇରସ ସଂକ୍ରମିତଙ୍କ ସଂଖ୍ୟା ୩,୪୩,୦୯୧କୁ ବୃଦ୍ଧି ପାଇଥିବାବେଳେ ଏପର୍ଯ୍ୟନ୍ତ ଏହି ଭୂତାଣୁ ଯୋଗୁଁ ୯,୯୦୦ ଲୋକଙ୍କ ମୃତ୍ୟୁ ଘଟିଛି । ଏଥି ସହିତ ଗତ ୨୪ ଘଣ୍ଟା ମଧ୍ୟରେ ୧୦,୬୬୭ ନୂଆ କୋରୋନା ମାମଲା ସାମ୍ନାକୁ ଆସିଛି । ୩୮୦ ଜଣ ସଂକ୍ରମିତଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।

Add Zee News as a Preferred Source