ବଲିଉଡ଼କୁ ଦି ଫାଳ କରିଦେଲା ସୁଶାନ୍ତଙ୍କ ଆତ୍ମା !

ନୂଆଦିଲ୍ଲୀ: ବଲିଉଡ଼ ଅଭିନେତା ସୁଶାନ୍ତ ସିଂହ ରାଜପୁତ (Sushant Singh Rajput) ଙ୍କ ମୃତ୍ୟୁକୁ ନେଇ ଏବେ ରାଜନୀତି (Politics) ଯେତିକି ଜୋର ଧରିଛି, ବଲିଉଡ଼ରେ ମଧ୍ୟ ସେତିକି ମାତ୍ରାରେ ହଟଚମଟ ସୃଷ୍ଟି ହୋଇଛି। ସୁଶାନ୍ତଙ୍କ ମୃତ୍ୟୁ ପରଠାରୁ ଚର୍ଚ୍ଚାଲୋଚନା କେବଳ ତୃଣମୂଳ ସ୍ତରରେ ସୀମିତ ନାହିଁ, କଥା ସଂସଦ ପର୍ଯ୍ୟନ୍ତ ଲମ୍ବିଲାଣି। କେବଳ କଥା ଲମ୍ବିନାହିଁ, ଉଭୟ ଏହି ପ୍ରସଙ୍ଗକୁ ନେଇ ବିରୋଧୀ ଶାସକ ଯେତିକି ମୁହାଁମୁହିଁ ହୋଇଛନ୍ତି, ବଲିଉଡ଼ ଜଗତରେ ମଧ୍ୟ ସେତିକି ପରିମାଣ ଫାଟ ଧୀରେଧୀରେ ବଢିବାକୁ ଲାଗିଲାଣି। ଆଉ କିଛି ଅଭିନେତା ଅଭିନେତ୍ରୀଙ୍କ ନିରବତା ମଧ୍ୟ ଏହି ଫାଟକୁ ବଢାଇବାରେ ସାହାଯ୍ୟ କରୁଛି।

ଅଧିକ ପଢନ୍ତୁ: ମାଡ଼ି ଆସୁଛି ଭୟଙ୍କର ବାତ୍ୟା 'ସ୍ୟାଲି' 

ଗତ ଦୁଇ ଦିନ ଧରି ସଂସଦ (Parliament) ର ଉଭୟ ଗୃହରେ ବଲିଉଡ଼ (Bollywood) ରେ ଡ୍ରଗ୍ସ ଲିଙ୍କକୁ ନେଇ ଝଡ଼ ସୃଷ୍ଟି ହୋଇଛି। ଏହି ଝଡ଼ ଆରମ୍ଭ ହୋଇଥିବା ସାଂସଦ ତଥା ଭୋଜପୁରୀ ଅଭିନେତା (Bhojpuri Actor) ରବି କିସନ (Ravi Kishan) ଲୋକସଭାରେ ବଲିଉଡ଼ରେ ଡ୍ରଗ୍ସ (Drugs) କାରବାରକୁ ବନ୍ଦ କରିବାକୁ ଯେତେବେଳେ ଦାବି ରଖିଥିଲେ। କିନ୍ତୁ ଏହାର କଡ଼ା ଜବାବ ଦେଇଥିଲେ ସାଂସଦ ତଥା ଅଭିନେତ୍ରୀ ଜୟା ବଚ୍ଚନ (Jaya Bachchan)। ଜୟା ଗତକାଲି ରାଜ୍ୟସଭା (Rajyasabha) ରେ ରବି କିସନଙ୍କ ନାଁ ନ ନେଇ କହିଥିଲେ କି, ଆଜିକାଲି ବଲିଉଡ଼କୁ ନିନ୍ଦା କରିବାକୁ ହୀନ ଉଦ୍ୟମ ଚାଲିଛି। ଏଠାକୁ କଳାକାରମାନେ ନିଜର କ୍ୟାରିୟର କରିବାକୁ ଆସୁଛନ୍ତି। କିନ୍ତୁ କିଛି ଲୋକ ଏହି ଥାଳିରେ ଖାଇ ସେଥିରେ କଣା କରିବାକୁ ଉଦ୍ୟମ କରାଯାଉଛି ବୋଲି ଜୟା ଗତକାଲି କହିଥିଲେ। 

ଅଧିକ ପଢନ୍ତୁ: କେବେ ସରିବ ସ୍ମାର୍ଟସିଟି ଭୁବନେଶ୍ୱର ନିର୍ମାଣ କାର୍ଯ୍ୟ?

