କୋରୋନା ସଙ୍କଟ: ଆମେରିକାକୁ ପୁଟିନଙ୍କ ବଡ଼ ଅଫର, ଟ୍ରମ୍ପ ରଖିଲେ ଏପରି କିଛି ଉତ୍ତର

ୱାଶିଂଟନ: କୋରୋନା ଭାଇରସ ମହାମାରୀ ସମଗ୍ର ବିଶ୍ୱରେ ଆତଙ୍କ ସୃଷ୍ଟି କରିଛି ଏବଂ ଏହାର ସବୁଠାରୁ ପ୍ରଭାବ ଆମେରିକାରେ ଦେଖାଯାଉଛି । ଦୁନିଆର ସବୁଠାରୁ ଶକ୍ତିଶାଳୀ ଦେଶରେ ୨ ଲକ୍ଷରୁ ଅଧିକ ଲୋକ କୋରୋନା ଭୂତାଣୁ ଦ୍ୱାରା ଆକ୍ରାନ୍ତ ହୋଇପଡିଛନ୍ତି । ଏହି ପରିସ୍ଥିତିରେ ବର୍ତ୍ତମାନ ଋଷ ଆମେରିକାକୁ ସାହାଯ୍ୟ କରିବା ପାଇଁ ହାତ ବଢାଇଛି, ଯେଉଁଥିପାଇଁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଧନ୍ୟବାଦ ଜଣାଇଛନ୍ତି ।

ମାର୍ଚ୍ଚ ୩୦ରେ କୋରୋନା ମହାସଙ୍କଟ ମଧ୍ୟରେ ଆମେରିକା ଏବଂ ଋଷ ରାଷ୍ଟ୍ରପତି ଫୋନରେ ବାର୍ତ୍ତାଳାପ କରିଛନ୍ତି । ଶୁକ୍ରବାର ଏକ ସାମ୍ବାଦିକ ସମ୍ମିଳନୀରେ ଟ୍ରମ୍ପ ଏହା ଉପରେ ଆଲୋଚନା କରି କହିଛନ୍ତି ଯେ, ଭ୍ଲାଦିମିର ପୁଟିନ ତାଙ୍କୁ ଏକ ଚମତ୍କାର ଅଫର ଦେଇଛନ୍ତି, ଯେଉଁଥିରେ ସେ ଆମେରିକାରେ ଚିକିତ୍ସା ସୁବିଧା ପଠାଉଛନ୍ତି ।

We're now conducting over 100,000 Coronavirus tests per day, with promising innovations in progress. pic.twitter.com/dueDyRq4eL

Add Zee News as a Preferred Source

— The White House (@WhiteHouse) April 2, 2020

ଋଷିଆ ଆମେରିକାକୁ ଏକ ଅଫର ଦେଇଥିଲା ଯେ ସେମାନେ ଚିକିତ୍ସା ସାମଗ୍ରୀ, ଭେଣ୍ଟିଲେଟର ଏବଂ ବ୍ୟକ୍ତିଗତ ସୁରକ୍ଷା କିଟ୍ ଯୋଗାଇ ପାରିବେ । ଏହି ସାମ୍ବାଦିକ ସମ୍ମିଳନୀରେ ଆମେରିକାର ରାଷ୍ଟ୍ରପତି କହିଛନ୍ତି, 'ପୁଟିନ ଏକ ଚମତ୍କାର ଅଫର ଦେଇଛନ୍ତି, ସେ ମେଡିକାଲ ସୁବିଧାରେ ପରିପୂର୍ଣ୍ଣ ଏକ ସମ୍ପୂର୍ଣ୍ଣ ବିମାନ ପଠାଇବାକୁ ଚାହୁଁଛନ୍ତି । ଯାହାକୁ ଆମେ ଗ୍ରହଣ କରିବୁ ବୋଲି କହିଛୁ । '

ଯେତେବେଳେ ଟ୍ରମ୍ପଙ୍କୁ ପଚରାଯାଇଥିଲା ଯେ ଏହା ଋଷିଆର ପ୍ରୋପୋଗେଣ୍ଡା କି, ତ ସେତେବେଳେ ସେ କହିଥିଲେ ଯେ ଏହା ଆଦୌ ନୁହେଁ, ଏହା କେବଳ ସାହାଯ୍ୟ ଯାହା ହଜାର ହଜାର ଲୋକଙ୍କ ଜୀବନ ରକ୍ଷା କରିପାରିବ ଏବଂ ମୁଁ ଏଥିପାଇଁ ସମ୍ପୂର୍ଣ୍ଣ ପ୍ରସ୍ତୁତ । ଉଲ୍ଲେଖନୀୟ କଥା ହେଉଛି, ଡୋନାଲ୍ଡ ଟ୍ରମ୍ପ ଏବଂ ଋଷିଆର ସମ୍ପର୍କ ମଧ୍ୟରେ ଆମେରିକାରେ ଅନେକ ପ୍ରକାରର ପ୍ରଶ୍ନ ଉଠିଛି, ଯେଉଁଥିରେ ନିର୍ବାଚନରେ ​ଗଡ଼ବଡ଼ କରିବାର ଅଭିଯୋଗ ସାମିଲ ରହିଛି।