ଲକଡାଉନ ଉଲ୍ଲଙ୍ଘନ କରିବାରୁ ଯୁବକଙ୍କୁ ପୋଲିସ ଆଗରେ ଡ୍ୟାନ୍ସ କରିବାର ମିଳିଲା ଦଣ୍ଡ, ଦେଖନ୍ତୁ ଭିଡିଓ

ଲକ୍ଷ୍ନୌ: କୋରୋନା ଭାଇରସ ସଙ୍କଟ ମଧ୍ୟରେ ପୋଲିସ ଦ୍ୱାରା ଲୋକଙ୍କୁ ସାହାଯ୍ୟ କରିବାର ଅନେକ ମାମଲା ରହିଛି । ଏଥିପାଇଁ ପୋଲିସକୁ ମଧ୍ୟ ପ୍ରଶଂସା କରାଯାଇଛି । ତେବେ ଉତ୍ତରପ୍ରଦେଶର ଇଟାୱା ଜିଲ୍ଲାରେ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁ କାରଣରୁ ପୋଲିସକୁ ସମାଲୋଚନାର ଶିକାର ହେବାକୁ ପଡ଼ିଛି । ଏହି ଭିଡିଓରେ ଜଣେ ଯୁବକ ସପନା ଚୌଧୁରୀଙ୍କ ଗୀତରେ ଆଉଟପୋଷ୍ଟ ଭିତରେ ନାଚୁଥିବା ନଜରକୁ ଆସୁଛନ୍ତି । ଭିଡିଓ ସାମ୍ନାକୁ ଆସିବା ପରେ ପୋଲିସର ବରିଷ୍ଠ ଅଧିକାରୀ କହିଛନ୍ତି ଯେ, ମାମଲାର ତଦନ୍ତ ଚାଲିଛି ।

लौकडाउन में सपना चौधरी परफॉर्म नहीं कर रही हैं।ऐसे में उनके फैन इटावा के कुछ पुलिस वालों ने उनका क्या विकल्प ढूंढा।देखिए। pic.twitter.com/8Fxu2UZ1MS

— Kamal khan (@kamalkhan_NDTV) May 3, 2020

ଏହି ଭାଇରାଲ ଭିଡିଓ ଇଟାୱା ସହରର ନୂତନ ପୋଲିସ୍ ପୋଷ୍ଟରୁ ଆସିଛି । ଯେଉଁଥିରେ ପୋଲିସ୍ ପୋଷ୍ଟ ଇନଚାର୍ଜ ନିଜ ମୋବାଇଲରେ ସପନା ଚୌଧୁରୀଙ୍କ ଗୀତ "ତେରୀ ଆଖିୟୋ କା ୟେ କାଜଲ" ବଜାଇ ଜଣେ ଯୁବକଙ୍କୁ ନଚାଉଛନ୍ତି । ଏହି ସମୟ ମଧ୍ୟରେ ଏହି ପୋଷ୍ଟରେ ଆହୁରି କିଛି ପୋଲିସ କର୍ମଚାରୀ ମଧ୍ୟ ଉପସ୍ଥିତ ଅଛନ୍ତି । ସେମାନେ ମନା କରିବା ପରିବର୍ତ୍ତେ ନୃତ୍ୟକୁ ଉପଭୋଗ କରୁଥିଲେ । ଘଟଣାର ତଦନ୍ତ କରାଯାଉଛି ବୋଲି ପୋଲିସ ଅଧିକାରୀ କହିଛନ୍ତି ।

ଏହି ମାମଲାରେ ଇଟାୱାର ଏସପି ସିଟି ରାମ ଯଶ ସିଂ କହିଛନ୍ତି, "ଏହି ମାମଲା ନୂଆ ସହର ପୋଲିସ ପୋଷ୍ଟର । ଏହି ଭିଡିଓ ଭାଇରାଲ ହେବାର ମାମଲା ଆମର ସଜ୍ଞାନରେ ଆସିଛି । ଏହା ତଦନ୍ତର ବିଷୟ । ଘଟଣାର ତଦନ୍ତ ଚାଲିଛି । ଅପରାଧୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ବର୍ତ୍ତମାନ କାର୍ଯ୍ୟାନୁଷ୍ଠାନ ବିଷୟରେ ମୋର କିଛି କହିବାର ନାହିଁ ।"