୧୫ ଅଗଷ୍ଟରେ ଲଞ୍ଚ ହୋଇପାରେ ପ୍ରଥମ କୋରୋନା ଭ୍ୟାକସିନ୍ COVAXIN

ଶୁଭଶ୍ରୀ ମହାପାତ୍ର, ଭୁବନେଶ୍ୱର: ସମଗ୍ର ବିଶ୍ୱ ଏବେ କୋରୋନା ମହାମାରୀ ଭିତରେ ଗତି କରୁଛି । ଦେଶରେ ପ୍ରତ୍ୟେକ ଦିନ ନୂଆ କୋରୋନା ରୋଗୀ ଚିହ୍ନଟ ହେଉଛନ୍ତି । ମୃତ୍ୟୁ ସଂଖ୍ୟା ମଧ୍ୟ ଥମିବାର ନାଁ ନେଉନାହିଁ ।  ଏଭଳି ପରିସ୍ଥିତିରେ ଏକ ଭଲ ଖବର ଶୁଣିବାକୁ ମିଳିଛି । ଅଗଷ୍ଟ ୧୫ରେ କୋରୋନାର ପ୍ରଥମ ଭ୍ୟାକସିନ୍ ‘କୋଭାକ୍ସିନ’ ଲଞ୍ଚ ହୋଇପାରେ । ଭାରତ ବାୟୋଟେକ୍ କଂପାନୀ ସ୍ୱ-ପ୍ରୟାସର ସଫଳ ରୂପ ଦେବାକୁ ଯାଉଛି । ଖାସ୍ କଥା ହେଲା Vaccineର କ୍ଲିନିକାଲ୍  ଟ୍ରାଏଲ୍ ପାଇଁ ନିର୍ଦ୍ଦେଶ ଦିଆଯାଇଛି ।

୭ ଜୁଲାଇରେ ଆରମ୍ଭ ହେବ ହ୍ୟୁମାନ୍ ଟ୍ରାଏଲ୍:  

ଭାରତ ବାୟୋଟେକ୍ ଓ ଇଣ୍ଡିଆନ୍ କାଉନସିଲ୍ ଫର ମେଡିକାଲ୍ ରିସର୍ଚ୍ଚ (ICMR) ମିଳିତ ଭାବରେ Vaccine ଲଞ୍ଚ କରିପାରନ୍ତି । ଆସନ୍ତା ୭ ତାରିଖରେ ହ୍ୟୁମାନ୍ ଟ୍ରାଏଲ୍ ପାଇଁ ଏନରୋଲମେଣ୍ଟ ଆରମ୍ଭ ହୋଇଯାଇଛି ।

୧୫ ଅଗଷ୍ଟକୁ ବଜାରକୁ ଆସିବ Vaccine: 

ଯଦି ସବୁ ଟ୍ରାଏଲ୍ ସଫଳ ହୁଏ, ତେବେ ୧୫ ଅଗଷ୍ଟ ପର୍ଯ୍ୟନ୍ତ ଭ୍ୟାକସିନ ଲଞ୍ଚ ହୋଇଯିବ । ଟ୍ରାୟଲ ଶେଷ ହେବା ପରେ କମ୍ପାନୀ ବଜାରକୁ ଭ୍ୟାକସିନ୍ ପଠାଇବ ।

DCGIରୁ ମିଳିଲା ମଞ୍ଜୁରୀ: 

ପ୍ରଥମେ ଭାରତ ବାୟୋଟେକର ଭ୍ୟାକସିନ୍ ମାର୍କେଟକୁ ଆସିଯିବ । Vaccineର ହ୍ୟୁମାନ ଟ୍ରାଏଲ୍ ପାଇଁ ଭାରତ ଔଷଧ ମହାନିୟନ୍ତ୍ରକ (DCGI) ତରଫରୁ ମଞ୍ଜୁରୀ ମିଳିଯାଇଛି ।

AIIMS ସମେତ ୧୩ ହସ୍ପିଟାଲରେ ଟ୍ରାଏଲ ପାଇଁ ନିର୍ଦ୍ଦେଶ: 

ICMR ପ୍ରତ୍ୟେକ ଏଜେନ୍ସି ଓ ହସ୍ପିଟାଲକୁ ଚିଠି ଲେଖିଛନ୍ତି । ଏମାନେ ସମସ୍ତେ Vaccineର ହ୍ୟୁମାନ୍ ଟ୍ରାଏଲ୍ କରିବେ । ଏମ୍ସ ସମେତ ୧୩ ହସ୍ପିଟାଲକୁ କ୍ଲିନିକାଲ୍ ଟ୍ରାଏଲ୍ କରିବାକୁ ନିର୍ଦ୍ଦେଶ ରହିଛି । ଫଳରେ ନିର୍ଦ୍ଧାରିତ ତାରିଖ ସୁଦ୍ଧା ଭ୍ୟାକସିନ ଲଞ୍ଚ ହୋଇପାରିବ ।

ଭାରତ ବାୟୋଟେକର ଭ୍ୟାକସିନ୍:  

ଭାରତ ବାୟୋଟିକର ଭ୍ୟାକସିନ ତିଆରି ପାଇଁ ପୁରୁଣା ଅନୁଭୂତି ରହିଛି । ପୋଲିଓ, ରୋଟା ଭାଇରସ୍, ରେବିଜ୍, ଜାପାନୀ ଏନସେଫାଲାଇଟିସ, ଚିକନଗୁନିଆ ଓ ଜିକା ଭାଇରସ ପାଇଁ ଭାରତ ବାୟୋଟିକ ହିଁ ଟୀକା ଆଣିଥିଲା ।