ରାଜ୍ୟରେ ଗୋଟିଏ ଦିନରେ ଚିହ୍ନଟ ହେଲେ ୮୩ କୋରୋନା ଆକ୍ରାନ୍ତ

ଭୁବନେଶ୍ୱର: ସାରା ଦେଶ ସମେତ ଓଡ଼ିଶା ପାଇଁ ବଡ଼ ସଙ୍କଟ ସୃଷ୍ଟି କରିଛି ମହାମାରୀ କୋରୋନା ଭୂତାଣୁ । କ୍ରମାଗତ ଭାବେ ଏହି ମହାମାରୀ ଭାଇରସ ବ୍ୟାପିବାରେ ଲାଗିଛି । ଯାହା ଦେଶ ତଥା ଆମ ରାଜ୍ୟ ପାଇଁ ବଡ଼ ଚିନ୍ତାର କାରଣ ପାଲଟିଛି । ପୁଣି ରାଜ୍ୟରେ ୧୫ କୋରୋନା ଆକ୍ରାନ୍ତ ପଜିଟିଭ ମାମଲା ସାମ୍ନାକୁ ଆସିଛି । ଫଳରେ ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ୩୭୭କୁ ବୃଦ୍ଧି ପାଇଛି । ଏହାର ସୂଚନା ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ୱେବସାଇଟରୁ ମିଳିଛି । 

2nd Health Update, 10th May

5 positives in Jajpur
(2 Surat returnees, 2 contacts of previous WB positive cases,1 WB returnee)

2 positives in Puri
WB returnees

6 positives in Bhadrak
7 positives in Ganjam
2 positives in Angul
3 positives in Boudh
Surat returnees

Total: 377

— I & PR Department, Odisha (@IPR_Odisha) May 10, 2020

ଏହି ୧୫ ଆକ୍ରାନ୍ତଙ୍କ ମଧ୍ୟରେ ଗଞ୍ଜାମରୁ ୭ ଜଣ, ବୌଦ୍ଧରୁ ୩, ଯାଜପୁର ୫, ପୁରୀ ଓ ଅନୁଗୁଳରୁ ୨-୨ ଜଣ ସାମିଲ ଅଛନ୍ତି । ଆଜି ଅର୍ଥାତ ରବିବାରରେ ଗୋଟିଏ ଦିନରେ ୮୩ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଯାଜପୁରର ୫ ଆକ୍ରାନ୍ତଙ୍କ ମଧ୍ୟରୁ ୨ ସୁରତ ଫେରନ୍ତା ଓ ଜଣେ କଲିକତା ଫେରନ୍ତା ଅଛନ୍ତି । ସେହିପରି ପୁରୀର ଜଣେ ପଶ୍ଚିମବଙ୍ଗ ଫେରନ୍ତା ସାମିଲ ଅଛନ୍ତି । ଏହା ବ୍ୟତୀତ ଅନ୍ୟ ୮ ଆକ୍ରାନ୍ତ ସୁରତ ଫେରନ୍ତା ବୋଲି ଜଣା ପଡ଼ିଛି । 

ରାଜ୍ୟରେ ବର୍ତ୍ତମାନ ଯାଏ ଚିହ୍ନଟ ୩୭୭ କୋରୋନା ଆକ୍ରାନ୍ତଙ୍କ ମଧ୍ୟରୁ ୩ ଜଣଙ୍କ ମୃତ୍ୟୁ ଘଟିଛି । ଏହାସହ ୬୮ ଜଣ କୋରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ରାଜ୍ୟରେ ବର୍ତ୍ତମାନ ୩୦୬ଟି ସକ୍ରିୟ କୋରୋନା ମାମଲା ରହିଛି । ଗଞ୍ଜାମ ଜିଲ୍ଲାରେ ସର୍ବାଧିକ କୋରୋନା ମାମଲା ରହିଛି ।