'ପିଏମ ମୋଦିଙ୍କ ଆର୍ଥିକ ପ୍ୟାଜେକ HRଙ୍କ CTC ପରି'

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆର୍ଥିକ ପ୍ୟାକେଜ ଘୋଷଣାକୁ ନେଇ ଟାର୍ଗେଟ କଲା ତୃଣମୂଳ କଂଗ୍ରେସ(ଟିଏମସି) । ଟିଏମସି ସାଂସଦ ଡେରେକ ଓ’ବ୍ରାଇନ୍ ପ୍ରଧାନମନ୍ତ୍ରୀ ମୋଦିଙ୍କ ଭାଷଣ ଉପରେ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ, ଆଜି ଦେଶର ଲୋକଙ୍କୁ ଆର୍ଥିକ ପ୍ୟାକେଜ୍ ଭାବରେ ଏକ ବକ୍ସକୁ ଦେଖାଯାଇଛି । ଏହାର ବାହାର ପ୍ୟାକେଜିଂକୁ ଦେଖାଯାଇଛି । କିନ୍ତୁ ଏହି ପ୍ୟାକେଜ୍ ଭିତରେ ଲୋକଙ୍କ ପାଇଁ କଣ ରହିଥି ତାହା ଏପର୍ଯ୍ୟନ୍ତ ଜଣା ପଡିନାହିଁ ?  

ସାଂସଦ ଡେରେକେ ଓ’ବ୍ରାଇନ୍ କହିଛନ୍ତି ଯେ, ପ୍ୟାକେଜରେ ସାଧାରଣ ଲୋକଙ୍କ ପାଇଁ କଣ ରହିଛି । ତାହା ଆମକୁ ପରେ ଜାଣିବାକୁ ମିଳିବ । ପ୍ରଧାନମନ୍ତ୍ରୀ କହିଛନ୍ତି ଯେ ଏହା ଜିଡିପିର ୧୦ ପ୍ରତିଶତ ଅଟେ, କିନ୍ତୁ ଏଥିରେ ମଧ୍ୟ କିଛି ସର୍ତ୍ତ ରହିଛି । ପ୍ୟାକେଜ୍ ଏପର୍ଯ୍ୟନ୍ତ ସଠିକ୍ ଭାବରେ ବୁଝିବାକୁ ପଡ଼ିବ । ଏଥିରେ ଲୋକମାନଙ୍କୁ ରିଲିଫ୍ ଯୋଗାଇବା ପାଇଁ କେତେ ପରିମାଣ ଦିଆଯାଇଛି । ରାଜ୍ୟଗୁଡିକ କିପରି ପାଣ୍ଠି ପାଇବେ । ଏପର୍ଯ୍ୟନ୍ତ କିଛି କୁହାଯାଇ ନାହିଁ । ଏହି ପ୍ୟାକେଜ୍ ପାଇଁ ଟଙ୍କା କେମିତି ଆସିବ । କଣ ଏହା କୌଣସି ପୁରୁଣା ଯୋଜନାକୁ ନୂଆ ନାଁରେ କୁହାଯାଇଛି କି ?

ଡେରେକେ ଆହୁରି କହିଛନ୍ତି ଯେ, ବର୍ତ୍ତମାନ ଆମେ ବିସ୍ତୃତ ସୂଚନା ପାଇଁ ଅପେକ୍ଷା କରିବା ଉଚିତ । ଏହା କିଛି ଏପରି ଯେଉଁଥିରେ HR ଦ୍ୱାରା କୁହାଯାଉଥିବା CTC ପରି ଲାଗୁଛି । କିନ୍ତୁ ଶେଷରେ କେତେ ରାଶି ହାତକୁ ଆସିବ, ତାହା କୁହାଯାଇ ନଥାଏ ।