ପୁଲୱାମାରେ ସୁରକ୍ଷା ବାହିନୀ ଉପରେ ଆତଙ୍କବାଦୀ ଆକ୍ରମଣ; ଜଣେ ଯବାନ ଶହୀଦ

Terror Attack: ଦକ୍ଷିଣ କାଶ୍ମୀରର ପୁଲୱାମାସ୍ଥିତ ଏକ ଚେକପଏଣ୍ଟରେ ଯାଞ୍ଚ ବେଳେ ଆତଙ୍କବାଦୀମାନେ ସୁରକ୍ଷା ବାହିନୀ ଦଳ ଉପରେ ଗୁଳି ଚଳାଇବା ଆରମ୍ଭ କରିଥିଲେ । ଏଥିରେ ଜଣେ ଯବାନ ଶହୀଦ ହୋଇଥିଲେ । ଏହି ଅଞ୍ଚଳରେ ସର୍ଚ୍ଚ ଅପରେସନ୍ ଚାଲିଛି ।

Pulwama Terror Attacks: ଦକ୍ଷିଣ କାଶ୍ମୀରର ପୁଲୱାମାରେ ଆତଙ୍କବାଦୀ ଆକ୍ରମଣରେ ଜଣେ ଯବାନ ଶହୀଦ ହୋଇଛନ୍ତି । ପୋଲିସ ଓ ସୁରକ୍ଷା ବାହିନୀର ଏକ ଟିମ୍ ଏଠାରେ ଥିବା ଗୋଙ୍ଗୁ କ୍ରସିଂ ଅଞ୍ଚଳରେ ଥିବା ଏକ ଚେକପୋଷ୍ଟରେ ଯାଞ୍ଚ କରୁଥିଲେ । ଏହାପରେ ଆତଙ୍କବାଦୀମାନେ ପାଟ୍ରୋଲିଂ ଟିମ୍ ଉପରେ ଗୁଳି ଚଳାଇବା ଆରମ୍ଭ କରିଥିଲେ । ଏହି ଆକ୍ରମଣରେ CRPF ର ସହକାରୀ ସବ୍ ଇନ୍ସପେକ୍ଟର ବିନୋଦ କୁମାର ଗୁରୁତର ଆହତ ହୋଇଥିଲେ । ତାଙ୍କୁ ହସ୍ପିଟାଲ ନିଆଯାଇଥିଲା, ଯେଉଁଠାରେ ତାଙ୍କର ମୃତ୍ୟୁ ଘଟିଥିଲା । ସୁରକ୍ଷା ବାହିନୀ ସମଗ୍ର ଅଞ୍ଚଳରେ ସର୍ଚ୍ଚ ଅପରେସନ ଆରମ୍ଭ କରିଛି ।

କୁହାଯାଉଛି ଯେ ଏହି ଆକ୍ରମଣରେ ଏଏସଆଇ ବିନୋଦ କୁମାର ଶହୀଦ ହୋଇଛନ୍ତି । ପାଞ୍ଚ ଦିନ ପୂର୍ବେ ଶ୍ରୀନଗରର ଲାଲ ବଜାର ଅଞ୍ଚଳରେ ଥିବା ଚେକ୍ ପୋଷ୍ଟରେ ଆତଙ୍କବାଦୀମାନେ ପୋଲିସ ଦଳ ଉପରେ ଆକ୍ରମଣ କରିଥିଲେ । ଏଥିରେ ଜମ୍ମୁ କାଶ୍ମୀର ପୋଲିସର ଏଏସଆଇ ମୁସ୍ତାକ୍ ଅହମ୍ମଦ ସହିଦ ହୋଇଥିଲେ । ଚଳିତ ବର୍ଷ ବିଭିନ୍ନ ସ୍ଥାନରେ ଆତଙ୍କବାଦୀ ଆକ୍ରମଣରେ ୯ ଜଣ ପୋଲିସ ସହିଦ ହୋଇଛନ୍ତି ।

One CRPF personnel succumbed to his injuries after terrorists attacked police and CRPF personnel in the Gangoo area of Pulwama today. Area cordoned off. Search in progress: Jammu and Kashmir Police

(Visuals deferred by unspecified time) pic.twitter.com/owS6eK3cU7

— ANI (@ANI) July 17, 2022

ଜୁଲାଇ ୧୧ ରେ ପୁଲୱାମାରେ ଜୟଶ-ଏ-ମହମ୍ମଦଙ୍କ କମାଣ୍ଡର କେସିଆର କୋକାଙ୍କ ସମେତ ଦୁଇଜଣ ଆତଙ୍କବାଦୀ ନିହତ ହୋଇଥିଲେ । ଅନେକ ଆତଙ୍କବାଦୀ ଘଟଣାରେ କୋକା ସାମିଲ ଥିଲେ । ଖବର ଅନୁଯାୟୀ ଚଳିତ ବର୍ଷ ଜମ୍ମୁ କାଶ୍ମୀରରେ ୧୨୫ ଆତଙ୍କବାଦୀ ନିହତ ହୋଇଛନ୍ତି । ସେଥିମଧ୍ୟରୁ ୩୪ ଆତଙ୍କବାଦୀ ପାକିସ୍ତାନୀ ଥିଲେ । ଜୁନ୍ ମାସରେ ୩୪ ଆତଙ୍କବାଦୀ ନିହତ ହୋଇଥିଲେ ।

ଏହା କୁହାଯାଉଛି ଯେ ଜାମ୍ମୁ କାଶ୍ମୀରରେ ୧୪୧ ସକ୍ରିୟ ଆତଙ୍କବାଦୀ ଅଛନ୍ତି, ସେମାନଙ୍କ ମଧ୍ୟରୁ ୮୨ ଜଣ ବିଦେଶୀ । ରିପୋର୍ଟରେ କୁହାଯାଇଛି ଯେ ଆତଙ୍କବାଦୀ ସଂଗଠନ ବର୍ତ୍ତମାନ ଜମ୍ମୁ କାଶ୍ମୀରରେ ଛୋଟ ଓ ଆଧୁନିକ ଅସ୍ତ୍ରଶସ୍ତ୍ର ଏକଜୁଟ କରିବାରେ ନିୟୋଜିତ ଅଛନ୍ତି । ସାମ୍ପ୍ରତିକ ମୁକାବିଲାରେ ଏଭଳି ଆଧୁନିକ ଅସ୍ତ୍ରଶସ୍ତ୍ର ଜବତ କରାଯାଇଛି ।