ଚେତାବନୀ: ଟିକା ଲଗାଇଥିବା ଲୋକମାନେ ହୋଇପାରନ୍ତି ଡେଲଟା ଭାରିଆଣ୍ଟର ବାହକ, ଯାହା ଅନ୍ୟମାନଙ୍କ ପାଇଁ ବିପଦ

ଟିକାକରଣ କରାଯାଇଥିବା ଲୋକମାନେ ଏହି ଭୂତାଣୁ ବାହକ ହୋଇପାରନ୍ତି ବୋଲି ସଂଗଠନ (WHO) ଚେତାବନୀ ଦେଇଛି ।

ନୂଆଦିଲ୍ଲୀ: ସାରା ଦେଶ କୋରୋନା ଭୂତାଣୁର ଦ୍ୱିତୀୟ ଲହର (Second Wave of Coronavirus) ର ସାମ୍ନା କରୁଛି । ଏହି ସମୟରେ ତୃତୀୟ ଲହର (Third Wave of COVID-19) କୁ ନେଇ ସମସ୍ତଙ୍କୁ ଆଗୁଆ ସଚେତନ କରାଯାଉଛି । ଏହା ମଧ୍ୟରେ ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ସ୍ପଷ୍ଟ କରିଛି ଯେ, ଟିକା (Corona Vaccine) ଲଗାଇଥିବା ଲୋକମାନେ ଡେଲଟା ଭାରିଆଣ୍ଟ ବା ପ୍ରକାର (Delta Variant) ର ବାହକ ହୋଇପାରନ୍ତି ଏବଂ ଅନ୍ୟମାନଙ୍କ ପାଇଁ ଅସୁବିଧା ସୃଷ୍ଟି କରିପାରନ୍ତି । ଆମେରିକା ଓ ବ୍ରିଟେନ ସମେତ ବିଶ୍ୱର ଅନେକ ଦେଶରେ ଏଭଳି ମାମଲା ଦେଖିବାକୁ ମିଳିଛି ।

ଅଧିକ ପଢ଼ନ୍ତୁ:-ଦେଶରେ ଦିନକରେ ସାମ୍ନାକୁ ଆସିଲା ଏତିକି ମାମଲା, ଆଖି ବୁଜିଲେ ୫୪୨ ସଂକ୍ରମିତ

WHO ବୈଜ୍ଞାନିକ ତଥା ମହାମାରୀ ବିଶେଷଜ୍ଞ ଡକ୍ଟର ମାରିଆ ଭାନ୍ କେର୍ଖୋଭେ କହିଛନ୍ତି ଯେ, ବିଶ୍ୱରେ ଡେଲ୍ଟା ପ୍ରକାର (Delta Variant) ର ବିସ୍ତାର ପୂର୍ବ ଅପେକ୍ଷା ଅଧିକ ଦ୍ରୁତ ଗତିରେ ଚାଲିଛି । ବାସ୍ତବରେ, ଲକଡାଉନରୁ ରିହାତି ମିଳିବା ପରେ ଲୋକଙ୍କ ମିଳାମିଶା ବୃଦ୍ଧି ପାଇଛି, ଭିଡ଼ ବଢ଼ିଛି, ଏହି କାରଣରୁ ଭୂତାଣୁର ମାରାତ୍ମକ ରୂପ ଶୀଘ୍ର ଜାଲ ବିସ୍ତାର କରୁଛି ।

ସେ କହିଛନ୍ତି ଯେ, ଟିକାକରଣ (Vaccination) କରାଯାଇଥିବା ଲୋକମାନେ ମଧ୍ୟ ଏହି ଭାରିଆଣ୍ଟ (Delta Variant) ର ଶିକାର ହେଉଛନ୍ତି, ଅନେକ ଲୋକଠାରେ ସଂକ୍ରମଣର ଲକ୍ଷଣ ଦେଖାଉ ନାହିଁ କିନ୍ତୁ ସେମାନେ ଭୂତାଣୁର ବାହକ ହୋଇଯାଉଛନ୍ତି । ଯେଉଁମାନେ ବର୍ତ୍ତମାନ ପର୍ଯ୍ୟନ୍ତ ଟିକା ଲଗାଇ ନାହାଁନ୍ତି, ଯେତେବେଳେ ସେମାନେ ଏମାନଙ୍କ ସଂସ୍ପର୍ଶରେ ଆସୁଛନ୍ତି, ସେତେବେଳେ ସେମାନଙ୍କଠାରେ ସଂକ୍ରମଣର ଗମ୍ଭୀର ପରିସ୍ଥିତି ଦେଖାଯାଉଛି ।

ଅଧିକ ପଢ଼ନ୍ତୁ:-ୱାସିମ ରିଜଭିଙ୍କ ବିରୋଧରେ ଦୁଷ୍କର୍ମ ମାମଲା ଦାୟର କରିବାକୁ କୋର୍ଟଙ୍କ ନିର୍ଦ୍ଦେଶ, ଜାଣନ୍ତୁ ସଂପୂର୍ଣ୍ଣ ଘଟଣା...

