ଭୁଲ ସ୍ୱୀକାର କଲା WHO, କହିଲା-ଭାରତରେ ହେଉନି କୋରୋନା ଭାଇରସର...

ନୂଆଦିଲ୍ଲୀ: ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ନିଜର 'ପରିସ୍ଥିତି(ସିଚୁଏସନ) ରିପୋର୍ଟ'ରେ ଭାରତରେ କୋରୋନା ଭାଇରସ୍ ବିସ୍ତାରର ସ୍ଥିତିକୁ' ସମ୍ପ୍ରଦାୟ ସଂକ୍ରମଣ ' କହିଥିଲା । ଯାହା ଉପରେ ଆଜି ସ୍ପଷ୍ଟୋକ୍ତି ଦେଇଛି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ । WHO ସ୍ୱୀକାର କରିଛି ଯେ ରିପୋର୍ଟରେ ତ୍ରୁଟି ରହିଛି, ଯାହା ବର୍ତ୍ତମାନ ସଂଶୋଧିତ ହୋଇଛି ଏବଂ ଭାରତରେ 'କ୍ଲଷ୍ଟର ମାମଲା'(ବହୁତ ମାମଲା) ଅଛି, କିନ୍ତୁ 'କମ୍ୟୁନିଟି ଟ୍ରାନ୍ସମିସନ' ଘଟୁନାହିଁ ।

ଦୁନିଆ  ସାରା ୧୬ ଲକ୍ଷରୁ ଉର୍ଦ୍ଧ୍ୱ ଲୋକଙ୍କୁ ସଂକ୍ରମିତ କରିଥିବା ଓ ୯୫ ହଜାରରୁ ଉର୍ଦ୍ଧ୍ୱ ଲୋକଙ୍କ ଜୀବନ ନେଇଥିବା COVID-19 ମାମଲାରେ ପ୍ରକାଶିତ ରିପୋର୍ଟରେ ଚୀନର କୋଲମରେ କ୍ଲଷ୍ଟର ଅଫ କେସେଜ ଲେଖା ଯାଇଥିଲା । ଅନ୍ୟପକ୍ଷେ ଭାରତର କୋଲମରେ ସଂକ୍ରମଣର ବିସ୍ତାରକୁ କମ୍ୟୁନିଟି ଟ୍ରାନ୍ସମିସନ କୁହାଯାଇଥିଲା । ଏହି ରୋଗ ଭାରତରେ ସମ୍ପ୍ରଦାୟର ସଂକ୍ରମଣ ସ୍ତର ବା ତୃତୀୟ ପର୍ଯ୍ୟାୟରେ ପହଞ୍ଚିଛି ବୋଲି କେନ୍ଦ୍ର ସରକାର ଅସ୍ୱୀକାର କରିଥିଲେ । ସମ୍ପ୍ରଦାୟର ସଂକ୍ରମଣ ହେଉଛି ଅବସ୍ଥା ଯେତେବେଳେ କୋରୋନା ଭାଇରସ୍ ଆକ୍ରାନ୍ତଙ୍କ ସଂଖ୍ୟା କ୍ରମାଗତ ବୃଦ୍ଧି ପାଉଥିବ ଓ ଏହି ସଂକ୍ରମଣର ଉତ୍ସ ଖୋଜିବା କଷ୍ଟକର ହୋଇଯାଏ । ବର୍ତ୍ତମାନ ଭାରତରେ ୬,୪୧୨ଟି ପଜିଟିଭ ମାମଲା ରହିଛି (ଶୁକ୍ରବାର ସକାଳ ପର୍ଯ୍ୟନ୍ତ), ସେଥିମଧ୍ୟରୁ ୧୯୯ ଜଣଙ୍କ ମୃତ୍ୟୁ ଘଟିଛି ।

WHO ଅନୁଯାୟୀ, ଏହି ରୋଗର ବିସ୍ତାର ସ୍ତର - କୌଣସି ନିଶ୍ଚିତ ମାମଲା, ସ୍ପେରଡିକ୍ ମାମଲା, କ୍ଲଷ୍ଟର ମାମଲା ଏବଂ ସମ୍ପ୍ରଦାୟର ସଂକ୍ରମଣ - ସଦସ୍ୟ ରାଷ୍ଟ୍ରମାନେ ନିଜେ ପ୍ରଦାନ କରନ୍ତି । ଚାଇନାରେ 'ଅଜ୍ଞାତ କାରଣରୁ ହୋଇଥିବା ନିମୋନିଆ'ର ପ୍ରଥମ ମାମଲା WHO ଦ୍ୱାରା ସୂଚିତ ହେବା ପରେ ଏବଂ କିଛି ସମୟ ମଧ୍ୟରେ  COVID-19 ସମଗ୍ର ବିଶ୍ୱରେ ବ୍ୟାପି ସାରିଥିଲା । ଶୁକିରବାର କୋଭିଡ-19ର ପ୍ରଥମ ମାମଲା ଅଧିସୂଚିତ କରିବାର ୧୦୦ ଦିନ ପୂରଣ କରିଛି ।

Add Zee News as a Preferred Source