ଭଲ ଖବର: ରାଜ୍ୟରେ ସୁସ୍ଥ ହେଲେ ଆଉ ୪୦୦ ସଂକ୍ରମିତ

ଭୁବନେଶ୍ୱର: ରାଜ୍ୟରେ ବଢ଼ି ବଢ଼ି ଚାଲିଛି କୋରୋନା ସଂକ୍ରମିତଙ୍କ ସଂଖ୍ୟା । ଫଳରେ ରାଜ୍ୟରେ କୋରୋନା ସଙ୍କଟ ଦେଖାଦେଇଛି । ପ୍ରତିଦିନ ୫୦୦ରୁ ଅଧିକ ସଂକ୍ରମିତ ଚିହ୍ନଟ ହେଉଛନ୍ତି । ଅନ୍ୟପକ୍ଷେ ଏକ ଆଶ୍ୱସ୍ତିକର ଖବର ଏହା ଯେ, ରାଜ୍ୟରେ ସଂକ୍ରମିତଙ୍କ ସୁସ୍ଥ ହାରରେ ଲଗାତର ସୁଧାର ଆସୁଛି । ଏହି କ୍ରମରେ ଆଜି(ମଙ୍ଗଳବାର) ରାଜ୍ୟରେ ଆଉ ୪୦୦ ସଂକ୍ରମିତ ସୁସ୍ଥ ହୋଇଛନ୍ତି । ଫଳରେ ରାଜ୍ୟରେ ବର୍ତ୍ତମାନ ପର୍ଯ୍ୟନ୍ତ ୧୩,୩୦୯ ସଂକ୍ରମିତ ସୁସ୍ଥ ହୋଇ ଘରକୁ ