ରାଜ୍ୟରେ ଆଉ ୧୬ କୋରୋନା ଆକ୍ରାନ୍ତ ଚିହ୍ନଟ

ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ପୁଣି ଆଉ ୧୬ କୋରୋନା ଆକ୍ରାନ୍ତ ଚିହ୍ନଟ ହୋଇଛି । ଫଳରେ ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇଁ ୩୯ ପହଞ୍ଚିଛି । ଆଜି ସନ୍ଧ୍ୟାରେ ଆଉ ୧୬ କୋରୋନା ଆକ୍ରାନ୍ତ ଭୁବନେଶ୍ୱରରୁ ଚିହ୍ନଟ ହୋଇଥିବାର ସୂଚନା ଓଡ଼ିଶା ସ୍ୱାସ୍ଥ୍ୟ ବିଭାଗ ତରଫରୁ ଟ୍ୱିଟ କରି ଦିଆଯାଇଛି । ପୂର୍ବରୁ ଆଜି ମଧ୍ୟ ୨ କୋରୋନା ଆକ୍ରାନ୍ତ ଭୁବନେଶ୍ୱରରୁ ଚିହ୍ନଟ କରାଯାଇଥିଲା । ଆଜି ସର୍ବମୋଟ ୧୮ ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛି । ସେମାନେ ସମସ୍ତେ ଭୁବନେଶ୍ୱରର ବୋଲି ଜଣାପଡିଛି ।

16 more COVID positive cases confirmed in Bhubaneswar.

— H & FW Dept Odisha (@HFWOdisha) April 5, 2020

ସୂଚନାୟୋଗ୍ୟ, ଆଜି ଭୁବନେଶ୍ୱରରୁ ୨ କୋରୋନା ଆକ୍ରାନ୍ତ ଚିହ୍ନଟ ହୋଇଛି । ଜଣଙ୍କ ବୟସ ୭୦ ବର୍ଷ ହୋଇଥିବା ବେଳେ ଜଣଙ୍କ ବୟସ ୨୯ ବର୍ଷ ବୋଲି ଜଣାପଡ଼ିଛି । ବୁଦ୍ଧ ଜଣଙ୍କ ଘର ହେଉଛି ଭୁବନେଶ୍ୱରର କପିଲା ପ୍ରସାଦ ହାଉସ ବୋର୍ଡ କୋଲନୀ ଫେଜ୍ ସେକେଣ୍ଡ । ତାଙ୍କ ଟ୍ରାଭେଲ୍ ହ୍ରିଷ୍ଟ୍ରୀ ହେଉଛି ଅଷ୍ଟ୍ରେଲିଆ । ସେଠାରୁ ଫେରି ସେ ହମ୍ କ୍ୱାରେଣ୍ଟାଇନରେ ଥିଲେ । ସେହିପରି ଅନ୍ୟ ଜଣଙ୍କ ଘର ହେଉଛି ଭୁବନେଶ୍ୱରର ଭୋମିଖଲ ବୋଲି ଜଣାପଡ଼ିଛି ।

ଅନ୍ୟପକ୍ଷେ ଗତକାଲି ଅର୍ଥାତ ଶନିବାର ରାତିରେ କଳାହାଣ୍ଡିରେ ଜଣେ ୨୯ ବର୍ଷୀୟ ବୟସ୍କ ବ୍ୟକ୍ତିଙ୍କ କୋରୋନା ପଜିଟିଭ ମିଳିଥିଲା । ତାଙ୍କ ଟ୍ରାଭେଲ ହିଷ୍ଟ୍ରୀ ବାହରୀନ ବୋଲି ଜଣାପଡ଼ିଛି ।