ପାଟନାରେ ଅନୁଷ୍ଠିତ ହେବ ତେଜସ୍ୱୀ ଯାଦବଙ୍କ ରିସେପ୍ସନ୍, CM Nitish କୁ ପଠାଇବେ ନିମନ୍ତ୍ରଣ!

ପାଟନା: ରାଷ୍ଟ୍ରିୟ ଜନତା ଦଳ (RJD) ନେତା ତେଜସ୍ୱୀ ଯାଦବ (Tejashwi Yadav) ଗତ କିଛି ଦିନ ଧରି ନିରନ୍ତର ହେଡଲାଇନରେ ରହିଆସୁଛନ୍ତି । ତେବେ ଏଥର ହେଡଲାଇନରେ ରହିବାର କାରଣ କୌଣସି ରାଜନୈତିକ ବୟାନ ନୁହେଁ ବରଂ ନିଜର ବିବାହକୁ ନେଇ । ବିରୋଧୀ ଦଳର ନେତା ତେଜସ୍ୱୀ ଯାଦବଙ୍କ ବିବାହ ଖବର ହଠାତ୍ ଗଣମାଧ୍ୟମ ମାଧ୍ୟମରେ ସମସ୍ତଙ୍କ ସାମ୍ନାକୁ ଆସିଥିଲା । ବିବାହରେ କୌଣସି ଗୋଟିଏ ବି ରାଜନୈତିକ ଚେହେରାର ଅନୁପସ୍ଥିତି ଅନେକ ରାଜନୈତିକ ମହଲରେ ପ୍ରଶ୍ନ ଉଠାଉଛି । ଅନେକ ନେତାଙ୍କୁ ନିମନ୍ତ୍ରଣ କରାଯାଇନଥିବା ମଧ୍ୟ ସୂଚନା ରହିଛି । ଅନେକ ରାଜନେତା ସୋସିଆଲ ମିଡିଆ ଜରିଆରେ ତେଜସ୍ୱୀଙ୍କୁ ଜୀବନର ନୂଆ ଇନିଂସ ପାଇଁ ଅଭିନନ୍ଦନ ଜଣାଇଛନ୍ତି ।

ଏହି କ୍ରମରେ ମୁଖ୍ୟମନ୍ତ୍ରୀ ନୀତୀଶ କୁମାର  (Chief Minister Nitish Kumar) ମଧ୍ୟ ତାଙ୍କୁ ଅଭିନନ୍ଦନ ଜଣାଇଛନ୍ତି ଏବଂ କହିଛନ୍ତି ଯେ ଖବରକାଗଜ ମାଧ୍ୟମରେ ତେଜସ୍ୱୀ ଯାଦବ ଦିଲ୍ଲୀରେ ବିବାହ ଖବର ଜାଣିଲି । ସେମାନଙ୍କୁ ଅଭିନନ୍ଦନ ଏବଂ ଶୁଭେଚ୍ଛା ।

ତେଜସ୍ୱୀ କେବେ ଦେବେ ରିସେପସନ୍?
ତେଜସ୍ୱୀଙ୍କ ବିବାହ ହୁଏତ ଦିଲ୍ଲୀରେ ହୋଇଥାଇପାରେ, କିନ୍ତୁ ପାଟନାରେ ରିସେପ୍ସନ୍ ପାଇଁ ପ୍ରସ୍ତୁତି ଚାଲିଛି । ତେଜଶ୍ୱୀଙ୍କ ରିସେପ୍ସନ୍ ପାଇଁ ରାବଡି ଦେବୀ ପାଟନାରେ ପହଞ୍ଚି ସାରିଛନ୍ତି । ଆରଜେଡି ସୂତ୍ର ଅନୁଯାୟୀ, ତେଜସ୍ୱୀ ଏବଂ ତାଙ୍କ ପତ୍ନୀ ରାବିଡି ନିବାସରେ ପହଞ୍ଚିବା ପାଇଁ ପ୍ରସ୍ତୁତି ଆରମ୍ଭ ହୋଇଛି । ପୁରା ରାବିଡି ଘରକୁ ଫୁଲରେ ସଜାଯିବ । ଖବର ଅନୁଯାୟୀ, ନୂତନ ଦମ୍ପତି ୧୩ କିମ୍ବା ୧୪ ଡିସେମ୍ବର ପାଟନା ନିବାସରେ ପହଞ୍ଚିବେ । ତେଣୁ ଜାନୁୟାରୀ ୧୫ ପରେ ରିସେପ୍ସନ୍ ଆୟୋଜିତ ହେବ ।

ନୀତୀଶ କୁମାରଙ୍କୁ ନିମନ୍ତ୍ରଣ କରାଯିବ କି?
ଖରମାସ ଆରମ୍ଭ ଯୋଗୁଁ, ଜାନୁୟାରୀ ୧୫ ପରେ ରିସେପ୍ସନ୍ ପାଇଁ ପ୍ରସ୍ତୁତି କରାଯିବ । ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଜାନୁଆରୀ ୧୫ ପରେ ତେଜାଶ୍ୱୀ ପାଟନାରେ ରିସେପ୍ସନ୍ ଦେବେ ଓ ରିସେପ୍ସନରେ କେବଳ ସ୍ୱତନ୍ତ୍ର ଏବଂ ସୀମିତ ଲୋକଙ୍କୁ ନିମନ୍ତ୍ରଣ କରାଯିବ । ଏହି ରିସେପ୍ସନରେ ତେଜସ୍ୱୀ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କୁ ନିମନ୍ତ୍ରଣ ପଠାଇବେ ବୋଲି ବିଶ୍ୱାସ ରହିଛି । ତେଜସ୍ୱୀ ବିବାହରେ କାହାକୁ ନିମନ୍ତ୍ରଣ କରିନଥିଲେ, ସେ ରିସେପ୍ସନରେ ଏହି ଅଭାବ ପୂରଣ କରିବାକୁ ଚାହୁଁଛନ୍ତି । ଏହି ରିସେପ୍ସନକୁ କାହାକୁ ନିମନ୍ତ୍ରିତ କରାଯାଉଛି ଓ କିଏ ଯୋଗ ଦେଉଛି ତାହା ଦେଖିବା ମଜାଦାର ହେବ ।

ଏହା ବି ପଢ଼ନ୍ତୁ: କୋଟିପତି ହେବାର ସୁଯୋଗ ଦେଉଛି ପୋଷ୍ଟ ଅଫିସ! କେବଳ ଏହି ସ୍କିମରେ ନବେଶ କରନ୍ତୁ ୪୧୭ ଟଙ୍କା

ଏହା ବି ପଢ଼ନ୍ତୁ: ଚାକିରି ଖୋଜୁଥିବା ଲୋକଙ୍କ ପାଇଁ ଏକ ଖୁସି ଖବର; ୬୦୦ ଲୋକଙ୍କୁ ନିଯୁକ୍ତି ଦେବ ଏହି କମ୍ପାନୀ