କୋରୋନା ପରୀକ୍ଷା ପାଇଁ ୧୫୧ ନମୁନା ପଠାଇଥିଲା ଏହି ରାଜ୍ୟ, ୯୦ରୁ ଅଧିକରେ ମିଳିଲା ଡେଲଟା ପ୍ଲସ୍ ଭାରିଆଣ୍ଟ

ନୂଆଦିଲ୍ଲୀ: ସାରା ଦେଶ କୋରୋନା ଭୂତାଣୁର ଦ୍ୱିତୀୟ ଲହର (Second Wave of Coronavirus) ର ସାମ୍ନା କରୁଛି । ଏହି ସମୟରେ ତୃତୀୟ ଲହର (Third Wave) କୁ ନେଇ ବିଶେଷଜ୍ଞମାନେ ଲଗାତର ଚେତାବନୀ ଦେଉଛନ୍ତି । ସେପଟେ ଦେଶରେ କୋରୋନା ଭୂତାଣୁ (COVID-19) ର ମାରାତ୍ମକ ସ୍ୱରୂପ ଡେଲ୍ଟା ପ୍ଲସ୍ ଭାରିଆଣ୍ଟ (Delta Plus Variants) ଧୀର ଧୀରେ କାୟା ବିସ୍ତାର କରିବାରେ ଲାଗିଛି । ତ୍ରିପୁରା (Tripura) ଶୁକ୍ରବାର ନିଶ୍ଚିତ କରିଛି ଯେ ଜେନୋମ କ୍ରମ ପାଇଁ ପଶ୍ଚିମବଙ୍ଗକୁ ପଠାଯାଇଥିବା ୧୫୧ଟି ନମୁନା ମଧ୍ୟରୁ ୯୦ରୁ ଅଧିକ ନମୁନା ପଜିଟିଭ ମିଳିଛି ବୋଲି ଜଣାପଡିଛି । ଏହି ସମସ୍ତ ନମୁନାରେ ଡେଲଟା ପ୍ଲସ୍ ଭାରିଆଣ୍ଟ ନିଶ୍ଚିତ ହୋଇଛି, ଯାହା କୋଭିଡ-19ର ତୃତୀୟ ତରଙ୍ଗ ଆସିବାର ସମ୍ଭାବନାକୁ ବଢାଇଦେଇଛି । ରାଜ୍ୟ ଚିକିତ୍ସା ବିଶେଷଜ୍ଞମାନେ ଏ ବିଷୟରେ ସୂଚନା ଦେଇଛନ୍ତି ।

ଅଧିକ ପଢ଼ନ୍ତୁ:-ପୁଣି ଟେନସନ୍ ବଢ଼ାଇଲା କୋରୋନା ଜନିତ ମୃତ୍ୟୁ ସଂଖ୍ୟା, ଦିନକରେ ଆଖି ବୁଜିଲେ ଏତିକି ସଂକ୍ରମିତ

ତ୍ରିପୁରାରେ COVID-19 ର ନୋଡାଲ୍ ଅଧିକାରୀ ଡକ୍ଟର ଦୀପ ଦେବ ବର୍ମା ଶୁକ୍ରବାର କହିଛନ୍ତି ଯେ, "ତ୍ରିପୁରା ଜେନୋମ ସିକ୍ୱେଂସିଙ୍ଗ ପାଇଁ ପଶ୍ଚିମବଙ୍ଗକୁ ୧୫୧ RT-PCR ନମୁନା ପଠାଇଥିଲା । ଏଥିରେ ୯୦ରୁ ଅଧିକ ନମୁନାରେ ଡେଲ୍ଟା ପ୍ଲସ୍ ଭାରିଆଣ୍ଟ ମିଳିଛି ।" ଏହା ଏକ ଚିନ୍ତାର ବିଷୟ ବୋଲି ସେ କହିଛନ୍ତି । ଏହାପୂର୍ବରୁ ବୁଧବାର କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଯେ, ୩୫ଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ୧୭୪ଟି ଜିଲ୍ଲାରେ SARS-CoV-2 କୋରୋନା ଭାଇରସର 'ଚିନ୍ତାର ପ୍ରକାର' ଦେଖିବାକୁ ମିଳିଛି । ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ଏହି ମାମଲାଗୁଡ଼ିକ ମଧ୍ୟରୁ ଅଧିକାଂଶ ମହାରାଷ୍ଟ୍ର, ଦିଲ୍ଲୀ, ପଞ୍ଜାବ, ତେଲେଙ୍ଗାନା, ପଶ୍ଚିମବଙ୍ଗ ଏବଂ ଗୁଜୁରାଟରେ ରହିଛି ।

ଅଧିକ ପଢ଼ନ୍ତୁ:-ଆଜି ପୁଣି ମହଙ୍ଗା ହେଲା ପେଟ୍ରୋଲ-ଡିଜେଲ, ଜାଣନ୍ତୁ ଆପଣଙ୍କ ସହରରେ କ'ଣ ରହିଛି ରେଟ୍

ସେପଟେ ଉତ୍ତରପ୍ରଦେଶରେ ସର୍ବପ୍ରଥମେ ଗୋରଖପୁର ଓ ଦେଓରିଆରୁ ଡେଲଟା ପ୍ଲସର ଦୁଇଟି ମାମଲା ଚିହ୍ନଟ ହୋଇଥିଲା । ଗୋରଖପୁରରେ ରହୁଥିବା ୨୩ ବର୍ଷ ବୟସ୍କ MBBS ଛାତ୍ରଙ୍କ ଭିତରେ ଡେଲଟା ପ୍ଲସ୍ ଭାରିଆଣ୍ଟ ଦେଖିବାକୁ ମିଳିଛି । ଏଥିସହ ଦେଓରିଆ ଜିଲ୍ଲାର ଜଣେ ବୃଦ୍ଧ ବାସିନ୍ଦାଙ୍କର ମୃତ୍ୟୁ ଘଟିଛି । ବୃଦ୍ଧଙ୍କୁ ୬୬ ବର୍ଷ ବୟସ ହୋଇଥିଲା । ବୃଦ୍ଧ ମଇ ୧୭ରେ କୋରୋନା ପଜିଟିଭ୍ ବୋଲି ଜଣାପଡ଼ିଥିଲା । ଆପଣଙ୍କୁ କହି ରଖୁଛୁ ଯେ, କିଛି ବିଶେଷଜ୍ଞ ଡେଲଟା ପ୍ଲସ୍ ଭାରିଆଣ୍ଟ ବିଷୟରେ ନିଜର ଉଦ୍ବେଗ ପ୍ରକାଶ କରିଛନ୍ତି ଏବଂ କହିଛନ୍ତି ଯେ ଏହି ଭାରିଆଣ୍ଟଟି ପୂର୍ବ ଅପେକ୍ଷା ଅଧିକ ଶକ୍ତିଶାଳୀ, ଯାହା ଉପରେ ଟିକାର ପ୍ରଭାବ ଯଥେଷ୍ଟ ନୁହେଁ । ଭାରତରେ ଏଣ୍ଟ୍ରି ମାରିବା ମାତ୍ରେ ଡେଲଟା ଏହାର ଭୟଙ୍କର ରୂପ ନେବା ଆରମ୍ଭ କରିଛି ।