ଭଲ ଖବର: ରାଜ୍ୟରେ ସୁସ୍ଥ ହେଲେ ଆଉ ୫୮୧ କୋରୋନା ସଂକ୍ରମିତ

ଭୁବନେଶ୍ୱର: ରାଜ୍ୟରେ କୋରୋନା ଭୂତାଣୁର ତାଣ୍ଡବ ଜାରି ରହିଛି । ପ୍ରତିଦିନ ହଜାର ହଜାର ସଂଖ୍ୟାରେ ସଂକ୍ରମିତ ଚିହ୍ନଟ ହେଉଛନ୍ତି । ଏହାସହ ବଢ଼ୁଛି କୋରୋନା ରୋଗୀଙ୍କ ମୃତ୍ୟୁ ସଂଖ୍ୟା । ଯାହା ରାଜ୍ୟବାସୀଙ୍କ ଚିନ୍ତାର କାରଣ ପାଲଟିଛି । ଏହି ସମୟରେ ଏକ ଆଶ୍ୱସ୍ତିକର ଖବର ଏହା ଯେ, ରାଜ୍ୟରେ କ୍ରମାଗତ ସଂକ୍ରମିତ ସୁସ୍ଥ ହେଉଛନ୍ତି । ଏହି କ୍ରମରେ ଆଜି(ସୋମବାର) ପୁଣି ୫୮୧ ସଂକ୍ରମିତ ସୁସ୍ଥ ହୋଇଛନ୍ତି । ଫଳରେ ରାଜ୍ୟରେ ବର୍ତ୍ତମାନ ପର୍ଯ୍ୟନ୍ତ ୧୭,୩୭୩ ସଂକ୍ରମିତ ଏହି ବୈଶ୍ୱିକ ମହାମାରୀକୁ ମାତ୍ ଦେବାରେ ସଫଳ ହୋଇଛନ୍ତି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ତରଫରୁ ଟ୍ୱିଟ୍ କରି ସୂଚନା ପ୍ରଦାନ କରାଯାଇଛି ।   

ସୂଚନାଯୋଗ୍ୟ, ଆଜି ସର୍ବାଧିକ ଗଞ୍ଜାମରୁ ୧୬୦ ଜଣ, ଖୋର୍ଦ୍ଧାରୁ ୭୭ ଜଣ, ଗଜପତିରୁ ୪୩ ଜଣ, କଟକରୁ ୩୪ ଜଣ, ମାଲକାନଗିରିରୁ ୩୨ ଜଣ, ବରଗଡରୁ ୨୫ ଜଣ, ଭଦ୍ରକରୁ ୨୩ ଜଣ, କେନ୍ଦୁଝରରୁ ୧୯ ଜଣ, ଅନୁଗୋଳ ଓ କନ୍ଧମାଳରୁ ୧୭-୧୭ ଜଣ, ଜଗତସିଂହପୁର ଓ ସମ୍ୱଲପୁରରୁ ୧୪-୧୪ ଜଣ, ମୟୂରଭଞ୍ଜ, ରାୟଗଡା ଓ ସୁନ୍ଦରଗଡ଼ରୁ ୧୨-୧୨ ଜଣ, ବାଲେଶ୍ୱରରୁ ୧୦ ଜଣ, ଝାରସୁଗୁଡା, କେନ୍ଦ୍ରାପଡା ଓ ପୁରୀରୁ ୯-୯ ଜଣ, ଢେଙ୍କାନାଳରୁ ୮ ଜଣ, ଯାଜପୁରରୁ ୭ ଜଣ, ବଲାଙ୍ଗିରରୁ ୬ ଜଣ, ବୌଦ୍ଧରୁ ୫ ଜଣ, ଦେଓଗଡରୁ ୩ ଜଣ, ନବରଙ୍ଗପୁରରୁ ୨ ଜଣ ଏବଂ କୋରାପୁଟ ଓ ନୟାଗଡରୁ ଜଣେ ଲେଖାଁଏ ସଂକ୍ରମିତ ସୁସ୍ଥ ହୋଇଛନ୍ତି । 

Another 581 #COVID19 patients have recovered and are being discharged on 27.7.2020.

160 from Ganjam
77 from Khurdha
43 from Gajapati
34 from Cuttack
32 from Malkangiri
25 from Bargarh
23 from Bhadrak
19 from Keonjhar
17 from Angul
17 from Kandhamal

— H & FW Dept Odisha (@HFWOdisha) July 27, 2020

1 each from Koraput & Nayagarh

The total recovered cases of Odisha now stand at 17373.

— H & FW Dept Odisha (@HFWOdisha) July 27, 2020

ଅନ୍ୟପକ୍ଷେ ରାଜ୍ୟ ସରକାରଙ୍କ ଦ୍ୱାରା ସବିଶେଷ ତଥ୍ୟ ଅନୁସାରେ ଆଜି ସକାଳ ସୁଦ୍ଧା ରାଜ୍ୟରେ ମୋଟ ୨୬,୮୯୨ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏଥିରୁ ୧୪୭ ଜଣ କୋରୋନା ସଂକ୍ରମିତଙ୍କ ମୃତ୍ୟୁ ଘଟିଛି । ଏହାସହ କୋରୋନା ସଂକ୍ରମିତ ସହ ଅନ୍ୟ ରୋଗ ଯୋଗୁଁ ମୃତ୍ୟୁ ବରଣ କରିଥିବା ରୋଗୀଙ୍କ ସଂଖ୍ୟା ୩୪ରେ ପହଞ୍ଚିଛି । ୧୬,୭୯୩ ଜଣ କୋରୋନା ସଂକ୍ରମିତ ସୁସ୍ଥ ହୋଇଛନ୍ତି । ଏହା ବ୍ୟତୀତ ରାଜ୍ୟରେ ମୋଟ ୯,୯୧୮ ସଂକ୍ରିୟ କୋରୋନା ସଂକ୍ରମିତ ମାମଲା ରହିଛି ।