ବାରାଣସୀର ଗଙ୍ଗା ଘାଟରେ ଧାର୍ମିକ ଆୟୋଜନ ଉପରେ କର ଆଦାୟ କରିବେ ଯୋଗୀ ସରକାର

ଲକ୍ଷ୍ନୌ: ଉତ୍ତରପ୍ରଦେଶର ବାରାଣସୀର ଗଙ୍ଗା ଘାଟରେ ବସୁଥିବା ପଣ୍ଡିତ ଓ ସାଂସ୍କୃତିକ ଏବଂ ଧାର୍ମିକ ଆୟୋଜନ ଉପରେ ଟିକସ ଆଦାୟ କରିବେ ଯୋଗୀ ସରକାର  । ବାରାଣସୀ ମ୍ୟୁନିସିପାଲିଟି କର୍ପୋରେସନ୍ ଦ୍ୱାରା ଜାରି କରାଯାଇଥିବା ଆଦେଶରେ କୁହାଯାଇଛି ଯେ, ଘାଟରେ ବ୍ରାହ୍ମଣ, ପୁରୋହିତମାନଙ୍କୁ ଗଙ୍ଗା କୂଳରେ ବସିବା ପାଇଁ  ମ୍ୟୁନିସିପାଲିଟି କର୍ପୋରେସନରେ ପଞ୍ଜିକରଣ କରିବାକୁ ପଡିବ । ଏହାର ବାର୍ଷିକ ଶୁଳ୍କ ୧୦୦ ଟଙ୍କା ରଖାଯାଇଛି ।

ସରକାରଙ୍କ ଏହି ପଦକ୍ଷେପକୁ ବିରୋଧୀ ସମାଲୋଚନା କରିଛନ୍ତି । ବିରୋଧୀ ଦଳର କାଉନସିଲରମାନେ ମଧ୍ୟ ଅଧିକାରୀଙ୍କୁ ଭେଟି ଆନ୍ଦୋଳନ କରିବାକୁ ଚେତାବନୀ ଦେଇଛନ୍ତି । ଏହି ଟ୍ୟାକ୍ସକୁ ବିରୋଧ କରୁଥିବା ଲୋକମାନେ ଏହାକୁ ଔରଙ୍ଗଜେବଙ୍କ ଜିଜିଆ କର ସହିତ ତୁଳନା କରୁଛନ୍ତି ।

ନଗର ଉନ୍ନୟନ ମନ୍ତ୍ରଣାଳୟ ଦ୍ୱାରା ବାରାଣସୀ ସୀମା ମଧ୍ୟରେ ନଦୀ କୂଳରେ ଅବସ୍ଥିତ ଘାଟର ରକ୍ଷଣାବେକ୍ଷଣ, ସୁରକ୍ଷା ଏବଂ ନିୟନ୍ତ୍ରଣ ପାଇଁ  ଏକ ଆଇନ ପ୍ରଣୟନ କରାଯାଇଛି । ଘାଟରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ପାଇଁ ଦୈନିକ ୪,୦୦୦ ଟଙ୍କା, ଧାର୍ମିକ କାର୍ଯ୍ୟ ପାଇଁ ଦୈନିକ ୫୦୦ ଟଙ୍କା ଏବଂ ସାମାଜିକ କାର୍ଯ୍ୟ ଆୟୋଜନ ପାଇଁ ଦୈନିକ ୨୦୦ ଟଙ୍କା ଦେବାକୁ ପଡ଼ିବ ।

Add Zee News as a Preferred Source

ପ୍ରଭାରୀ ଅଧିକାରୀ ରାଜସ୍ୱ ମ୍ୟୁନିସିପାଲିଟି କର୍ପୋରେସନ୍ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶ ଅନୁଯାୟୀ, ବାରାଣସୀର ପାଞ୍ଚ ଘାଟରେ ଗାଧୋଇବାକୁ ଅନୁମତି ଦିଆଯିବ । ଅନ୍ୟପକ୍ଷରେ ଯଦି କେହି ସାବୁନରେ ଗାଧୋଇବାକୁ ମିଳେ ତେବେ ତାଙ୍କ ଠାରୁ ୫୦୦ ଟଙ୍କା ଜରିମାନା ଆଦାୟ କରାଯିବ । ଏହା ବ୍ୟତୀତ ଅଳିଆ ଫିଙ୍ଗିବା ପାଇଁ ୨୧୦୦ ଟଙ୍କା ଜୋରିମାନା ଲାଗୁ କରାଯିବ ।