ପଶ୍ଚିମବଙ୍ଗ ନିର୍ବାଚନ: CAAକୁ ନେଇ ଖୋଲା ଧମକ ଦେଲେ ଶାହା

କୋଲକାତା: ହାତ ଗଣତି ଦିନ ପରେ ପଶ୍ଚିମବଙ୍ଗରେ ବିଧାନସଭା ନିର୍ବାଚନ (WestBengal Assembly Election) ଅନୁଷ୍ଠିତ ହେବ । ଏଥିପାଇଁ ଏବେ ପଶ୍ଚିମବଙ୍ଗରେ ନିର୍ବାଚନୀ (Westbengal Election Rally) ଉଷ୍ମତା ପ୍ରକାଶ ପାଇଛି । ରାଜନୈତିକ ଦଳ ମାନଙ୍କର ଘନଘନ ନିର୍ବାଚନୀ ପ୍ରଚାର ଦେଖିବାକୁ ମିଳିଛି। ତେବେ ଗତ ଗୁରୁବାର ପଶ୍ଚିମବଙ୍ଗ ନିର୍ବାଚନ ରାଲି (WB Election Rally) ସମୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ (Mamata Banerjee) କଡ଼ା ସମାଲୋଚନା କରିଛନ୍ତି । କୁଚବିହାର ରାଲିରେ ଅମିତ ଶାହା (Amit Shah) କହିଛନ୍ତି କି,  ମମତା ଦିଦି ସବୁବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ଲଢେଇ ଜାରି ରଖିଛନ୍ତି । ଆମର ୧୩୦ କାର୍ଯ୍ୟକର୍ତ୍ତାଙ୍କୁ ଟିଏମସିର କର୍ମଚାରୀମାନେ ହତ୍ୟା କରିଛନ୍ତି । ଆମର ଏଠି ସରକାର ହେବା ମାତ୍ରେ ହିଁ ଜଣଜଣ କରି ଜେଲକୁ ପଠାଇବୁ ବୋଲି ସେ କହିଛନ୍ତି । 

ଅମିତ ଶାହ (Amit Shah) ଆହୁରି ମଧ୍ୟ କହିଥିଲେ କି, ଟିଏମସି (TMC) ସରକାରକୁ ଏଠାରୁ ବିଜେପି (BJP) ଉପାଡ଼ି ଫୋପାଡ଼ିବ । ଆଗାମୀ ୫ ବର୍ଷ ମଧ୍ୟରେ ସୁନାର ବଙ୍ଗାଳ କରି ଦେଖାଇବୁ ବୋଲି ସେ କହିଥିଲେ ।ଏପରିକି ଆଗାମୀ ୫ ବର୍ଷ ମଧ୍ୟରେ କୌଣସି ପ୍ରକାର ଅନୁପ୍ରବେଶ କରିବାକୁ ଦିଆଯିବ ନାହିଁ । ଯେଉଁମାନେ ଅନୁପ୍ରବେଶ କରି ରାଜ୍ୟରେ ରହିଛନ୍ତି ସେମାନଙ୍କୁ ମଧ୍ୟ ଏଠାରୁ ବିତାଡ଼ିତ କରାଯିବ ବୋଲି ସେ କହିଥିଲେ । 

ଅମିତ ଶାହା କହିଥିଲେ କି, ମମତା ଦିଦି ପିଏମ ମୋଦିଙ୍କ ସହ ସବୁବେଳେ ଲଢେଇ ଜାରି ରଖିଛନ୍ତି । ସୁଭାଷ ବାବୁଙ୍କ ନାଁରେ ମଧ୍ୟ ଲଢିଥିଲେ । ସୁଭାଷ ବାବୁଙ୍କ କାର୍ଯ୍ୟକ୍ରମ ଥିଲା। ସେଠାରେ ରାଜନୀତିକୁ ଏଡାଇ ଦିଆଯାଇ ପାରିଥାନ୍ତା। ଶ୍ରୀରାମଙ୍କ ନାରାକୁ ନେଇ ମମତା ଦିଦିଙ୍କ ମନରେ ଯେଉଁ ଘୃଣାଭାବ ରହିଛି ତାହା ଏହି ନିର୍ବାଚନ ଶେଷ ବେଳକୁ ଦୁର ହୋଇଯାଇଥିବ । ଆପଣମାନେ କୁହନ୍ତି ଏହି ନାରା କହିବାରେ କଣ ଅସୁବିଧା ରହୁଛି। ନିର୍ବାଚନ ଶେଷ ବେଳକୁ ମମତା ଦିଦି ମଧ୍ୟ ଏହି ଶ୍ରୀରାମ ନାରା କହିବା ଆରମ୍ଭ କରିଦେଇଥିବେ ବୋଲି ସେ କହିଥିଲେ । 

ବିଧାନସଭା ନିର୍ବାଚନରେ ​​ଅଶ୍ଳୀଳତା ସମ୍ପର୍କରେ ଅମିତ ଶାହା କହିଛନ୍ତି ଯେ ଆମର ବୁଥ୍ ମୁଖ୍ୟମାନେ ମମତା ଦିଦିଙ୍କ ଦଙ୍ଗା ମୁଖ୍ୟଙ୍କ ସହିତ ଲଢିବେ। ସେମାନେ ଜନସାଧାରଣଙ୍କ ବିଶ୍ୱାସର ଆବଶ୍ୟକତା କରନ୍ତି ନାହିଁ କିନ୍ତୁ ସେମାନେ ଦଙ୍ଗାକାରୀଙ୍କ ଉପରେ ବିଶ୍ୱାସ କରନ୍ତି ବୋଲି ସେ କହିଥିଲେ।