ସବୁଠାରୁ ଲମ୍ବା ଇଂନିସ ଖେଳିବାରେ ୩ ଭାରତୀୟ

ନୂଆଦିଲ୍ଲୀ: କ୍ରିକେଟର ତିନୋଟି ଫର୍ମାଟ ମଧ୍ୟରୁ ଟେଷ୍ଟ କ୍ରିକେଟରେ ଭଲ ପ୍ରଦର୍ଶନ କରିବା ଅତ୍ୟନ୍ତ କଷ୍ଟକର। ଏଭଳି ପରିସ୍ଥିତିରେ ଟେଷ୍ଟ କ୍ରିକେଟରେ ସଫଳ ହେବା ପାଇଁ ଜଣେ କ୍ରିକେଟରଙ୍କୁ ବହୁତ ସଂଯମତା ଏବଂ ଧୈର୍ଯ୍ୟର ସହିତ ଖେଳିବାକୁ ପଡେ । କ୍ରିକେଟରେ ଏ ପର୍ଯ୍ୟନ୍ତ ଅନେକ କିମ୍ବଦନ୍ତି ଖେଳାଳି ରହିଛନ୍ତି ଯେଉଁମାନେ ଦିନିକିଆରେ ଚମତ୍କାର ପ୍ରଦର୍ଶନ କରିଛନ୍ତି। କିନ୍ତୁ ଟେଷ୍ଟ କ୍ରିକେଟରେ ସେମାନେ ବିଫଳତାର ସ୍ୱାଦ ଚାଖିଛନ୍ତି । ସେଥିପାଇଁ କୁହାଯାଏ ଯେ କ୍ରିକେଟରଙ୍କ ପ୍ରକୃତ ପରୀକ୍ଷା ଟେଷ୍ଟ କ୍ରିକେଟରେ ଅଛି ।

ବର୍ତ୍ତମାନ ପର୍ଯ୍ୟନ୍ତ କ୍ରିକେଟ୍ ଦୁନିଆରେ ଅନେକ କ୍ରିକରେଟର ଅଛନ୍ତି ଯେଉଁମାନେ ଟେଷ୍ଟ କ୍ରିକେଟରେ ଚମତ୍କାର ପ୍ରଦର୍ଶନ କରିଛନ୍ତି। କିନ୍ତୁ ଅଧିନାୟକ ଭାବରେ କ୍ରିକେଟର ଲମ୍ବା ଫର୍ମାଟରେ ସଫଳ ହୋଇଥିବା କିଛି କ୍ରିକେଟ୍ ଖେଳାଳି ଅଛନ୍ତି । ସେଥିପାଇଁ ଆଜି ଆମେ ଆପଣଙ୍କୁ ଟିମ୍ ଇଣ୍ଡିଆର ଅଧିନାୟକମାନଙ୍କ ବିଷୟରେ କହିବାକୁ ଯାଉଛୁ ଯେଉଁମାନେ ଭାରତରୁ ଟେଷ୍ଟ କ୍ରିକେଟରେ ୫ଟି ଇନିଂସ ଖେଳିଛନ୍ତି।

ବିରାଟ କୋହଲି
ଏହି ତାଲିକାରେ ଅଧିନାୟକ ବିରାଟ କୋହଲିଙ୍କ ନାମ ସାମିଲ ରହିଛି । ଜଣେ ଅଧିନାୟକ ଭାବେ ଲମ୍ବା ଇଂନିସ ଖେଳିବା ତାଲିକାରେ ବିରାଟ କୋହଲିଙ୍କ ନାମରେ ରେକର୍ଡ ରହିଛି । ୨୦୧୯ରେ ପୁନେରେ ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯାଇଥିବା ଟେଷ୍ଟରେ ବିରାଟ ୨୫୪ ରନର ଅପରାଜିତ ଇନିଂସ ଖେଳିଥିଲେ। ବିରାଟ ଏହି ଇନିଂସରେ ୩୩ଟି ଚୌକା ଓ ୨ଟା ଛକା ମାରିଥିଲେ। ଏହି ମ୍ୟାଚରେ ଭାରତ ୧୩୭ ରନ୍ ବ୍ୟବଧାନରେ ବିଜୟ ହାସଲ କରିଥିଲା। ତେବେ ଏହାପୂର୍ବରୁ ୨୦୧୭ରେ ଶ୍ରୀଲଙ୍କା ବିପକ୍ଷରେ ଖେଳି ବିରାଟ ଦ୍ୱିଶତକ ହାସଲ କରି ସାରିଛନ୍ତି।

