କୋରୋନା ସଙ୍କଟ: ବାତିଲ ହେବ ଟୋକିଓ ଅଲମ୍ପିକ !

ନୂଆଦିଲ୍ଲୀ: କୋରୋନା ଭାଇରସ୍ କାରଣରୁ ଟୋକିଓ ଅଲିମ୍ପିକ୍ସକୁ ଏକ ବର୍ଷ ପାଇଁ ସ୍ଥଗିତ ରଖାଯାଇଛି । ବର୍ତ୍ତମାନ ଆସନ୍ତା ବର୍ଷ ୨୦୨୧ରେ ଟୋକିଓ ଅଲିମ୍ପିକ୍ସ ଅନୁଷ୍ଠିତ ହେବ । ଅଲିମ୍ପିକ୍ ଆୟୋଜକ କମିଟି ଆସନ୍ତା ବର୍ଷ ୨୩ ଜୁଲାଇ ୨୦୨୧ରୁ ଅଲିମ୍ପିକ୍ସ ଆୟୋଜନ କରିବାକୁ ନିଷ୍ପତ୍ତି ନେଇଛି । କିନ୍ତୁ ଏହି ସମୟରେ ଏକ ବଡ ଖବର ସାମ୍ନାକୁ ଆସିଛି । ଟୋକିଓ ଅଲିମ୍ପିକ୍ ଆୟୋଜକ କମିଟିର ସଭାପତି କହିଛନ୍ତି ଯେ ଯଦି କୋଭିଡ-19(COVID-19) ମହାମାରୀ ସମାପ୍ତ ନହୁଏ । ତେବେ ଟୋକିଓ ଅଲିମ୍ପିକ୍ସକୁ ବାତିଲ କରିବାକୁ ନିଷ୍ପତ୍ତି ମଧ୍ୟ ନିଆଯାଇପାରେ । 

Tokyo Olympics will be canceled altogether if it cannot be held next year, Tokyo 2020 President Yoshiro Mori says.

READ >> https://t.co/227LPeW1Rm#Tokyo2021 | #TokyoOlympics @FrankDangelo23 pic.twitter.com/KEkNixr2yA

— NextSportStar.com (@NextSportStar) April 28, 2020

ଟୋକିଓ ୨୦୨୦ର ଅଧ୍ୟକ୍ଷ ୟୋଶିରୋ ମୋରୀ (Yoshiro Mori) ତାଙ୍କ ବୟାନରେ କହିଛନ୍ତି ଯେ, ଯଦି ଏହି ମହାମାରୀ ସମ୍ପୂର୍ଣ୍ଣ ରୂପେ ବିଲୋପ ନହୁଏ, ତେବେ ଆମକୁ ଏକ ବଡ ନିଷ୍ପତ୍ତି ନେବାକୁ ହେବ । ଏହାକୁ ବାତିଲ କରିବାକୁ ଚିନ୍ତା କରିବାକୁ ପଡିବ । ଆମେ ଅଲିମ୍ପିକ୍ସକୁ ୨୦୨୨ ପର୍ଯ୍ୟନ୍ତ ସ୍ଥଗିତ କରିପାରିବୁ ନାହିଁ । ଅଧ୍ୟକ୍ଷ କହିଛନ୍ତି ଯେ, ଏହି ମହାମାରୀ ସମଗ୍ର ଦୁନିଆ ପାଇଁ ବିଶ୍ୱଯୁଦ୍ଧ ସହିତ ସମାନ । ଆଉ ବିଶ୍ୱଯୁଦ୍ଧ ସମୟରେ ଅଲିମ୍ପିକ୍ସ ବାତିଲ କରାଯାଇଥିଲା ।

ମୋରୀ କୋରୋନା ଭାଇରସକୁ ଅଦୃଶ୍ୟ ଶତ୍ରୁ ବିରୁଦ୍ଧରେ ଯୁଦ୍ଧ ବୋଲି କହିଛନ୍ତି । ତେବେ ଏହି ସଙ୍କଟ ଶେଷ ହେବ ଏବଂ ଆସନ୍ତା ବର୍ଷ ଗ୍ରୀଷ୍ମ ସମୟରେ ଏକ ଗ୍ରାଣ୍ଡ ଅଲିମ୍ପିକ୍ସ ଆୟୋଜନ କରାଯିବ ବୋଲି ଅଧ୍ୟକ୍ଷ ନିଶ୍ଚିତ ଅଛନ୍ତି । ଏଠାରେ କହି ରଖୁଛୁ ଯେ, କୋରୋନା ଯୋଗୁଁ ସମଗ୍ର ବିଶ୍ୱରେ କ୍ରୀଡା କାର୍ଯ୍ୟକଳାପ ଉପରେ ବିପଦ ସୃଷ୍ଟି କରିଛି । କୋରୋନା ଯୋଗୁଁ ୱିମ୍ବଲଡନ୍ ପରି ବଡ଼ ପ୍ରତିଯୋଗିତା ମଧ୍ୟ ସ୍ଥଗିତ ରଖାଯାଇଛି । ତେବେ ଟୋକିଓ ଅଲିମ୍ପିକ୍ସ ମୁଖପାତ୍ର ମାସା ତକାୟା ଗଣମାଧ୍ୟମକୁ କହିଛନ୍ତି ଯେ, ବାତିଲ କରିବା ଅଧ୍ୟକ୍ଷଙ୍କ ବ୍ୟକ୍ତିଗତ ମତ । ଆଗାମୀ ବର୍ଷ ଜୁଲାଇ ୨୩ରୁ ଆମେ ଅଲିମ୍ପିକ୍ସ ସହ ଚଳିତ ବର୍ଷ ଅଗଷ୍ଟ ୨୪ରୁ ପାରାଲିମ୍ପିକ୍ସ ଆରମ୍ଭ କରିବାକୁ ଆମର ଉଦ୍ୟମ ଜାରି ରଖିବୁ ।