ଦୀପ ସିଦ୍ଧୁଙ୍କଠୁ ନିଜକୁ ଅଲଗା କଲେ ସନ୍ନି ଦେଓଲ, ଜାଣନ୍ତୁ ଲାଲକିଲ୍ଲାରେ ପତାକା ଉଡ଼ାଇଥିବା ଲୋକଙ୍କ ମଧ୍ୟରେ ସାମିଲ ଏହି ବ୍ୟକ୍ତି ଜଣକ କିଏ?

ସୂଚନାଯୋଗ୍ୟ, ସିଦ୍ଧୁଠୁ (Deep Sidhu) ମିଳିତ କିସାନ୍ ମୋର୍ଚ୍ଚା ନିଜକୁ ଅଲଗା କରିନେଇଛି । ଏଥି ସହିତ ଦୀପ ନିଜକୁ ବଲିଉଡ ଅଭିନେତା ତଥା ବିଜେପି ସାଂସଦ ସନ୍ନି ଦେଓଲଙ୍କ ସମ୍ପର୍କୀୟ ବୋଲି କହନ୍ତି ।

ନୂଆଦିଲ୍ଲୀ: ଲାଲକିଲ୍ଲା (Red Fort) ର ପ୍ରାଚୀରରେ ପତାକା ଉଡ଼ାଇ ପ୍ରସଙ୍ଗରେ ଚର୍ଚ୍ଚାରେ ଆସିଥିବା ଦୀପ ସିଦ୍ଧୁ (Deep Sidhu) କଂଗ୍ରେସ ନେତା (Congress Leader) ଙ୍କ ସମେତ ଅନେକ ଲୋକଙ୍କ ଟାର୍ଗେଟରେ ଅଛନ୍ତି । ସୋସିଆଲ ମିଡିଆରେ ତାଙ୍କୁ ନେଇ ବିଭିନ୍ନ ଦାବି କରାଯାଉଛି । ଏହା ମଧ୍ୟରେ ସେ ସାମ୍ନାକୁ ଆସି ନିଜର ମତ ରଖିଛନ୍ତି । ସେ କାହା ଆଦେଶରେ ଲାଲକିଲ୍ଲାକୁ ଯାଇଥିଲେ, ତାହା ସେ କହିପାରି ନଥିଲେ । ଏଥି ସହିତ ଶିଖ୍ ଫର ଜଷ୍ଟିସର ଏଜେଣ୍ଡା ଚଳାଇବା ଉପରେ ତାଙ୍କ ପାଖରେ କୌଣସି ଉତ୍ତର ନଥିଲା । ତେବେ ସେ ସମସ୍ତ ଅଭିଯୋଗକୁ ଭୁଲ ବୋଲି କହିଛନ୍ତି ।

ଅଧିକ ପଢ଼ନ୍ତୁ:-ଲାଲକିଲ୍ଲାରେ ଯେଉଁଠି ପିଏମ ଉଡ଼ାନ୍ତି ତ୍ରିରଙ୍ଗା, ସେଠାରେ କୃଷକ ଉଡ଼ାଇଲେ ନିଜ ଝଣ୍ଡା

କଂଗ୍ରେସ ସାଂସଦ ରବନୀତ ସିଂ ବିଟ୍ଟୁ (Congress MP Ravneet Singh Bittu) ଦୀପ ସିଦ୍ଧୁଙ୍କ ଉପରେ ଆକ୍ରମଣ କରିଛନ୍ତି । ସେ କହିଛନ୍ତି ଯେ ଆଜିର ଉପଦ୍ରବ ପଛରେ ଶିଖ ଫର୍ ଜଷ୍ଟିସର ହାତ ରହିଛି । ଖାଲିସ୍ତାନୀ (Khalistani) ଦୀପ ସିଦ୍ଧୁ ଏହି ଷଡଯନ୍ତ୍ର ରଚିଛନ୍ତି । ଲାଲକିଲ୍ଲାରେ ଯେଉଁ ପତାକା ଉଡ଼ାଯାଇଛି ତାହା ଶିଖ ପତାକା ନୁହେଁ । ଆମର ଧାର୍ମିକ ପତାକା ହେଉଛି କେଶରୀ, ହଳଦିଆ ନୁହେଁ । ଯେଉଁମାନେ ଲାଲକିଲ୍ଲାକୁ ଦଖଲ କରି ଉପଦ୍ରବ ସୃଷ୍ଟି କରିଥିଲେ ସେମାନେ ହେଲେ ଖାଲିସ୍ତାନୀ । ଆଜିର ଉପଦ୍ରବରେ କୃଷକ ସାମିଲ ନଥିଲେ । ଏନଆଇଏର ଯାଞ୍ଚ ହେଉ ଏବଂ ଏହା ପଛରେ ଥିବା ବ୍ୟକ୍ତିଙ୍କୁ ଆଜି ରାତିରେ ହିଁ ଜେଲରେ ପହଞ୍ଚାଯାଉ । 