ଦୁନିଆର ୨୪.୭ ପ୍ରତିଶତ ଜନସଂଖ୍ୟାରେ ଟିକାକରଣ 

WHO ଅନୁଯାୟୀ, ବିଶ୍ୱର ୨୪.୭ ପ୍ରତିଶତ ଲୋକ ଅତିକମରେ ଟିକା (Vaccine) ର ଗୋଟିଏ ଡୋଜ ଲଗାଇସାରିଛନ୍ତି । ବର୍ତ୍ତମାନ ପର୍ଯ୍ୟନ୍ତ ୩୦୦ କୋଟି ଡୋଜ ଲଗାଯାଇଛି । ସବୁଠୁ ବଡ ସମସ୍ୟା ହେଉଛି ପଛୁଆ, ଗରିବ ଏବଂ ସ୍ୱଳ୍ପ ଆୟକାରୀ ଦେଶରେ ଟିକାକରଣ ଆରମ୍ଭ ହୋଇନାହିଁ କିମ୍ବା ବହୁତ କମ୍ ଲୋକଙ୍କୁ ଟିକାକରଣ କରାଯାଇଛି । ଏଭଳି ପରିସ୍ଥିତିରେ ଏହି ଦେଶମାନେ ମହାମାରୀର ସହଜ ଶିକାର ହୋଇପାରନ୍ତି । ଦୁନିଆରେ ୧୦୪ଟି ଦେଶରେ ସାଂଘାତିକ ମନେ କରାଯାଉଥିବା ଡେଲଟା ଭାରିଆଣ୍ଟ (Delta Variant) ଏଣ୍ଟ୍ରି ମାରିସାରିଛି ।

ସାବଧାନ ରୁହନ୍ତୁ, ଭୂତାଣୁର ବାହକ ନ ହୁଅନ୍ତୁ

ଟିକାକରଣ କରାଯାଇଥିବା ଲୋକମାନେ ଏହି ଭୂତାଣୁ ବାହକ ହୋଇପାରନ୍ତି ବୋଲି ସଂଗଠନ ଚେତାବନୀ ଦେଇଛି । ଏପରି ପରିସ୍ଥିତିରେ, ଯଦି ଆପଣ କୋରୋନା ସହିତ ଜଡିତ କୌଣସି ସାମାନ୍ୟ ସମସ୍ୟା ଅନୁଭବ କରନ୍ତି, ତେବେ ନିଜକୁ ଆଇସୋଲେଟ କରନ୍ତୁ, କେବଳ RT-PCR ରିପୋର୍ଟ ନକାରାତ୍ମକ ଆସିବା ପରେ ବାହାରକୁ ଯାଆନ୍ତୁ । କାରଣ ସଂକ୍ରମଣ ହେତୁ ଏହିପରି ଲୋକଙ୍କ ଠାରେ ଗୁରୁତର ଲକ୍ଷଣ ଦେଖାଯିବ ନାହିଁ କିନ୍ତୁ ଅନ୍ୟ ଲୋକମାନେ ଏହି ଲୋକଙ୍କ ପାଇଁ ଅସୁବିଧାରେ ପଡ଼ିପାରନ୍ତି । ଯେଉଁମାନେ ଟିକା ଲଗାଇନାହାଁନ୍ତି ।

ଅଧିକ ପଢ଼ନ୍ତୁ:-କେନ୍ଦ୍ର କର୍ମଚାରୀଙ୍କ ବଢ଼ିଲା ମହଙ୍ଗା ଭତ୍ତା, କିନ୍ତୁ ମିଳିବନି ୧୮ ମାସର DA ଏରିୟର

ଯେଉଁମାନେ ଟିକା ଲଗାଇ ନାହାଁନ୍ତି ସେମାନେ ଅଧିକ ବିପଦରେ ଅଛନ୍ତି କ'ଣ ପାଇଁ?

ଡକ୍ଟର ମାରିଆ କହିଛନ୍ତି ଯେ, ଯେଉଁମାନେ ଟିକାର ଉଭୟ ଡୋଜ୍ ଲଗାଇନାହାଁନ୍ତି, ସେମାନଙ୍କୁ ଡେଲଟା ଭାରିଆଣ୍ଟିର ଶିକାର ହେବାର ଆଶଙ୍କା ଅଧିକ । ଭାରତ ସମେତ ବିଶ୍ୱର ଅଧିକାଂଶ ଦେଶରେ ୧୮ ବର୍ଷରୁ କମ୍ ପିଲାମାନଙ୍କୁ ଟିକାକରଣ କରାଯାଇ ନାହିଁ । ଅନ୍ୟପକ୍ଷରେ, ଟିକାର ପର୍ଯ୍ୟାପ୍ତ ଉପଲବ୍ଧତା ଅଭାବରୁ ୧୮ ବର୍ଷରୁ ଅଧିକ ବୟସର ଯୁବକମାନେ ମଧ୍ୟ ଟିକା ଲଗାପାରୁନାହାଁନ୍ତି, ଯାହା ପରିସ୍ଥିତିକୁ ଆହୁରି ଖରାପ କରିପାରେ ।