ଇତିହାସ ରଚିଲା 'ଦିଲ ବେଚାରା'

ସୁଶାନ୍ତ ସିଂହ ରାଜପୁତଙ୍କ ଫିଲ୍ମ 'ଦିଲ ବେଚାରା' ଦେଖି ଅନେକ ଫ୍ୟାନ୍ସ ଇମୋସନାଲ ହୋଇପଡ଼ିଛନ୍ତି । ଫିଲ୍ମଟିକୁ ଗତକାଲି ସନ୍ଧ୍ୟା ୭ଟା ୩୦ରେ ରିଲିଜ କରିବାର ଥିଲା । କିନ୍ତୁ ଲୋକଙ୍କ ଆବେଗକୁ ଧ୍ୟାନରେ ରଖି ଧାର୍ଯ୍ୟ ସମୟର ଅଧଘଣ୍ଟା ପୂର୍ବରୁ ହିଁ ରିଲିଜ କରାଯାଇଥିଲା । 

 ଇତିହାସ ରଚିଲା 'ଦିଲ ବେଚାରା'

ନୂଆଦିଲ୍ଲୀ: ଦିବଙ୍ଗତ ଅଭିନେତା ସୁଶାନ୍ତ ସିଂହ ରାଜପୁତଙ୍କ ଶେଷ ଫିଲ୍ମ 'ଦିଲ ବେଚାରା' ଶୁକ୍ରବାର ଓଟିଟି ପ୍ଲାଟଫର୍ମରେ ରିଲିଜ ହୋଇଛି । ତେବେ ରିଲିଜ ହେଉ ହେଉ ହିଁ ଏହି ଫିଲ୍ମ ଅନେକ ରେକର୍ଡ ଭାଙ୍ଗିଛି । ଏହି ଫିଲ୍ମକୁ IMDB ଉପରେ ୧୦/୧୦ ରେଟିଂ ମିଳିଛି । ସେହିପରି ସୁଶାନ୍ତ ସିଂହ ରାଜପୁତଙ୍କ ଫ୍ୟାନ୍ସ ମଧ୍ୟ ଟ୍ୱିଟରରେ #DilBecharaCreatesHistory ଟ୍ରେଣ୍ଡ କରାଇଛନ୍ତି । ସୁଶାନ୍ତଙ୍କ ଏହି ଫିଲ୍ମ ଦେଖି ୟୁଜର୍ସ ଏହି ହ୍ୟାଜଟ୍ୟାଗରେ ଟ୍ୱିଟ କରିବା ଆରମ୍ଭ କରିଦେଇଛନ୍ତି ।  

ସୁଶାନ୍ତ ସିଂହ ରାଜପୁତଙ୍କ ଫିଲ୍ମ 'ଦିଲ ବେଚାରା' ଦେଖି ଅନେକ ଫ୍ୟାନ୍ସ ଇମୋସନାଲ ହୋଇପଡ଼ିଛନ୍ତି । ଫିଲ୍ମଟିକୁ ଗତକାଲି ସନ୍ଧ୍ୟା ୭ଟା ୩୦ରେ ରିଲିଜ କରିବାର ଥିଲା । କିନ୍ତୁ ଲୋକଙ୍କ ଆବେଗକୁ ଧ୍ୟାନରେ ରଖି ଧାର୍ଯ୍ୟ ସମୟର ଅଧଘଣ୍ଟା ପୂର୍ବରୁ ହିଁ ରିଲିଜ କରାଯାଇଥିଲା । ଲକ୍ଷ ଲକ୍ଷ ଫ୍ୟାନ୍ସ ସୁଶାନ୍ତଙ୍କ ଶେଷ ଫିଲ୍ମ ଦେଖିବାକୁ ଅପେକ୍ଷା କରି ରହିଥିଲେ । ଏହି ସମୟରେ ହେଭି ଟ୍ରାଫିକ ମଧ୍ୟ ଦେଖିବାକୁ ମିଳିଥିଲା । ଏପରିକି ଯେଉଁ ପ୍ଲାଟଫର୍ମରେ ଫିଲ୍ମ ରିଲିଜ ହୋଇଥିଲା, ତାହା କିଛି ସମୟ ପାଇଁ କ୍ରାଶ ହୋଇଯାଇଥିଲା  । 

ସେହିପରି ସୋସିଆଲ ମିଡିଆରେ ମଧ୍ୟ ସୁଶାନ୍ତଙ୍କ ଶେଷ ଫିଲ୍ମକୁ ନେଇ ଅନେକ ଚର୍ଚ୍ଚା ଦେଖିବାକୁ ମିଳୁଛି । ତାଙ୍କର ଅନେକ ଫ୍ୟାନ୍ସ ବହୁତ ଇମୋସନାଲ ଟ୍ୱିଟ କରୁଛନ୍ତି । 'ଦିଲ ବେଚାରା'ର ଏକ ସଂଳାପ ଫ୍ୟାନ୍ସଙ୍କ ମଧ୍ୟରେ ବେଶ ଆଦୃତ ଲାଭ କରୁଛି । ତାହା ହେଉଛି, ''ମେଁ ଅପନି ଅନ୍ତିମ ୟାତ୍ରା ମେ ଜାନା ଚାହତା ହୁଁ'' । ଜଣେ ୟୁଜର୍ସ ଟ୍ୱିଟ କରି କହିଛନ୍ତି, ''ଲୁହ ବି ଆପଣଙ୍କୁ ଫେରାଇ ଆଣିପାରିବ ନାହିଁ, ହେଲେ ଆପଣଙ୍କ ସ୍ଥାନ କେହି ପୂରଣ କରିପାରିବେ ନାହିଁ '' ।