ଖାକିରେ ଦାଗ: ବନ୍ଧୁକ ମୁନରେ ବିବାହିତା ମହିଳାଙ୍କୁ ଦୁଷ୍କର୍ମ କଲା ପୋଲିସ

ମୁମ୍ବାଇ: ସମାଜର ରକ୍ଷକ ଯଦି ଭକ୍ଷକ ସାଜେ ତେବେ ସାଧାରଣ ଜନତା ନିଜ ସମସ୍ୟା ନେଇ ଯିବେ କାହା ପାଖକୁ । ଏମିତି ଏକ ଘଟଣା ଯାହା ସମସ୍ତଙ୍କୁ ଚକିତ କରିଛି । ମହାରାଷ୍ଟ୍ରର ଓସମାନାବାଦ ସହରରେ ଦୁଷ୍କର୍ମକୁ ନେଇ ଏ ଭୟଙ୍କର ଚିତ୍ର ସାମ୍ନାକୁ ଆସିଛି । ଘଟଣାଟି ଏମିତି, ଏଠାରେ ରହୁଥିବା ଜଣେ ବିବାହିତା ମହିଳାଙ୍କ ଆତ୍ମହତ୍ୟା ପରେ ଘଟଣା ଉପରୁ ପରଦା ଉଠିଥିଲା । ତେବେ ଏହି ମୃତା ବିବାହିତାଙ୍କ ଅଭିଯୋଗ ଯେ, ଜଣେ ପୋଲିସ କର୍ମୀ ତାଙ୍କୁ ବନ୍ଧୁକ ମୁନରେ ଦୁଷ୍କର୍ମ କରିଥିଲେ । 

ସୂଚାନୁଯାୟୀ, ମହିଳା ଜଣଙ୍କ ଆତ୍ମହତ୍ୟା (Suicide) ପୂର୍ବରୁ ଏକ ସୁଇସାଇଡ ନୋଟ ଛାଡି଼ଯାଇଥିଲେ । ଏହି ଘଟଣା ଜଣାପଡ଼ିବା ପରେ ସ୍ଥାନୀୟ ଅଞ୍ଚଳରେ ଅସନ୍ତୋଷ ବାତାବରଣ ଖେଳିଯାଇଛି । ଆତ୍ମହତ୍ୟା କରିଥିବା ମହିଳା ସୁଇସାଇଡ ନୋଟରେ ଲେଖିଛନ୍ତି ଯେ,ଜଣେ ପୋଲିସ କର୍ମୀ ତାଙ୍କୁ ବନ୍ଧୁକ ଦେଖାଇ ଭୟଭୀତ କରି ଦୁଷ୍କର୍ମ କରିଥିଲେ । ଯାହାଫଳରେ ଲୋକଲଜ୍ଜାରୁ ବଞ୍ଚିବାକୁ ଯାଇ ରଶି ଲଗାଇ ସେ ଆତ୍ମହତ୍ୟା କରିଦେଇଥିବା ଜଣାପଡ଼ିଛି । ତେବେ ମରିବା ପୂର୍ବରୁ ମହିଳା ଜଣଙ୍କ ଅଭିଯୁକ୍ତ ପୋଲିସ କର୍ମୀ (Police) ଙ୍କ କୁକର୍ମ ବିଷୟରେ ସବୁକିଛି ଲେଖି ଦେଇଛନ୍ତି। 

Add Zee News as a Preferred Source

ପୀଡିତାଙ୍କୁ ଦୁଷ୍କର୍ମ କରିଥିବା ପୋଲିସ କର୍ମୀ ଜଣଙ୍କ ହେଉଛନ୍ତି ହରିଭାଉ କୋଲେକର । ଅଭିଯୁକ୍ତ ମହାରାଷ୍ଟ୍ର ପୋଲିସ (Maharastra Police) ରେ ହେଡ କନେଷ୍ଟବଳ ଭାବେ କାର୍ଯ୍ୟରତ । ଖବରନୁଯାୟୀ, ପୋଲିସ କର୍ମୀଙ୍କ ଏମିତି କାଣ୍ଡ ଯୋଗୁଁ ବିବାହିତା ମହିଳା ଜଣଙ୍କ ଆତ୍ମହତ୍ୟା କରିବା ଘଟଣା ସାରା ଅଞ୍ଚଳରେ ପ୍ରଚାର ପରେ ପୋଲିସ ସଙ୍ଗେ ସଙ୍ଗେ ଆକ୍ସନ ମୁ଼ଡକୁ ଆସିଯାଇଥିଲା । ଓସମାନା ବାଦ ପୋଲିସ ଅଭିଯୁକ୍ତ ହେଡ କନେଷ୍ଟବଳକୁ ନିଜ ହେପାଜତରେ ନେବା ସହ ପଚରାଉଚରା ଜାରି ରଖିଛି ।

ତଦନ୍ତ କରୁଥିବା ପୋଲିସଧିକାରୀଙ୍କ କହିବା କଥା, ଓସମାନା ବାଦ ଅଞ୍ଚଳର ହନୁମାନ ଚୌକ ଇଲାକାରେ ଜଣେ ମହିଳା ଆତ୍ମହତ୍ୟା କରିଥିବା ଖବର ପ୍ରଥମେ ଆସିଥିଲା । ପରେ ଘଟଣାସ୍ଥଳରୁ ଏକ ସୁଇସାଇଡ ନୋଟ ପୋଲିସ ଜବତ କରିଥିଲା । ଯେଉଁଥିରେ ଆତ୍ମହତ୍ୟା କରିବାର ପୁରା କାହାଣୀ କହିଥିଲେ, ମହିଳା ଜଣଙ୍କ । ପୋଲିସ ଟିମ ମହିଳାଙ୍କ ଆତ୍ମହତ୍ୟା (Suicide) ମାମଲାର ଯାଞ୍ଚ କରିବା ସହ ଅଭିଯୁକ୍ତ ହେଡ କନେଷ୍ଟବଳ (Head constable) ଙ୍କୁ ପୋଲିସ ହେପାଜତରେ ରଖାଯାଇଛି। ପଚରାଉଚରା ପରେ କନେଷ୍ଟବଳ ଙ୍କ ବିରୁଦ୍ଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।