'ଶ୍ରମିକଙ୍କ ଭଡ଼ା ଦେବାକୁ ଚାହୁଁନାହାଁନ୍ତି ଡବଲ ଇଞ୍ଜିନର ସରକାର'

ପାଟନା: ଆରଜେଡି ନେତା ତଥା ବିହାର ବିରୋଧୀ ଦଳର ନେତା ତେଜସ୍ୱୀ ଯାଦବ କେନ୍ଦ୍ର ଓ ରାଜ୍ୟ ସରକାରଙ୍କୁ ଟାର୍ଗେଟ କରି କହିଛନ୍ତି । ସେ କହିଛନ୍ତି ଯେ, "୨୦୦୮ ମସିହାରେ ଯେତେବେଳେ କୋସି ନଦୀ ଏହାର ସୀମା ଅତିକ୍ରମ କରିଥିଲା । ​​ସେତେବେଳେ ଲକ୍ଷ ଲକ୍ଷ ଲୋକଙ୍କ ଜୀବନ ପ୍ରଭାବିତ ହୋଇଥିଲା । ସେତେବେଳେ ତତ୍କାଳୀନ ରେଳମନ୍ତ୍ରୀ ଶ୍ରୀ ଲାଲୁ ପ୍ରସାଦ ଜୀ ମାଗଣାରେ ଟ୍ରେନ୍ ଚଳାଇଥିଲେ । କେବଳ ବିହାରର ୪-୫ ଜିଲ୍ଲା ପାଇଁ ୧୦୦୦ କୋଟିର ପ୍ୟାକେଜ୍ ବ୍ୟବସ୍ଥା କରାଇଥିଲେ । ରେଲୱେରୁ ବିହାର ମୁଖ୍ୟମନ୍ତ୍ରୀ ରିଲିଫ ପାଣ୍ଠିରେ ୯୦ କୋଟି ଦେବା ବ୍ୟବସ୍ଥା କରିଥିଲେ । ସେ ମଧ୍ୟ ନିଜେ ୧ କୋଟି ଟଙ୍କା ଦେଇଥିଲେ । ସେତେବେଳେ ମୁଖ୍ୟମନ୍ତ୍ରୀ ନୀତୀଶ କୁମାର ଥିଲେ ଏବଂ ବର୍ତ୍ତମାନ ମଧ୍ୟ ଅଛନ୍ତି । କିନ୍ତୁ ବର୍ତ୍ତମାନ କେନ୍ଦ୍ର ଏବଂ ରାଜ୍ୟ ସରକାରଙ୍କ ଗରିବ ବିରୋଧୀ ଚେହେରାକୁ ଦେଖନ୍ତୁ ।"

ସେ ଆହୁରି ମଧ୍ୟ କହିଛନ୍ତି, 'ଉଭୟ ସ୍ଥାନରେ ଡବଲ ଇଞ୍ଜିନ ସରକାର ଅଛି କିନ୍ତୁ ଗରିବ ଶ୍ରମିକଙ୍କ ଭଡା ଦେବାକୁ କେହି ପ୍ରସ୍ତୁତ ନୁହଁନ୍ତି । ଗରିବ ବିହାରୀଙ୍କୁ ଫେରାଇ ଆଣିବାରେ ସମ୍ବଳ ଅଭାବରୁ କାନ୍ଦୁଥିବା ସରକାର ଏବେ ଆଉ ଏକ ବାହାନା ଖୋଜୁଛନ୍ତି । ଶ୍ରମିକମାନେ ଅତ୍ୟନ୍ତ ଦୁଃଖଦ ଅବସ୍ଥାରେ ଅଛନ୍ତି । ଲୋକମାନେ ଭୋକର ଶିକାର ହେଉଛନ୍ତି । '

ତେଜସ୍ୱୀ ଆହୁରି କହିଛନ୍ତି, 'ସରକାର ଗୋଟିଏ ପଟେ ୧୦୦୦ ଟଙ୍କା ଦେବାର ପ୍ରଚାର କରୁଛନ୍ତି । ଅନ୍ୟପଟେ ଗରିବଙ୍କ ଭଡା ଦେବାକୁ ରାଜ୍ୟ ସରକାରଙ୍କ ପାଖରେ ଟଙ୍କା ନାହିଁ । ବିହାର ସରକାର ନୈତିକତା ଏବଂ କର୍ତ୍ତବ୍ୟର ସମସ୍ତ ସମ୍ମାନ ଭୁଲି ଯାଇଛନ୍ତି ।

ଅନ୍ୟପକ୍ଷେ ବିଗତ ଦିନରେ ଟ୍ରେନରେ ଆସିବା ସମୟରେ ଶ୍ରମିକଙ୍କୁ ନିଜ ନିଜ ଟିକେଟ ଖର୍ଚ୍ଚ ଦେବାକୁ ପଡ଼ିବ ବୋଲି ତାହା ସ୍ପଷ୍ଟ କରିଥିଲେ ବିହାର ସରକାର । ଏହା ଭାରତ ସରକାରଙ୍କ ଦିଶାନିର୍ଦ୍ଦେଶ ବୋଲି କହିଥିଲେ ବିହାରର ବିପର୍ଯ୍ୟୟ ପରିଚାଳନା ବିଭାଗର ମୁଖ୍ୟ ସଚିବ ପ୍ରତୀକ ଅମୃତ ।