ତେବେ ଜୟାଙ୍କ ଏହି କଥାକୁ ଘୋର ବିରୋଧ କରିବା ସହିତ ତାଙ୍କ କଥାର ଭୁଲ ଅର୍ଥ ବାହାର କରାଯାଉଛି ବୋଲି ସାଂସଦ ରବି କହିଥିଲେ। ସେ ଆହୁରି ମଧ୍ୟ କହିଥିଲେ କି, ମୁଁ ତମାମ ଇଣ୍ଡଷ୍ଟ୍ରିକୁ ନିନ୍ଦା କରୁନାହିଁ। ବରିଷ୍ଠ ତଥା ପୁରୁଖା କଳାକାରମାନେ କେବେ ଡ୍ରଗ୍ସ କାରବାର କରୁଥିବା ଆମ ନଜରରେ ନାହିଁ। ଏହି ଇଣ୍ଡଷ୍ଟ୍ରୀ ଆମକୁ ସମ୍ମାନ ଦେଇଛି। ପରିଚୟ ମଧ୍ୟ ଦେଇଛି। ଅମିତାଭ ବଚ୍ଚନ, ଋଷିକପୁର, ଅଜୟ ଦେବଗନ, ଶାହରୁଖଙ୍କ ସମୟର କଳାକାରମାନେ କେବେ ଡ୍ରଗ୍ସ କାରବାରରେ ସାମିଲ ନଥିଲେ। କିନ୍ତୁ ବର୍ତ୍ତମାନ ପିଢିର କଳାକାରମାନେ ଡ୍ରଗ୍ସ କବଳରେ ଛନ୍ଦି ହୋଇ ପଡ଼ିଛନ୍ତି। ଏଭଳି କାରବାର ଯଦି ଇଣ୍ଡଷ୍ଟ୍ରୀରେ ଲାଗି ରୁହେ ତେବେ ଭବିଷ୍ୟତର ପିଢି ମଧ୍ୟ ଏହି ମାୟାଜାଲରେ ଛନ୍ଦି ହୋଇ ପଡ଼ିବେ ବୋଲି ରବି ପ୍ରକାଶ କରିଛନ୍ତି। 

ଅଧିକ ପଢନ୍ତୁ: ଭୁଲ ମାନଚିତ୍ର ଦେଖାଇଲା ପାକିସ୍ତାନ

ରବି (Ravi Kishan) କହିଛନ୍ତି କି, ଜୟା (Jaya Bachchan) ଆହୁରି ମଧ୍ୟ ଭୁଲି ଯାଇଛନ୍ତି କି, ଗୋଟିଏ ସମୟରେ ଅମିତାଭ (Amitabh Bachchan) ଙ୍କୁ କାମ ମିଳୁନଥିଲା। ସେହି ସମୟରେ ଦୁଇ ଜଣ ତାଙ୍କୁ କାମ ଯୋଗାଇ ଦେଇଥିଲେ। ଜଣେ ହେଉଛନ୍ତି ଭାରତର ପୂର୍ବତନ ପ୍ରଧାନମନ୍ତ୍ରୀ (Prime Minister) ରାଜୀବ ଗାନ୍ଧୀ (Rajiv Gandhi) ଓ ତାଙ୍କ ପିତା ହରିବଂଶରାୟ ବଚ୍ଚନ (Haribansh Rai Bachchan)। ହରିବଂଶ ରାୟ ବଚ୍ଚନ ତତ୍କାଳୀନ ପ୍ରଧାନମନ୍ତ୍ରୀ ଜବାହାରଲାଲ ନେହରୁ (Jawaharlal Nehru) ଙ୍କ ନିକଟତର ଥିଲେ। ସେହିପରି ତାଙ୍କ ପୁଅ ଅଭିଷେକ (Abhishek Bachchan) ଙ୍କୁ ମଧ୍ୟ ଅମିତାଭ ଜୀଙ୍କ ମାଧ୍ୟମରେ ଅନେକ ସିନେମା ମିଳିଥିଲା। ତେଣୁ ଜୟା ଜୀ କହିଥିବା ଥାଳି କଥା ବଚ୍ଚନ ପରିବାର ପାଇଁ ଲାଗୁ ହୋଇପାରେ, ମୋ ପାଇଁ ନୁହେଁ ବୋଲି ସେ କହିଥିଲେ। 