ଅଧିକ ପଢ଼ନ୍ତୁ:-କର୍ମଚାରୀଙ୍କ ଏପ୍ରିଲରୁ ବଢ଼ିବ ଗ୍ରାଚ୍ୟୁଇଟି ଓ PF, କିନ୍ତୁ ହାତରେ ଆସିବ କମ୍ ଟଙ୍କା!

ସୂଚନାଯୋଗ୍ୟ, ସିଦ୍ଧୁଠୁ ମିଳିତ କିସାନ୍ ମୋର୍ଚ୍ଚା ନିଜକୁ ଅଲଗା କରିନେଇଛି । ଏଥି ସହିତ ଦୀପ ନିଜକୁ ବଲିଉଡ ଅଭିନେତା ତଥା ବିଜେପି ସାଂସଦ ସନ୍ନି ଦେଓଲଙ୍କ ସମ୍ପର୍କୀୟ ବୋଲି କହନ୍ତି । ୨୦୧୯ ଲୋକସଭା ନିର୍ବାଚନରେ ​​ସନ୍ନି ଦେଓଲ (Sunny Deol) ସମଗ୍ର ଅଭିଯାନରେ ସେ ସାଥ୍ ରହୁଥିଲେ । ପ୍ରଧାନମନ୍ତ୍ରୀ ମୋଦି (PM Modi) ମଧ୍ୟ ସନ୍ନିଙ୍କ ସହ ତାଙ୍କୁ ଭେଟିଥିଲେ । ନିକଟରେ ପିଏମ ଏବଂ ସନ୍ନି ଦେଓଲଙ୍କ ସହ ଦୀପଙ୍କ ଫଟୋ ମଧ୍ୟ ଭାଇରାଲ ହୋଇଥିଲା । ବର୍ତ୍ତମାନ ଲୋକମାନେ ସୋସିଆଲ ମିଡିଆ ପ୍ଲାଟଫର୍ମରେ ଏହି ପ୍ରଶ୍ନ ଉଠାଉଛନ୍ତି ।

ଅଧିକ ପଢ଼ନ୍ତୁ:-'ଦିଦି'ଙ୍କୁ ପୁଣି ଲାଗିଲା ବଡ଼ ଝଟକା, ଦଳର ୨ଟି ପଦରୁ ଇସ୍ତଫା ଦେଲେ ଆଉ ଜଣେ ବିଧାୟକ

ତେବେ ଏହି ଫଟୋ ଭାଇରାଲ ହେବା ପରେ ଗୁରୁଦାସପୁରରୁ ବିଜେପି ସାଂସଦ ସନ୍ନି ଦେଓଲ ଦୀପ ସିଦ୍ଧୁଙ୍କଠୁ ନିଜକୁ ଅଲଗା କରିନେଇଛନ୍ତି । ସେ କହିଛନ୍ତି ଯେ, ଆଜି ଲାଲକିଲ୍ଲାରେ ଯାହା ଘଟିଛି ତାହା ଦେଖି ମୋର ହୃଦୟ ଅତ୍ୟନ୍ତ ଦୁଃଖିତ । ଡିସେମ୍ବର ୬ ରେ ମୁଁ ଟ୍ୱିଟର ମାଧ୍ୟମରେ ଏହା ସ୍ପଷ୍ଟ କରିସାରିଛି ଯେ ଦୀପ ସିଦ୍ଧୁଙ୍କ ସହ ମୋର କିମ୍ବା ମୋର ପରିବାରର କୌଣସି ସମ୍ପର୍କ ନାହିଁ ।