ଦିଲ୍ଲୀର ଚିଡ଼ିଆଖାନାରେ ବାଘୁଣୀର ମୃତ୍ୟୁ, କୋରୋନା ପରୀକ୍ଷା ପାଇଁ ପଠାଗଲା ନମୁନା

ନୂଆଦିଲ୍ଲୀ: ଦେଶର ରାଜଧାନୀ ଦିଲ୍ଲୀର ପ୍ରାଣୀ ଉଦ୍ୟାନରେ "କିଡନୀ ଫେଲ୍" ହେବାରୁ ଗୋଟିଏ ବାଘୁଣୀର ମୃତ୍ୟୁ ଘଟିଛି । କୋରୋନା ଭାଇରସ୍ ପରୀକ୍ଷା ପାଇଁ କର୍ତ୍ତୃପକ୍ଷ ବାଘୁଣୀର ନମୁନା ପଠାଇଛନ୍ତି । ପରିବେଶ ମନ୍ତ୍ରଣାଳୟର ଜଣେ ଅଧିକାରୀ କହିଛନ୍ତି ଯେ, ବୁଧବାର ସନ୍ଧ୍ୟାରେ କଳ୍ପନା ନାମକ ଗୋଟିଏ ୧୪ ବର୍ଷୀୟ ବାଘୁଣୀର ମୃତ୍ୟୁ ଘଟିଛି । ଗୁରୁବାର ତାଙ୍କୁ ପୋତି ଦିଆଯାଇଥିଲା । ଏହି ବାଘୁଣୀ ଦୁର୍ବଳ ହୋଇଯାଇଥିଲା । ତାର ପୋଷ୍ଟମର୍ଟମ ରିପୋର୍ଟରୁ ଜଣାପଡିଛି ଯେ କ୍ରିଏଟିନିନ୍ ସ୍ତର ବହୁତ ବଢ଼ିଯାଇଥିଲା ।

ସେ କହିଛନ୍ତି ଯେ, "କରୋନା ଭାଇରସକୁ ଦୃଷ୍ଟିରେ ରଖି ଦିଆଯାଇଥିବା ନିର୍ଦ୍ଦେଶାବଳୀ ଅନୁଯାୟୀ ସମାଧି ସମୟରେ ଅଳ୍ପ ସଂଖ୍ୟକ ଅଧିକାରୀ ଉପସ୍ଥିତ ଥିଲେ ।" କୋରୋନା ଭୂତାଣୁ ପରୀକ୍ଷା ପାଇଁ ସେ ନମୁନାକୁ ଭାରତୀୟ ପ୍ରାଣୀ ଚିକିତ୍ସା ପ୍ରତିଷ୍ଠାନ ବରେଲିକୁ ପଠାଇଛନ୍ତି । କେନ୍ଦ୍ରୀୟ ପ୍ରାଣୀ ଉଦ୍ୟାନର ପୂର୍ବତନ ସଦସ୍ୟ ସଚିବ ଡି.ଏନ୍ ସିଂ ଶୁକ୍ରବାର ପ୍ରାଣୀ ଉଦ୍ୟାନର ଅଧିକାରୀଙ୍କ ବିରୋଧରେ ଅବହେଳା କରିଥିବାର ଅଭିଯୋଗ ଆଣିଛନ୍ତି ।

ସେ କହିଛନ୍ତି ଯେ, ଡିହାଇଡ୍ରେସନ୍ (ଶରୀରରେ ଜଳ ଅଭାବ) ଯୋଗୁଁ ବାଘୁଣୀର ମୃତ୍ୟୁ ହୋଇଥିବା ଜଣାପଡିଛି । ଡିହାଇଡ୍ରେସନ୍ କମ୍ କରିବା ପାଇଁ ବାଘୁଣୀର ଶରୀରରେ ସିଲେଇନ ଦେବା ପାଇଁ ଜବଲପୁରର ଜଣେ ବରିଷ୍ଠ ପ୍ରାଣୀ ଚିକିତ୍ସା ଅଧିକାରୀ ପ୍ରାଣୀ ଉଦ୍ୟାନର ଅଧିକାରୀଙ୍କୁ ପରାମର୍ଶ ଦେଇଥିଲେ । କିନ୍ତୁ ପ୍ରାଣୀ ଉଦ୍ୟାନର କର୍ମଚାରୀମାନେ ଏହା କରିବାକୁ ମନା କରିଦେଇଥିଲେ ।ଏହା ବ୍ୟତୀତ ବାଘୁଣୀର ଅନ୍ତିମ ସଂସ୍କାର ସମୟରେ କୌଣସି ବରିଷ୍ଠ ଅଧିକାରୀ ଉପସ୍ଥିତ ନଥିଲେ, ଯାହା ନିୟମର ଉଲ୍ଲଂଘନ ବୋଲି ସେ କହିଛନ୍ତି ।

Add Zee News as a Preferred Source