ଜୟାଙ୍କୁ କଡ଼ା ସମାଲୋଚନା କରି ରବି କହିଛନ୍ତି କି, ମୁଁ ତାଙ୍କୁ ସମ୍ମାନ ଜଣାଏ। ସଂସଦରେ ତାଙ୍କ ପାଦ ଛୁଇଁ ପ୍ରଣାମ କରିଥାଏ। କିନ୍ତୁ ସେ ମୋ ଏଭଳି ଟାର୍ଗେଟ କରିବା ନିଶ୍ଚିତ ପକ୍ଷେ ନିନ୍ଦନୀୟ ଘଟଣା। ଥାଳି ମନ୍ତବ୍ୟର ଜବାବ ଦେଇ ରବି କହିଥିଲେ କି, ବଲିଉଡ଼ରେ ମୁଁ ନିଜ ଥାଳି ନିଜେ ପ୍ରସ୍ତୁତ କରିଛି। ମୋତେ କେହି ଏହାକୁ ପ୍ରସ୍ତୁତ କରିବାରେ ସାହାଯ୍ୟ କରିନାହାନ୍ତି, କିମ୍ବା ବଲିଉଡ଼ରେ ମୋର କେହି ଗଡ଼ଫାଦର ନାହାନ୍ତି। ଯେହେତୁ ମୋ ସ୍ଥାନ ମୁଁ ନିଜେ ପ୍ରସ୍ତୁତ କରିଛି, ସେହି କାରଣରୁ ଏହାକୁ ଏଭଳି କଳାକାରନାମାରୁ ବଞ୍ଚାଇବା ମୋର ପ୍ରଥମ କର୍ତ୍ତବ୍ୟ। ଏପରିକି ସଂସଦରେ ଏହା ବିରୋଧରେ ମୁଁହ ଖୋଲିବା ସଠିକ ବୋଲି ରବି କହିଛନ୍ତି। 

ତେବେ ଉଭୟ ସାଂସଦଙ୍କ ମନ୍ତବ୍ୟ ସାମ୍ନାକୁ ଆସିବା ପରେ ଉଭୟ ସାଂସଦଙ୍କୁ ବଲିଉଡ଼ର କିଛି ଅଭିନେତା ଅଭିନେତ୍ରୀ ସମର୍ଥନ କରିବା ଆରମ୍ଭ କରିଦେଇଛନ୍ତି। ସୋନମ କପୁର, ଫରାହନ ଅଖତରଙ୍କ ଭଳି କିଛି ଅଭିନେତା ଅଭିନେତ୍ରୀ ଜୟାଙ୍କୁ ସମର୍ଥନ କରୁଥିବା ବେଳେ ଅନ୍ୟ କିଛି କଳାକାର ରବିଙ୍କୁ ସମର୍ଥନ କରିବା ଆରମ୍ଭ କରିଦେଇଛନ୍ତି। ମୋଟାମୋଟି ଦେଖିବାକୁ ଗଲେ ବଲିଉଡ଼ ବର୍ତ୍ତମାନ ଏହି ଡ୍ରଗ୍ସ ମାମଲାକୁ ନେଇ ଦୁଇ ଫାଳ ହୋଇ ଯାଇଛି।  ସେପଟେ ଡ୍ରଗ୍ସ ମାମଲାକୁ ପରୋକ୍ଷରେ ଏକ ପ୍ରକାର ସମର୍ଥନ ଜଣାଇ ଜୟା ବଚ୍ଚନ ବିବାଦ ଘେରକୁ ଠେଲି ହୋଇ ଯାଇଛନ୍ତି। ଡ୍ରଗ୍ସ କାରବାର କରୁଥିବା ଅବା ଡ୍ରଗ୍ସ କାରବାର କରୁଥିବା ଅଭିନେତ୍ରୀ, ଅଭିନେତା ତଥା ପ୍ୟାଡେଲରମାନଙ୍କୁ ପରୋକ୍ଷରେ ନିରବ ସମର୍ଥନ ଜଣାଇ ଏଭଳି ବିବାଦୀୟ ପରିସ୍ଥିତିକୁ ଜୟା ଠେଲି ହୋଇଯାଇଥିବା ନେଇ ଚର୍ଚ୍ଚା ଜୋର ଧରିଛି। 

