Vodafone Ideaର ଏହି ଗ୍ରାହକଙ୍କୁ ଆଉ ମିଳିବନି ଦ୍ୱିଗୁଣା ଡାଟା

ନୂଆଦିଲ୍ଲୀ: ଭୋଡାଫୋନ୍ ଆଇଡିଆ(Vodafone Idea) ନିଜର ଡବଲ୍ ଡାଟା ଅଫର୍ ୨୨ଟି ଟେଲିକମ୍ ସର୍କଲରେ  ଆରମ୍ଭ କରିଥିଲା । କିନ୍ତୁ ବର୍ତ୍ତମାନ ଏହି ଅଫର କେବଳ ୧୪ ସର୍କଲରେ ହିଁ ଉପଲବ୍ଧ ହେବ । ହଁ ଅଜ୍ଞା, ଏହାର ଅର୍ଥ ହେଉଛି ଟେଲିକମ୍ ଅପରେଟର ୮ଟି ଟେଲିକମ୍ ସର୍କଲରେ ଏହି ସୁବିଧା ବନ୍ଦ କରି ଦେଇଛି । 

ଏଠାର ଜଣାଇ ଦେବାକୁ ଚାହିଁବୁ ଯେ, କମ୍ପାନୀ ଚଳିତ ମାସ ଆରମ୍ଭରେ ଏହାର ଡବଲ୍ ଡାଟା ଅଫର ଘୋଷଣା କରିଥିଲା, ଯେଉଁଥିରେ ୨୪୯,୩୯୯ ଓ ୫୯୯ ଟଙ୍କା ପ୍ରିପେଡ୍ ରିଚାର୍ଜ ପ୍ଲାନ ସାମିଲ ଥିଲା । ଏହି ପ୍ଲାନରେ ଭୋଡାଫୋନ୍ ଆଇଡିଆ ଗ୍ରାହକମାନଙ୍କୁ ୧.୫ ଜିବି ଅତିରିକ୍ତ ଡାଟା ପ୍ରଦାନ କରାଯାଉଛି ।

ଭୋଡାଫୋନ୍ ଇଣ୍ଡିଆର ୱେବସାଇଟରେ ଦେଖାଯାଇଥିବା ଅପଡେଟ୍ ଅନୁଯାୟୀ, ଡବଲ୍ ଡାଟା ଅଫର୍ ଆଉ ୮ଟି ସର୍କଲରେ ଉପଲବ୍ଧ ନାହିଁ । ଏହି ୮ଟି ସର୍କଲ୍- ଅରୁଣାଚଳ ପ୍ରଦେଶ, ବିହାର, ଗୁଜୁରାଟ, କେରଳ, ମହାରାଷ୍ଟ୍ର-ଗୋଆ, ଉତ୍ତର-ପୂର୍ବ, ପଞ୍ଜାବ ଏବଂ ୟୁପି ପଶ୍ଚିମ ସାମିଲ ରହିଛି । ତେବେ ଲଞ୍ଚ ସମୟରେ ଏହା ହୋଇ ନଥିଲା । ଲଞ୍ଚ ସମୟରେ, ଭୋଡାଫୋନ୍ ଆଇଡିଆର ଏହି ଡବଲ୍ ଡାଟା ଅଫର୍ ୨୨ଟି ଟେଲିକମ୍ ସର୍କଲରେ ଉପଲବ୍ଧ କରାଯାଇଥିଲା ।