 "ଆଖି ବୁଜିଲେ Tamil Nadu Chopper Crashର ଏକମାତ୍ର ସର୍ଭାଇବର")
ନୂଆଦିଲ୍ଲୀ: ଆଖି ବୁଜିଲେ Tamil Nadu Chopper Crashର ଏକମାତ୍ର ସର୍ଭାଇବର ଗ୍ରୁପ କ୍ୟାପଟନ ବରୁଣ ସିଂହ। ଚିକିତ୍ସାଧିନ ଅବସ୍ଥାରେ ତାଙ୍କର ଦେହାନ୍ତ ହୋଇଛି। ପୂର୍ବରୁ CDS ବିପିନ ରାୱତଙ୍କ ସମେତ ତାଙ୍କ ହେଲିକେପଟରରେ ଥିବା ୧୩ ଜଣଙ୍କ ଦେହାନ୍ତ ହୋଇଛି।
ମିଳିଥିବା ସୂଚନା ଅନୁସାରେ, Tamil Nadu Chopper Crashର ଏକମାତ୍ର ସର୍ଭାଇବର ଗ୍ରୁପ କ୍ୟାପଟନ ବରୁଣ ସିଂହ (Group Captain Varun Singh) ଙ୍କ ଦେହାନ୍ତ ହୋଇଛି। ମୃତ୍ୟୁ ସହ ସଂଗ୍ରାମ କରି ସେ ଶେଷରେ ଜୀବନ ଯୁଦ୍ଧରେ ହାରିଯାଇଛନ୍ତି। ଚିକିତ୍ସାଧିନ ଅବସ୍ଥାରେ ବେଙ୍ଗାଲୁରୁସ୍ଥିତ କମାଣ୍ଡ ହସ୍ପିଟାଲ (Bengaluru military hospital) ରେ ଗ୍ରୁପ କ୍ୟାପଟନ ଶେଷ ନିଶ୍ୱାସ ତ୍ୟାଗ କରିଛନ୍ତି। ଭାରତୀୟ ବାୟୁସେନା ଟ୍ୱିଟ କରି ଗ୍ରୁପ କ୍ୟାପଟନ ବରୁଣ ସିଂହଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Modi) ମଧ୍ୟ ଟ୍ୱିଟ୍ କରି ୩୯ ବର୍ଷୀୟ ଗ୍ରୁପ କ୍ୟାପଟନ ବରୁଣ ସିଂହଙ୍କ ଶ୍ରଦ୍ଧାଞ୍ଜଳି ଜଣାଇଛନ୍ତି। ସେ ଲେଖିଛନ୍ତି, 'ଗର୍ବ, ବୀରତ୍ୱ ଏବଂ ପ୍ରଫେସନାଲିଜିମର ଶୀର୍ଷରେ ରହି ଗ୍ରୁପ୍ କ୍ୟାପଟେନ୍ ବରୁଣ ସିଂ ଦେଶର ସେବା କରିଥିଲେ। ତାଙ୍କ ଦେହାନ୍ତରେ ମୁଁ ଅତ୍ୟଧିକ ଦୁଃଖିତ। ଦେଶ ପ୍ରତି ତାଙ୍କର ସମୃଦ୍ଧ ସେବା କଦାପି ଭୁଲିବ ନାହିଁ। ତାଙ୍କ ପରିବାର ଏବଂ ବନ୍ଧୁଙ୍କ ପ୍ରତି ସମବେଦନା ଜଣାଉଛି। ଓମ୍ ଶାନ୍ତି'
ସୂଚନାଯୋଗ୍ୟ, ଗତ ଡିସେମ୍ବର ୮ ତାରିଖରେ ତାମିଲନାଡୁର କୁନ୍ନୁର (Coonoor) ଜିଲ୍ଲାର ନିଳଗିରି ଜଙ୍ଗଲରେ ବାୟୁସେନାର Mi-17V5 Helicopter ଦୁର୍ଘଟଣା ଗ୍ରସ୍ତ ହୋଇଥିଲା। ଏହି ଦୁର୍ଘଟଣାରେ ସିଡିଏସ ଜେନେରାଲ ବିପିନ ରାୱତ, ତାଙ୍କ ପତ୍ନୀ ମଧୁଲିକା ରାୱତ ଓ ଅନ୍ୟ ୧୧ ଜଣ ଯବାନଙ୍କ ଦେହାନ୍ତ ହୋଇଥିବା ବେଳେ କେବଳ ଗ୍ରୁପ କ୍ୟାପଟନ ବରୁଣ ସିଂହ ଜୀବୀତ ଥିଲେ। ଗୁରୁତର ଅବସ୍ଥାରେ ପ୍ରଥମେ ତାଙ୍କୁ ୱିଲିଂଟନ ଓ ପରେ ଆର୍ମୀ ହସ୍ପିଟାଲ (Army Hospital) କୁ ସ୍ଥାନାନ୍ତର କରାଯାଇଥିଲା।
ଶହୀଦ ଗ୍ରୁପ କ୍ୟାପଟନ ବରୁଣ ସିଂହଙ୍କ ଘର ମଧ୍ୟ ପ୍ରଦେଶର ଭୋପାଲ (Bhopal) ରେ ବୋଲି ସୂଚନା ମିଳିଛି। ତାଙ୍କ ବାପା କେପି ସିଂହ ଜଣେ ପୂର୍ବତନ ସେନାଧିକାରୀ। ସେ କୋଲୋନେଲ ରାଙ୍କରେ ଅବସର ନେଇଥିଲେ। ଗତବର୍ଷ ଗ୍ରୁପ କ୍ୟାପଟନ ବରୁଣ ସିଂହଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ ଶୌର୍ଯ୍ୟ ଚକ୍ରରେ ସମ୍ମାନୀତ କରିଥିଲେ।
)