ବାସ୍ତବରେ, 'ମିଲିୟନ୍ MAGA ମାର୍ଚ୍ଚ'ରେ ଭାଗ ନେବାକୁ ଲକ୍ଷ ଲକ୍ଷ ଟ୍ରମ୍ପ ସମର୍ଥକ ୱାଶିଂଟନରେ ପହଞ୍ଚିଛନ୍ତି । ଟ୍ରମ୍ପଙ୍କ ସମର୍ଥକମାନେ କହିଛନ୍ତି ଯେ ପେନ୍ସିଲଭାନିଆ, ନେଭାଡା ଭଳି ସ୍ଥାନରେ ଭୋଟ ଗଣନାରେ ଗଡ଼ବଡ଼ ହୋଇଛି ।
Trending Photos
ନୂଆଦିଲ୍ଲୀ: ଦୁନିଆର ସବୁଠାରୁ ଚର୍ଚ୍ଚିତ ନିର୍ବାଚନ ମଧ୍ୟରୁ ଆମେରିକାର ରାଷ୍ଟ୍ରପତି ନିର୍ବାଚନ ହୁଏତ ଶେଷ ହୋଇଥାଇପାରେ, କିନ୍ତୁ ଡୋନାଲ୍ଡ ଟ୍ରମ୍ପଙ୍କ ସମର୍ଥକମାନେ ପରାଜୟକୁ ହଜମ କରିପାରୁ ନାହାଁନ୍ତି । ଏହି କ୍ରମରେ ଟ୍ରମ୍ପଙ୍କ ହଜାର ହଜାର ସମର୍ଥକ ଆମେରିକାର ରାଜଧାନୀ ୱାଶିଂଟନ୍ ଡିସିର ରାସ୍ତାରେ ଓହ୍ଲାଇ ଆସି ନାରାବାଜୀ କରୁଛନ୍ତି । ଏହି ସମର୍ଥକଙ୍କ ସହ ପୋଲିସ ଏବଂ ବିରୋଧୀଙ୍କ ହିଂସାତ୍ମକ ସଂଘର୍ଷ ଘଟିଛି ।
ଅଧିକ ପଢ଼ନ୍ତୁ:-'ନୀତିଶଙ୍କ ସଂଖ୍ୟାଗରିଷ୍ଠତା ଦୁର୍ବଳ, ଅଧିକ ଦିନ ରହିପାରିବେନି ମୁଖ୍ୟମନ୍ତ୍ରୀ'
ବାସ୍ତବରେ, 'ମିଲିୟନ୍ MAGA ମାର୍ଚ୍ଚ'ରେ ଭାଗ ନେବାକୁ ଲକ୍ଷ ଲକ୍ଷ ଟ୍ରମ୍ପ ସମର୍ଥକ ୱାଶିଂଟନରେ ପହଞ୍ଚିଛନ୍ତି । ଟ୍ରମ୍ପଙ୍କ ସମର୍ଥକମାନେ କହିଛନ୍ତି ଯେ ପେନ୍ସିଲଭାନିଆ, ନେଭାଡା ଭଳି ସ୍ଥାନରେ ଭୋଟ ଗଣନାରେ ଗଡ଼ବଡ଼ ହୋଇଛି । ସେମାନେ ଅଭିଯୋଗ କରିଛନ୍ତି ଯେ ନିର୍ବାଚନରେ ବ୍ୟାପକ ଭାବେ ଗଡ଼ବଡ଼ କରାଯାଇଛି ଏବଂ ଜନମତକୁ ଦବାଇ ଦିଆଯାଇଛି । ନ୍ୟୁଜ୍ ଏଜେନ୍ସି ANI ଅନୁଯାୟୀ, ଏହି ସମୟ ମଧ୍ୟରେ ଡୋନାଲ୍ଡ ଟ୍ରମ୍ପ ସମର୍ଥକ ଏବଂ ତାଙ୍କ ବିରୋଧୀଙ୍କ ମଧ୍ୟରେ ତୀବ୍ର ସଂଘର୍ଷ ଘଟିଛି । ଉଭୟ ପକ୍ଷ ମଧ୍ୟରେ ଜୋରଦାର ମୁହାଁମୁହିଁ ହେବାସହ ନାରାବାଜୀ ମଧ୍ୟ ହୋଇଥିଲା । ଏହି ଘଟଣାରେ ଟ୍ରମ୍ପ ୱାଶିଂଟନ୍ ମେୟର ତଥା ବାମପନ୍ଥୀ ସଂଗଠନ ANTIFA କୁ ଟାର୍ଗେଟ କରିଛନ୍ତି ।
ଅଧିକ ପଢ଼ନ୍ତୁ:-ଜାଣନ୍ତୁ ଭାରତ ସହିତ ଜୋ ବାଇଡେନଙ୍କ କ'ଣ ସମ୍ପର୍କ ରହିଛି ?
ଏହାପୂର୍ବରୁ ରାଷ୍ଟ୍ରପତି ଟ୍ରମ୍ପଙ୍କୁ ସମର୍ଥନ କରିବାକୁ ଲକ୍ଷ ଲକ୍ଷ ଲୋକ ୱାଶିଂଟନରେ ପହଞ୍ଚିଥିଲେ । ଟ୍ରମ୍ପ ସମର୍ଥକମାନେ କହିଛନ୍ତି ଯେ ସେତେବେଳେ ସନ୍ତୁଷ୍ଟି ମିଳିବ, ଯେତେବେଳେ ସମସ୍ତ ରାଜ୍ୟରେ ପୁନର୍ବାର ଭୋଟ୍ ଗଣା କରାଯିବ । ସେମାନେ କହିଛନ୍ତି ଯେ ମୃତକଙ୍କ ନାମରେ ଅନେକ ସ୍ଥାନରେ ଭୋଟ୍ ଦିଆଯାଇଛି । ଫକ୍ସ ନ୍ୟୁଜ୍ ରିପୋର୍ଟ ଅନୁଯାୟୀ ଟ୍ରମ୍ପ ବିରୋଧୀ ସଂଗଠନ ଆଣ୍ଟିଫା, ବ୍ଲାକ୍ ଲାଇଭସ୍ ମ୍ୟାଟର୍ ଏବଂ ଟ୍ରମ୍ପ୍ ସମର୍ଥକ ସଙ୍ଗଠନ ପ୍ରାଉଡ ବୟଜ ମଧ୍ୟରେ ସଂଘର୍ଷ ହୋଇଥିଲା । ୱାଶିଂଟନରେ ଯେତେ ଅନ୍ଧକାର ବଢ଼ିବାକୁ ଲାଗିଥିଲା ଟ୍ରମ୍ପ ବିରୋଧୀଙ୍କ ପ୍ରଦର୍ଶନ ଆହୁର ଅଧିକ ଉଗ୍ର ହେବାକୁ ଲାଗିଥିଲା ।