୫୨ଟି ଚାଇନିଜ୍ ଆପକୁ ହଟାଇବା ପାଇଁ ନିର୍ଦ୍ଦେଶ, ତାଲିକାର ଶୀର୍ଷରେ ଟିକଟକ୍

ଲକ୍ଷ୍ନୌ: ଉତ୍ତର ପ୍ରଦେଶ ଏସଟିଏଫ(STF) ନିଜର ସମସ୍ତ କର୍ମଚାରୀଙ୍କୁ ଚାଇନିଜ ଆପ୍ ବ୍ୟବହାର ନକରିବାକୁ ନିର୍ଦ୍ଦେଶ ଦେଇଛି । ନିଜର କର୍ମଚାରୀ ଓ ଅଧିକାରୀଙ୍କୁ ମୋବାଇଲରୁ ଚାଇନିଜ୍ ଆପ୍ ହଟାଇବା ପାଇଁ କହିଛି ଏସଟିଏଫ । ଏନେଇ ଏକ ଇଣ୍ଟରନାଲ ଲେଟର ମଧ୍ୟ ଜାରି କରାଯାଇଛି । ଏହି ନିର୍ଦ୍ଦେଶ ଅନୁସାରେ, କର୍ମଚାରୀମାନେ ଯାଥା ଶୀଘ୍ର ନିଜ ନିଜ ମୋବାଇଲରୁ ୫୨ ଟି ଚାଇନିଜ ଆପ୍ ଅନଇନଷ୍ଟଲ କରିବେ । ତଥ୍ୟ ଚୋରିକୁ ଏହାର କାରଣ ଭାବେ ଦର୍ଶାଯାଇଛି । 

ନିର୍ଦ୍ଦେଶରେ କୁହାଯାଇଛି, ଉତ୍ତର ପ୍ରଦେଶ ଏସଟିଏଫର ସମସ୍ତ କର୍ମଚାରୀ ଏବଂ ସେମାନଙ୍କ ପରିବାର ମୋବାଇଲରୁ ଚାଇନିଜ ଆପ୍ ତୁରନ୍ତ ହଟାଇ ଦିଅନ୍ତୁ । କାହିଁକିନା ଏହି ସବୁ ଆପର ବ୍ୟବହାର ନକରିବା ପାଇଁ ଗୃହ ମନ୍ତ୍ରାଳୟ ପକ୍ଷରୁ ପରାମର୍ଶ ଦିଆଯାଇଛି । ଏନେଇ ୫୨ଟି ଚାଇନିଜ ଆପର ନାଁ ଉଲ୍ଲେଖ ମଧ୍ୟ କରାଯାଇଛି । ଏହି ଆପ୍ ମାଧ୍ୟମରେ ଆପଣଙ୍କ ବ୍ୟକ୍ତିଗତ ତଥ୍ୟ ଚୋରି ହେବାର ଆଶଙ୍କା ଥିବା ଏଥିରେ କୁହାଯାଇଛି । 

Add Zee News as a Preferred Source

କହିରଖୁଛୁ, ଭାରତୀୟ ସୁରକ୍ଷା ଏଜେନ୍ସି ଏନେଇ ସରକାରଙ୍କୁ ପରାମର୍ଶ ଦେଇଥିଲା । ଚୀନ ସହ ଜଡ଼ିତ ୫୨ ମୋବାଇଲ ଆପ୍ଲିକେଶନକୁ ବ୍ଲକ କରିବାକୁ ଏଥିରେ କୁହାଯାଇଛି । ଲୋକମାନେ ଏହି ୫୨ ଆପ୍ଲିକେଶନ ବ୍ୟବହାର ନକରିବା ଉଚିତ ବୋଲି କୁହାଯାଇଥିଲା । କାହିଁକିନା ଏହାର ବ୍ୟବହାର ସୁରକ୍ଷିତ ନୁହେଁ । ଭାରତର ପ୍ରତ୍ୟେକ ଛୋଟ ବଡ଼ ସୂଚନା ଏହି ଆପ୍ ମାଧ୍ୟମରେ ଚୀନ ପହଞ୍ଚିଛି । ଅନେକ ମୋବାଇଲ ଆପ୍ଲିକେଶନରେ ଡାଟା save କରିବା ପାଇଁ ଚୀନର ସର୍ଭର ଉପଯୋଗ ହୋଇଥାଏ ।