ଦିଲ୍ଲୀରେ କୋରୋନାର ପ୍ରକୋପ: ଆକ୍ରାନ୍ତଙ୍କ ସଂଖ୍ୟା ଛୁଇଁଲା ୨,୩୭୬

ନୂଆଦିଲ୍ଲୀ: ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ସଂକ୍ରମିତ କୋରୋନା ସଂଖ୍ୟା ୨,୩୭୬କୁ ବୃଦ୍ଧି ପାଇଛି । ଗତ ୨୪ ଘଣ୍ଟା ମଧ୍ୟରେ ରାଜଧାନୀରେ ୧୨୮ଟି ନୂଆ କୋରୋନା ମାମଲା ଟିହ୍ନଟ ହୋଇଛି । ଏହି ସମୟ ମଧ୍ୟରେ ୨ ଜଣଙ୍କ ମୃତ୍ୟୁ ଘଟିଛି । ଏହିପରି ରାଜଧାନୀରେ ମୃତ୍ୟୁ ସଂଖ୍ୟା ୫୦ରେ ପହଞ୍ଚିଛି । ଅନ୍ୟପକ୍ଷରେ ଏପର୍ଯ୍ୟନ୍ତ ୮୦୮ ରୋଗୀ ଏହି ଭାଇରସରୁ ଆରୋଗ୍ୟ ଲାଭ କରିଛନ୍ତି । ଦିଲ୍ଲୀରେ ରିକଭରୀ ହାରରେ କ୍ରମାଗତ ଉନ୍ନତି ଘଟିଛି । ଆଜି ଅର୍ଥାତ୍ ଏପ୍ରିଲ ୨୩ରେ ଦିଲ୍ଲୀରେ ରିକଭରୀ ହାର ୩୪% ରହିଛି । ଏପ୍ରିଲ ୨୨ରେ ରିକଭରୀ ହାର ୩୨,୨% ଥିଲାବେଳେ 10 ଦିନ ପୂର୍ବରୁ ଅର୍ଥାତ୍ ଏପ୍ରିଲ ୧୪ରେ ପୁନରୁଦ୍ଧାର ହାର ୧.୯୨% ଥିଲା ।

ଅନ୍ୟପକ୍ଷରେ ଗୁରୁବାର ରାଜଧାନୀରେ ଲକଡାଉନ ଉଲଂଘନ ମାମଲା ୧୪୦ରୁ ଅଧିକ ରହିଥିଲା । ୩ ହଜାର ୧୦୯ ଜଣଙ୍କୁ ଗିରଫ କରାଯାଇଥିଲା । ଦିଲ୍ଲୀ ପୋଲିସ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଭାରତୀୟ ଦଣ୍ଡ ସଂହିତା ସଂପୃକ୍ତ ଧାରା ଅନୁଯାୟୀ ୧୪୪ରେ ମାମଲା ରୁଜୁ ହୋଇଥିଲା । 

ଅନ୍ୟପକ୍ଷେ ଏଠାରେ କହି ରଖୁଛୁ ଯେ, ଭାରତରେ କୋରୋନା ଭାଇରସ୍ ସଂକ୍ରମଣର ପ୍ରକୋପ ଜାରି ରହିଛି । ଲକଡାଉନ୍  ସତ୍ତ୍ୱେ ଏହାର ମାମଲା କ୍ରମାଗତ ଭାବରେ ବୃଦ୍ଧି ପାଉଛି । ଏହି ସମୟରେ ଦେଶରେ କୋରୋନା ଭାଇରସ୍ ରୋଗୀଙ୍କ ସଂଖ୍ୟା ୨୧ ହଜାର ଅତିକ୍ରମ କରିସାରିଛି ।

ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ସର୍ବଶେଷ ତଥ୍ୟ ଅନୁଯାୟୀ ଭାରତରେ କୋରୋନା ଭାଇରସ୍ ସଂକ୍ରମଣ ସଂଖ୍ୟା ୨୧,୩୯୩କୁ ବୃଦ୍ଧି ପାଇଛି । ଗତ ୨୪ ଘଣ୍ଟା ମଧ୍ୟରେ ୧୪୦୯ ଟି ନୂଆ କୋରୋନା ମାମଲା ସାମ୍ନାକୁ ଆସିଛି ।  ୪୧ ଜଣଙ୍କର ମୃତ୍ୟୁ ହୋଇଛି । ଏଥି ସହିତ, ଦେଶର କୋରୋନା ଯୋଗୁଁ ଏପର୍ଯ୍ୟନ୍ତ ୬୮୧ ଜଣଙ୍କ ମୃତ୍ୟୁ ଘଟିଛି । ଯଦିଓ ୪,୨୫୮ ରୋଗୀ ମଧ୍ୟ ଏହି ରୋଗକୁ ପରାସ୍ତ କରିବାରେ ସଫଳ ହୋଇଛନ୍ତି ।