 "Vicky-Katrina Wedding: ଭିକି-କ୍ୟାଟ୍ରିନାଙ୍କ ବିବାହର ଲାଇଭ ଟେଲିକାଷ୍ଟ କରିବ Amazon Prime!")
ନୂଆଦିଲ୍ଲୀ: ଭିକି କୌଶଲ (Vicky Kaushal) ଏବଂ କ୍ୟାଟ୍ରିନା କୈଫଙ୍କ (Katrina Kaif) ବିବାହକୁ ନେଇ ଦୀର୍ଘ ସମୟ ଧରି ଗୁଜବ ସୃଷ୍ଟି ହୋଇଥିଲା ଏବଂ ଶେଷରେ ବର୍ତ୍ତମାନ ଏହି ଦମ୍ପତି ବିବାହ ବନ୍ଧନରେ ବାନ୍ଧିବାକୁ ଯାଉଛନ୍ତି । ଭିକି ଏବଂ କ୍ୟାଟ୍ରିନାଙ୍କ ବିବାହ (Vicky-Katrina Wedding) କାର୍ଯ୍ୟ ଆରମ୍ଭ ହୋଇ ସାରିଛି ଏବଂ ଉଭୟ ୯ ଡିସେମ୍ବରରେ ସାତ ଫେରା ନେବାକୁ ଯାଉଛନ୍ତି । ଉଭୟଙ୍କ ବିବାହକୁ ନେଇ ଅନେକ ଖବର ବାହାରକୁ ଆସୁଛି କିନ୍ତୁ ଏହି ବିବାହକୁ ନେଇ ଗୋପନୀୟତା ଉପରେ ଅଧିକ ଗୁରୁତ୍ୱ ଦିଆଯାଉଛି । ଏତେ ଗୋପନୀୟତା ପଛର କାରଣ ବର୍ତ୍ତମାନ ସାମ୍ନାକୁ ଆସିଛି ।
ପ୍ରଶଂସକମାନେ ଭିକି ଏବଂ କ୍ୟାଟ୍ରିନାଙ୍କ ବିବାହର ସିଧା ପ୍ରସାରଣ ଦେଖିବାକୁ ପାଇବେ, କିନ୍ତୁ ପ୍ରଶଂସକମାନେ ଏକ OTT ପ୍ଲାଟଫର୍ମରେ ଏହି ସମସ୍ତ ଦୃଶ୍ୟ ଦେଖିବାକୁ ପାଇବେ । ହଁ ଆଜ୍ଞା, ଭିକି ଏବଂ କ୍ୟାଟ୍ରିନାଙ୍କ ବିବାହକୁ ନେଇ OTT ପ୍ଲାଟଫର୍ମ ସହିତ ଏକ ଚୁକ୍ତି ହୋଇଛି, ଯାହା ପରେ ବିବାହକୁ ନେଇ ଏତେ ପ୍ରାଇଭେସି ରଖାଯାଉଛି ।
ଏତିକି କୋଟିରେ ହୋଇଛି ଚୁକ୍ତି
ମିଡ-ଡେ ରିପୋର୍ଟ ଅନୁଯାୟୀ, କ୍ୟାଟ୍ରିନା କୈଫ ଏବଂ ଭିକି କୌଶଲ ଆମାଜନ ପ୍ରାଇମକୁ ସେମାନଙ୍କ ବିବାହର ଟେଲିକଷ୍ଟ ରାଇଟ୍ସ ବିକ୍ରି କରିଛନ୍ତି । ଏହି ଚୁକ୍ତି ୮୦ କୋଟିରେ ଚୂଡାନ୍ତ ହୋଇଛି । ଏହି ଚୁକ୍ତି ଯୋଗୁଁ କ୍ୟାଟ୍ରିନା ଏବଂ ଭିକି ସେମାନଙ୍କ ଅତିଥିଙ୍କ NDA ଦସ୍ତଖତ କରିଛନ୍ତି ଯାହା ଦ୍ୱାରା OTT ପ୍ଲାଟଫର୍ମ ପୂର୍ବରୁ କାୖଅଂଶୀ ବିବାହ ଫଟୋ ସୋସିଆଲ ମିଡିଆରେ ଭାଇରାଲ ହେବ ନାହିଁ ।
