 "ଉପ-ନିର୍ବାଚନ ପାଇଁ ପ୍ରାର୍ଥୀ ଘୋଷଣା କଲା TMC, ଏହି ଆସନରୁ ଲଢ଼ିବେ CM ମମତା")
କୋଲକାତା: ପଶ୍ଚିମବଙ୍ଗର ୩ ଟି ବିଧାନସଭା ଆସନରେ ଉପ-ନିର୍ବାଚନ (West Bengal By Poll 2021) ଅନୁଷ୍ଠିତ ହେବ । ଏଥିପାଇଁ ତୃଣମୂଳ କଂଗ୍ରେସ (TMC) ନିଜ ପ୍ରାର୍ଥୀ ତାଲିକା ଘୋଷଣା କରିଛି । ମୁଖ୍ୟମନ୍ତ୍ରୀ ମମତା ବାନାର୍ଜୀ (Mamata Banerjee) ନିଜେ ଭବାନୀପୁର ଆସନରୁ ପ୍ରତିଦ୍ୱନ୍ଦ୍ୱିତା କରିବେ । ଜାଙ୍ଗିପୁରରୁ ଜାକିର ହୁସେନ୍ ଓ ସାମସରଗଞ୍ଜରୁ ଆମୀରଲ ଇସଲାମ ପ୍ରତିଦ୍ୱନ୍ଦ୍ୱିତା କରିବେ । ୩୦ ସେପ୍ଟେମ୍ବରରେ ଏହି ମତଦାନ ହେବ ।
୧୬ ସେପ୍ଟେମ୍ବର ପୂର୍ବରୁ ପ୍ରତ୍ୟାହାର ହୋଇପାରିବ ନାମ
ପଶ୍ଚିମବଙ୍ଗର ୩ ଟି ବିଧାନସଭା ଆସନରେ ଉପ-ନିର୍ବାଚନ ପାଇଁ ନିର୍ବାଚନ ଆୟୋଗ ଦ୍ୱାରା ସ୍ଥିର କରାଯାଇଥିବା ସୂଚୀ ଅନୁଯାୟୀ ସେପ୍ଟେମ୍ବର ୧୩ ନାମାଙ୍କନ ଦାଖଲ କରିବାର ଶେଷ ତାରିଖ ହେବ ଓ ପ୍ରାର୍ଥୀମାନେ ୧୬ ସେପ୍ଟେମ୍ବର ପୂର୍ବରୁ ନାମାଙ୍କନ ପ୍ରତ୍ୟାହାର କରିପାରିବେ । କୋରୋନାରୁ ରକ୍ଷା ପାଇବା ପାଇଁ ନିର୍ଵାଚନ ଆୟୋଗ ଦ୍ୱାରା ଏଥର ଅତ୍ୟଧିକ କଠୋର ନିୟମ କରାଯାଇଛି ।
The All India Trinamool Congress (AITC) is pleased to announce the following list of candidates for polls/by-poll scheduled in 3 assembly constituencies on 30th September 2021 in the state of West Bengal. pic.twitter.com/KdShB8gJqv
— All India Trinamool Congress (@AITCofficial) September 5, 2021
ମମତା ପାଇଁ ଗୁରୁତ୍ୱପୂର୍ଣ୍ଣ ଏହି ନିର୍ବାଚନ
ପଶ୍ଚିମବଙ୍ଗରେ ମମତା ବାନାର୍ଜୀ (Mamata Banerjee) ବିଧାନସଭା ନିର୍ବାଚନରେ ଜିତିଲେ ହିଁ ମୁଖ୍ୟମନ୍ତ୍ରୀ ପଦରେ ରହିପାରିବେ । ନିର୍ବାଚନ ଆୟୋଗର ନିୟମ ଅନୁଯାୟୀ ଯେକୌଣସି ମୁଖ୍ୟମନ୍ତ୍ରୀଙ୍କ ପାଇଁ ୬ ମାସ ମଧ୍ୟରେ ବିଧାନସଭା କିମ୍ବା ବିଧାନ ପରିଷଦର ସଦସ୍ୟ ହେବା ବାଧ୍ୟତାମୂଳକ । ଏହି ପ୍ରସଙ୍ଗରେ, ମମତାଙ୍କ ପାଇଁ ଏହି ନିର୍ବାଚନ ଗୁରୁତ୍ୱପୂର୍ଣ୍ଣ ।
ମୁଖ୍ୟମନ୍ତ୍ରୀ ନିର୍ବାଚନରେ ହାରିଲେ କ'ଣ ହୁଏ?
ସମ୍ବିଧାନର ଧାରା ୧୬୪ (୪) ଅନୁଯାୟୀ ଜଣେ ବ୍ୟକ୍ତି ନିର୍ବାଚନରେ ଜିତିନଥିଲେ ମଧ୍ୟ ମୁଖ୍ୟମନ୍ତ୍ରୀ ହୋଇପାରିବେ, କିନ୍ତୁ ମୁଖ୍ୟମନ୍ତ୍ରୀ ହେବାର ୬ ମାସ ମଧ୍ୟରେ ତାଙ୍କୁ ରାଜ୍ୟ ବିଧାନସଭା କିମ୍ବା ବିଧାନ ପରିଷଦର ସଦସ୍ୟ ହେବାକୁ ପଡ଼ିବ । ପଶ୍ଚିମବଙ୍ଗରେ ବିଧାନ ପରିଷଦ ନାହିଁ, ତେଣୁ ମମତା ବାନାର୍ଜୀଙ୍କୁ ବିଧାନସଭା ସଦସ୍ୟ ହେବାକୁ ନିର୍ବାଚନରେ ଜିତିବାକୁ ପଡିବ ।
ସୂଚନାଯୋଗ୍ୟ ଯେ ୨୦୨୧ ବିଧାନସଭା ନିର୍ବାଚନରେ ସିଏମ ମମତା ବାନାର୍ଜୀଙ୍କ ଦଳ ଟିଏମସି ଏକ ବଡ ବିଜୟ ହାସଲ କରିଛି । ଟିଏମସି ୨୯୪ ଟି ସିଟ୍ ମଧ୍ୟରୁ ୨୧୩ ଟି ଜିତିଥିଲା । ଅନ୍ୟପକ୍ଷରେ ବିଜେପି ୭୭ ଟି ସିଟ୍ ଜିତିଥିଲା ।
)