ରବିବାର ଆତ୍ମହତ୍ୟା କରିଥିଲେ ବଲିଉଡ ୟଙ୍ଗଷ୍ଟାର ସୁଶାନ୍ତ ।
Trending Photos
ମୁମ୍ବାଇ: ଗତକାଲି ଆତ୍ମହତ୍ୟା କରିଥିବା ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତଙ୍କ ଆଜି ଅନ୍ତିମ ସଂସ୍କାର କରାଯିବ । ଏଥିପାଇଁ ବିହାରରୁ ମୁମ୍ବାଇରେ ଆସି ପହଞ୍ଚିଛନ୍ତି ସୁଶାନ୍ତଙ୍କ ବାପା । ସୁଶାନ୍ତଙ୍କ ସମ୍ପର୍କୀୟ ତଥା ବିଜେପି ବିଧାୟକ ନିରଜ କୁମାର ସିଂହ ବବଲୁ ମଧ୍ୟ ସାଥିରେ ଆସିଛନ୍ତି । ବିହାର ପାଟନାରୁ ସୁଶାନ୍ତଙ୍କ ପରିବାର ଏବଂ ଅନ୍ୟ ସମ୍ପର୍କୀୟମାନେ ଆସିବାରେ ଲାଗିଛନ୍ତି ।
Maharashtra: #SushantSinghRajput's father (in blue t-shirt) & Niraj Kumar Singh Babloo (in white shirt), BJP MLA & a relative of Sushant, arrive at Mumbai airport. pic.twitter.com/IjHRCSGyhw
— ANI (@ANI) June 15, 2020
ରବିବାର ଆତ୍ମହତ୍ୟା କରିଥିଲେ ବଲିଉଡ ୟଙ୍ଗଷ୍ଟାର ସୁଶାନ୍ତ । ଆଉ ଏ ଖବର ସମଗ୍ର ଦେଶବାସୀଙ୍କୁ ସ୍ତବ୍ଧ କରିଦେଇଛି । ଫ୍ୟାନଙ୍କ ଠାରୁ ଆରମ୍ଭ କରି ଫିଲ୍ମ ଜଗତ ଏବେ ସୁଶାନ୍ତଙ୍କୁ ଝୁରୁଛି । ଅଳ୍ପ ବୟସରେ ଫ୍ୟାନଙ୍କୁ ସେ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଭେଟି ଦେଇଛନ୍ତି । କେଉଁ କାରଣରୁ ସେ ସୁଇସାଇଡ କଲେ, ଉତ୍ତର କାହା ପାଖରେ ନାହିଁ । ଆତ୍ମହତ୍ୟା ନା ହତ୍ୟା ? ରହସ୍ୟ ଉପରୁ ପରଦା ଉଠାଇବା ପାଇଁ ପୋଲିସ ଘଟଣାର ତଦନ୍ତ କରୁଛି ।
ତେବେ ଏସବୁ ଭିତରେ ସୁଶାନ୍ତଙ୍କ ଶବ ବ୍ୟବଚ୍ଛେଦ ରିପୋର୍ଟ ମଧ୍ୟ ଆସିସାରିଛି । ବେକରେ ଫାଶୀ ଯୋଗୁ ତାଙ୍କର ମୃତ୍ୟୁ ହୋଇଛି । ଶବ ବ୍ୟବଚ୍ଛେଦ କରିଥିବା ୩ ଜଣିଆ ଡାକ୍ତରୀ ଟିମ ନିଜ ରିପୋର୍ଟରେ ଏହା ଦର୍ଶାଇଛନ୍ତି । ରିପୋର୍ଟରେ କୁହାଯାଇଛି, ୩୪ ବର୍ଷୀୟ ସୁଶାନ୍ତ ବେକରେ କପଡ଼ା ବାନ୍ଧି ଝୁଲି ପଡ଼ିଥିଲେ । ଫଳରେ ତାଙ୍କ ଶରୀରକୁ ଅମ୍ଳଜାନ ଯାଇନପାରି ତାଙ୍କର ମୃତ୍ୟୁ ହୋଇଥିଲା ।
ସେହିପରି ପୋଲିସର ପ୍ରାଥମିକ ତଦନ୍ତ ମୁତାବକ, ଗତ ୬ ମାସ ହେଲା ଡିପ୍ରେସନରେ ଥିଲେ ଏହି ୟଙ୍ଗଷ୍ଟାର । ଏଥିପାଇଁ ତାଙ୍କ ଚିକିତ୍ସା ମଧ୍ୟ ଚାଲିଥିଲା । ତେବେ ପ୍ରକୃତରେ କେଉଁ କାରଣ ଯୋଗୁଁ ସେ ଆତ୍ମହତ୍ୟା କରିଛନ୍ତି, ତାହା ସ୍ପଷ୍ଟ ହୋଇପାରିନାହିଁ । ମୃତଦେହ ନିକଟରୁ କୌଣସି ସୁଇସାଇଟ ନୋଟ ମଧ୍ୟ ମିଳିନଥିବା କୁହାଯାଉଛି ।