ମହେନ୍ଦ୍ର ସିଂହ ଧୋନି
ଟିମ୍ ଇଣ୍ଡିଆର ପୂର୍ବତନ ଅଧିନାୟକ ଏମ୍।ଏସ୍ ଧୋନି (M.S.Dhoni) ତାଙ୍କ କ୍ୟାରିୟରରେ ମୋଟ ୯୦ଟି ଟେଷ୍ଟ ମ୍ୟାଚ୍ ଖେଳିଛନ୍ତି। ଯେଉଁଥିରେ ସେ ୬ଟି ଶତକ ଏବଂ ୩୩ଟି ଅର୍ଦ୍ଧଶତକ ବଳରେ ମୋଟ ୪୮୭୬ ରନ୍ ସଂଗ୍ରହ କରିଛନ୍ତି। ଧୋନି ତାଙ୍କ ନେତୃତ୍ୱରେ ଟିମ୍ ଇଣ୍ଡିଆକୁ ଶୀର୍ଷ ସ୍ଥାନରେ ପହଞ୍ଚାଇଥିଲେ । ଯଦିଓ ଧୋନି ଟେଷ୍ଟ କ୍ରିକେଟରୁ ବହୁ ପୂର୍ବରୁ ଅବସର ନେଇ ସାରିଛନ୍ତି। କିନ୍ତୁ ଏହା ସତ୍ତ୍ୱେ ସେ ଟେଷ୍ଟରେ ଲମ୍ବା ଇନିଂସ ଖେଳି ସାରିଛନ୍ତି। ଧୋନି ଅଷ୍ଟ୍ରେଲିଆ ବିପକ୍ଷରେ ଦମଦାର ବ୍ୟାଟିଂ କରି ୨୦୧୩ରେ ୨୨୪ ରନ୍ ସଂଗ୍ରହ କରିଥିଲେ। ସେହି ମ୍ୟାଚ୍‌ରେ ଧୋନି ୨୬୫ ବଲରେ ୨୪ଟି ଚୌକା ଓ ୬ଟି ଛକା ସହାୟତାରେ ଏହି ସ୍କୋର କରିଥିଲେ। ସେହି ସମୟରେ କୌଣସି ଭାରତୀୟ ଅଧିନାୟକଙ୍କ ଦ୍ୱାରା ଖେଳାଯାଇଥିବା ଟେଷ୍ଟ କ୍ରିକେଟର ଏହା ସବୁଠାରୁ ବଡ ଇନିଂସ ଥିଲା ।

ସଚିନ ତେନ୍ଦୁଲକର
ସଚିନ ତେନ୍ଦୁଲକରଙ୍କୁ ବିଶ୍ୱ 'ଗଡ୍ ଅଫ୍ କ୍ରିକେଟ୍' ବୋଲି ସମ୍ବୋଧନ କରିଥାଏ। ସଚିନ ନିଜର କଠିନ ପରିଶ୍ରମ କ୍ରିକେଟ ଜଗତ ଶିଖର ଛୁଇଁବାରେ ସଫଳତା ହାତେଇଛନ୍ତି । ଯଦିଓ ସେ ଅଧିନାୟକ ଭାବରେ ଯେତେ ସଫଳତା ପାଇ ନାହାନ୍ତି, ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ତାଙ୍କର ଦମଦାର ପ୍ରଦର୍ଶନ ବଳରେ ସେତିକି ନାଁ ଅର୍ଜନ କରିପାରିଛନ୍ତି। ସଚିନଙ୍କ କ୍ୟାରିୟର ମଧ୍ୟରେ ଅନେକ ସ୍ମରଣୀୟ ଇନିଂସ ମଧ୍ୟ ଦେଖିବାକୁ ମିଳିଥାଏ। ୧୯୯୯ ମସିହାରେ ନ୍ୟୁଜିଲାଣ୍ଡ ବିପକ୍ଷ ମ୍ୟାଚ ବେଶ ସ୍ମରଣୀୟ। ଏହି ଟେଷ୍ଟରେ ସଚିନ ୩୪୪ ବଲ ଖେଳି ୨୧୭ ରନ ସଂଗ୍ରହ କରିପାରିଛନ୍ତି।