ସେପଟେ ସୁଶାନ୍ତଙ୍କ ମୃତ୍ୟୁକୁ ନେଇ ମହାରାଷ୍ଟ୍ରରେ ରାଜନୀତି ମଧ୍ୟ ଜୋର ଧରିଛି। ଶାସକ ଓ ବିରୋଧୀଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ହୋଇଛି। ସୁଶାନ୍ତଙ୍କ ମୃତ୍ୟୁକୁ ନେଇ ସିବିଆଇ ତଦନ୍ତ ଜାରି ରଖିଥିବା ବେଳେ ତଦନ୍ତକାରୀ ଦଳ ଘଟଣାରେ ଡ୍ରଗ୍ସ କାରବାର ଦିଗ ଉପରେ ମଧ୍ୟ ଧ୍ୟାନ ଦେଇଥିଲା। ଏହି ମାମଲା ସ୍ପଷ୍ଟ ହେବା ପରେ ବର୍ତ୍ତମାନ ଏହି ଡ୍ରଗ୍ସ ମାମଲାର ତଦନ୍ତ ଭାର ଏନସିବି ବା ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ହାତରେ ରହିଛି।

ଡ୍ରଗ୍ସ ମାମଲା ସାମ୍ନାକୁ ଆସିବା ପରେ ସୁଶାନ୍ତଙ୍କ ମୃତ୍ୟୁର ମୁଖ୍ୟ ଅଭିଯୁକ୍ତ କୁହାଯାଉଥିବା ରିୟା ଚକ୍ରବର୍ତ୍ତୀଙ୍କୁ ଡ୍ରଗ୍ସ କାରବାର ଅଭିଯୋଗରେ ଗିରଫ କରିସାରିଛି। ତାଙ୍କ ଭାଇ ସୌଭିକ ଚକ୍ରବର୍ତ୍ତୀ ଓ ଅନ୍ୟ କିଛି ପ୍ୟାଡେଲରଙ୍କୁ ଗିରଫ କରିଛି। ଜେରା ସମୟରେ ରିୟା ବଲିଉଡ଼ର ନାମୀଦାମୀ କଳାକାରଙ୍କ ନାଁ ନେଇଥିବା ଏନସିବି କର୍ତ୍ତୃପକ୍ଷ ପ୍ରକାଶ କରିଛନ୍ତି। ପ୍ରାଥମିକ ସ୍ତରରେ ରକୁଲ ପ୍ରିତ ସିଂ ଓ ସାରା ଅଲ୍ଲୀ ଖାନ ଏହି ଡ୍ରଗ୍ସ କାରବାରରେ ଥିବା ନେଇ ଏନସିବି ପ୍ରକାଶ କରିଛି। 

ସେପଟେ ରାଜ୍ୟ ସରକାରଙ୍କୁ ବାରମ୍ବାର ଟାର୍ଗେଟ କରିବା ଫଳରେ ଅଭିନେତ୍ରୀ କଙ୍ଗନା ରାଣାଓ୍ୱତଙ୍କ ବିପକ୍ଷରେ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରିଥିଲା। ସରକାରରେ ଥିବା ଶିବସେନା ସରକାର ପରୋକ୍ଷରେ କଙ୍ଗନାଙ୍କ କାର୍ଯ୍ୟାଳୟକୁ ବ୍ରିହାନ ମୁମ୍ବାଇ କର୍ପୋରେସନ ମାଧ୍ୟରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିବା ଚର୍ଚ୍ଚା ଜୋର ଧରିଛି। ଏପରିକି କଙ୍ଗନାଙ୍କୁ ମହାରାଷ୍ଟ୍ର ପୁରାଇ ନଦେବାକୁ ଶିବସେନା ପକ୍ଷରୁ ଧମକ ମଧ୍ୟ ଦିଆଯାଇଥିଲା।