ଏଚଆଇଭି ଭଳି କୋରୋନା ସବୁଦିନ ରହିବ: who

ନୂଆଦିଲ୍ଲୀ: କୋରୋନାକୁ ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ ବେଶ ଚାଞ୍ଚଲ୍ୟକର ତଥ୍ୟ ପ୍ରଦାନ କରିଛି। ସମଗ୍ର ବିଶ୍ୱରେ କୋରୋନା ଏକ ସଂକଟଜନକ ପରିସ୍ଥିତି ସୃଷ୍ଟି କରିଥିବା ବେଳେ ବିଶ୍ୱବାସୀ ବେଶ ଭୟଭୀତ ଅବସ୍ଥାରେ ରହିଛନ୍ତି। ଏହି ସମୟରେ ମଧ୍ୟରେ କୋରୋନାକୁ ନେଇ ଏକ ଚାଞ୍ଚଲ୍ୟକର ତଥ୍ୟ ଦେଇଛି ବିଶ୍ୱ ସ୍ୱାସ୍ଥ୍ୟ ସଂଗଠନ ବା who। ସଂଗଠନ କହିଛି କି, ଏହି କୋରୋନା ଭାଇରସ ବିଶ୍ୱରେ ଚିରଦିନ ପାଇଁ ରହିଛି।  ସମଗ୍ର ବିଶ୍ୱରୁ କଦାପି ହଟିବ ନାହିଁ ବୋଲି ସଂଗଠନ କହିଛନ୍ତି। ଏପରିକି ସମଗ୍ର ବିଶ୍ୱରୁ ଏହି ଭାଇରସ କେବେ ଲୋପ ପାଇବ ତାହା ଉପରେ ଅନୁମାନ କରିବା ଅସମ୍ଭବ ବୋଲି ସଂଗଠନ କହିଛି। 

ସଂଗଠନର ମୁଖ୍ୟ ଡାକ୍ତର ମାଇକେଲ ରିଆନ କହିଛନ୍ତି କି, ଭାଇରସ ଏହି ବିଶ୍ୱରୁ କେବେ ଲୋପ ପାଇବ ତାହା ଉପରେ ଅନୁମାନ କରିବା ମୁସ୍କିଲ ହୋଇ ପଡ଼ିଛି। ସେ ଆହୁରି ମଧ୍ୟ କହିଛନ୍ତି କି, କୋଭିଡ଼ 19 ସଂକ୍ରମିତ ଲୋକଙ୍କ ସଂଖ୍ୟା ବିଶ୍ୱରେ ନିୟନ୍ତ୍ରଣ ବାହାରକୁ ଯାଉଛି। ତେବେ କିଛି ଟା ରାଷ୍ଟ୍ରରେ ଏହାକୁ ନିୟନ୍ତ୍ରଣକୁ ମଧ୍ୟ ଆସି ସାରିଛି ବୋଲି ସେ କହିଛନ୍ତି। ସେ ଆହୁରି ମଧ୍ୟ କହିଛନ୍ତି କି, ସମଗ୍ର ବିଶ୍ୱରେ ଏହାର ଟିକା ବାହାର କରିବା ପାଇଁ ବୈଜ୍ଞାନିକ ଓ ଡାକ୍ତରମାନେ ପ୍ରୟାସ ଜାରି ରହିଛି। ତେବେ ଏହାର ଟିକା କେବେ ବାହାରିବ ତାହା ଉପରେ ମଧ୍ୟ କହିବା ଅସମ୍ଭବ ବୋଲି ସେ ସୂଚନା ଦେଇଛନ୍ତି। 

ପୂର୍ବରୁ ମଧ୍ୟ ଏକାଧିକ ରୋଗ ଏପରି ରହିଛି, ଯାହା ବିଶ୍ୱରୁ ସମ୍ପୂର୍ଣ୍ଣ ଭାବେ ଲୋପ ପାଇନାହିଁ। ଯାହାର ଟିକା ମଧ୍ୟ ବାହାରି ପାରିନାହିଁ। ପୁରୁଣା ରୋଗ ମଧ୍ୟରେ ଏଚଆଇଭି ମଧ୍ୟ ସମୂଳେ ନାଶ ହୋଇ ପାରିନାହିଁ। ତାହାର ମଧ୍ୟ ଟିକା ବାହାରି ପାରିନାହିଁ। ତେବେ ଏହି କୋରୋନା ଭାଇରସର ଟିକା ବାହାରିବାର ସମ୍ଭାବନା ରହିଛି। ଏହି ଟିକା ବାହାରିବା ପରେ ସମଗ୍ର ବିଶ୍ୱକୁ ଯୋଗାଇ ଦିଆଯିବ ବୋଲି ସେ କହିଛନ୍ତି। 

ତେବେ ଭାରତରେ କୋରୋନା ସ୍ଥିତି ମଧ୍ୟ ବେଶ ସଂକଟଜନକ ରହିଛି। ଭାରତରେ ବର୍ତ୍ତମାନ ସୁଦ୍ଧା ୭୮ ହଜାର ଆକ୍ରାନ୍ତ ରହିଛନ୍ତି। ଗୁରୁବାର କେନ୍ଦ୍ର ସ୍ୱାସ୍ଥ୍ୟ ବିଭାଗ ଜାରି କରିଥିବା ସୂଚନା ମୁତାବକ ସମଗ୍ର ଦେଶରେ କୋରୋନା ସଂକ୍ରମିତଙ୍କ ସଂଖ୍ୟା ୭୮୦୦୩ ରହିଛି। ଦେଶରେ ମୃତ୍ୟୁ ସଂଖ୍ୟା ୨୫୪୯ରେ ପହଞ୍ଚିଛି। ବର୍ତ୍ତମାନ ସୁଦ୍ଧା ୪୯୨୧୯ ଜଣ ଚିକିତ୍ସିତ ହେଉଥଇବା ବେଳେ ୨୬୨୩୫ ଜଣ ସୁସ୍ଥ ହୋଇ ଘରକୁ ଫେରିଛନ୍ତି।