ଆସନ୍ତା ବର୍ଷ ରିଲିଜ୍ ହେବ
ଭିକି ଏବଂ କ୍ୟାଟ୍ରିନାଙ୍କ ବିବାହ ଧାରାବାହିକରେ ତାଙ୍କ ରୋମାନ୍ସ ଠାରୁ ଆରମ୍ଭ କରି ରୋକା ସମାରୋହ ଏବଂ ଚାରି ଦିନି ଧରି ରାଜସ୍ଥାନରେ ହେଉଥିବା କାର୍ଯ୍ୟକ୍ରମ ମଧ୍ୟ ଦେଖାଯିବ । ୨୦୨୨ ମସିହାରେ ଭିକି ଏବଂ କ୍ୟାଟ୍ରିନାଙ୍କ ବିବାହ ଭିଡିଓ ଡିଜିଟାଲ୍ ପ୍ଲାଟଫର୍ମରେ ରିଲିଜ ହେବ । କହି ରଖୁଛୁ ଯେ ୨୦୧୯ ମସିହାରେ ପ୍ରିୟଙ୍କା ଚୋପ୍ରା ଏବଂ ନିକ ଜୋନାସ୍ ବିବାହ ସିରିଜ୍ ମଧ୍ୟ OTT ପ୍ଲାଟଫର୍ମରେ ହୋଇଥିଲା ।
କହି ରଖୁଛୁ ଯେ NDA ରେ, ଅତିଥିଙ୍କ ଠାରୁ ଗୋପନୀୟତା ରକ୍ଷା କରିବା ଏବଂ ସ୍ଥାନରୁ ଯେକୌଣସି ପ୍ରକାରର ଫଟୋ ଲିକ୍ କରିବା ନିଷେଧ । ଅତିଥିଙ୍କ ସହିତ ଏକ ନୋଟ୍ ସେୟାର କରଯାଇଛି । ଯେଉଁଥିରେ କୁହାଯାଇଛି ଯେ ଆପଣଙ୍କ ଫୋନକୁ ଆପଣଙ୍କ ରୁମରେ ରଖିବା ପାଇଁ ଆମେ ସମସ୍ତଙ୍କୁ ଅନୁରୋଧ କରୁଛୁ ଏବଂ ସମାରୋହରେ କୌଣସି ଫଟୋ ପୋଷ୍ଟ କରନ୍ତୁ ନାହିଁ କିମ୍ବା ସୋସିଆଲ ମିଡିଆ ବ୍ୟବହାର କରନ୍ତୁ ନାହିଁ । ଭିକି ଏବଂ କ୍ୟାଟ୍ରିନାଙ୍କ ବିବାହ ଉତ୍ସବରେ ୧୨୦ ଜଣ ଅତିଥି ଯୋଗଦେବାକୁ ଯାଉଛନ୍ତି ।
ଭିକି ଏବଂ କ୍ୟାଟ୍ରିନା ସାୱାଇ ମାଧୋପୁରର ସିକ୍ସ ସେନ୍ସ ଫୋର୍ଟ ବାରୱାରାରେ ବିବାହ କରିବାକୁ ଯାଉଛନ୍ତି । ବିବାହ କାର୍ଯ୍ୟ ଆରମ୍ଭ ହୋଇଛି । ଭିକି ଏବଂ କ୍ୟାଟ୍ରିନାଙ୍କ ମେହେନ୍ଦି କାର୍ଯ୍ୟ ମଙ୍ଗଳବାର ରାତିରେ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟରେ ଉଭୟ ପରିବାର ଏକାଠି ହୋଇ ଏହାକୁ ଉପଭୋଗ କରିଛନ୍ତି ।
)