ଏହି ଅଞ୍ଚଳରେ ସବୁଦିନ ପାଇଁ ବ୍ୟାନ୍ ହେବ ବୁର୍ଖା

ଜ୍ୟୁରିକ୍: ସମସ୍ତଙ୍କୁ ଜଣା ମୁସଲିମ ସମ୍ପ୍ରଦାୟ ମହିଳାଙ୍କ ପାଇଁ ବୁର୍ଖା ବେଶ ଗୁରୁତ୍ୱପୂର୍ଣ୍ଣ । ତେବେ ସ୍ୱିଜରଲ୍ୟାଣ୍ଡର ସାର୍ବଜନୀନ ସ୍ଥାନ ଗୁଡିକରେ ବୁର୍ଖା ପିନ୍ଧିବା ବା ଅନ୍ୟ କୌଣସି ଉପାୟରେ ନିଜର ଚେହେରା ଢାଙ୍କିବା ଉପରେ ରୋକ ଲଗାଇବା ନେଇ ପ୍ରସ୍ତୁତି ଜୋରଦାର ଚାଲିଛି । ଯଦି ଏହା ହୁଏ, ତେବେ ମୁସଲିମ ଦେଶ ମାନଙ୍କରେ ଏହାକୁ ନେଇ ଉଦବେଗ ପ୍ରକାଶ ପାଇବା କିଛି ନୂଆ କଥା ନୁହେଁ । ତେବେ ଆସନ୍ତା ରବିବାରରୁ ଏହାକୁ ନେଇ ସ୍ୱିଜରଲ୍ୟାଣ୍ଡ ବାସୀଙ୍କ ପାଇଁ ଏକ ଜନମତ ପ୍ରକ୍ରିୟା ଆରମ୍ଭ ହେବାକୁ ଯାଉଛି । ହେଲେ ଆକଳନ କରାଯାଉଛି ଯେ, ବୁର୍ଖା ବ୍ୟାନ ବା ଫେସ କଭର କରାଯିବା ବ୍ୟାନ୍ ନିଷ୍ପତିକୁ ଅନେକାଂଶରେ ଗ୍ରହଣ କରାଯିବ ନାହିଁ ।

(Swiss People's Party-SVP) ମୁହଁ ଘୋଡ଼ାଇବା ବିପକ୍ଷରେ ଅଭିଯାନ ଚଳାଇଛି । ପାର୍ଟି ପକ୍ଷରୁ ସ୍ଥାନେ ସ୍ଥାନେ ବୋର୍ଡ ଲଗାଯାଇ ଲୋକଙ୍କୁ ସଚେତନ କରାଯାଉଛି । ଯେଉଁଥିରେ, ବୁର୍ଖା (Burkha) ପିନ୍ଧିଥିବା ମହିଳାଙ୍କ ଫଟୋ ରହିବା ସହ କିଛି ବାର୍ତ୍ତା ରହିଛି । SVP ପାର୍ଟିର ସାଂସଦ କହିଛନ୍ତି ଯେ, ସ୍ୱିଜରଲ୍ୟାଣ୍ଡରେ ମୁହଁ ଦେଖାଇବା ପରମ୍ପରା ରହିଛି । ଏହା ଆମର ନିଜସ୍ୱ ସ୍ୱତନ୍ତ୍ରତାର ସଙ୍କେତ ବୋଲି ସେ କହିଛନ୍ତି ।

ମିଡିଆ ରିପୋର୍ଟ ଅନୁସାରେ, ଫେସ କଭରିଂ (Face Cover) ବା ମୁହଁ ନଘୋଡାଇବା ସମ୍ବନ୍ଧୀୟ ପ୍ରସ୍ତାବରେ ସିଧାସଳଖ ଇସଲାମ ଓ ମୁସଲିମ (Muslim) ମହିଳାଙ୍କୁ ଇସାରା କରି କୁହାଯାଇନାହିଁ। ଏହି ପ୍ରସ୍ତାବରେ କୁହାଯାଇଛି ଯେ, ଏହାକୁ ବ୍ୟାନ କରିବା ଦ୍ୱାରା ଆତଙ୍କବାଦୀ ଓ ମାସ୍କ ପିନ୍ଧି ଅପରାଧ ଘଟାଉଥିବା ଆତତାୟୀଙ୍କ ଉପରେ ଲଗାମ ଲଗାଯାଇପାରିବ। ଏହି କାରଣରୁ ଫେସ କଭରିଂ ବ୍ୟାନ (Burkha Ban) ହେବା ଜରୁରୀ । ମାତ୍ର ମୁସଲିମ ସଂଗଠନ ଏହାକୁ ବିରୋଧ କରିବା ସହ ଏହା କହିଛନ୍ତି ଯେ, ଏହା ମୁସଲିମ ସମ୍ପ୍ରଦାୟର ମହିଳାଙ୍କ ସ୍ବାଧୀନତା ପରେ ଅଙ୍କୁଶ ଲଗାଇବ।

ଯଦି ବ୍ୟାନ ଲଗାଯାଉଛି , ତେବେ ସ୍ୱିଜରଲ୍ୟାଣ୍ଡ (Switzerland) ରେ ସରକାରଙ୍କ ବିରୋଧରେ ଅସନ୍ତୋଷ ଦେଖାଦେବ । କାରଣ ବର୍ଷ ୨୦୦୯ରେ ସ୍ବିଜରଲ୍ୟାଣ୍ଡରେ ନୂଆ ମିନାର ତିଆରି ଉପରେ ବ୍ୟାନକୁ ନେଇ ମତଦାନ କରାଯାଇଥିଲା । ଏହାବାଦ୍ ଦେଶରେ ଦୁଇଟି ସ୍ଥାନରେ ପ୍ରଥମରୁ ଫେସ କଭରିଂ (Face Cover) ଉପରେ ବ୍ୟାନ ଜାରି କରାଯାଇଛି । ଯଦି ଚେହେରା ଢାଙ୍କିବାରେ ପ୍ରତିବନ୍ଧକ ଲାଗେ ତେବେ ମୁସଲିମ ସମ୍ପ୍ରଦାୟ ବିରୋଧ କରିବା ସ୍ବାଭାବିକ କଥା । ଯାହା ଫଳରେ ସ୍ବିଜରଲ୍ୟାଣ୍ଡ ସରକାର (Switzerland  Government) ହରଡ଼ଘଣାରେ ପଡ଼ିପାରନ୍ତି ।

ଅନ୍ୟପଟେ ବର୍ଷ ୨୦୧୧ ଫ୍ରାନ୍ସ  (France) ରେ ଚେହେରା ପୁରା ଢାଙ୍କିପାରିବେ ନାହିଁ ବୋଲି ବ୍ୟାନ କରାଯାଇଥିଲା । ସେହିପରି ଡେନମାର୍କ, ଅଷ୍ଟ୍ରିଆ, ନେଦରଲ୍ୟାଣ୍ଡ ଓ ବୁଲଗେରିୟାରେ ମଧ୍ୟ ସାର୍ବଜନୀନ ସ୍ଥାନ ଗୁଡ଼ିକରେ ବୁର୍ଖା ପିନ୍ଧିବା ସମ୍ପୂର୍ଣ୍ଣ ରୂପେ ବ୍ୟାନ କରାଯାଇଛି।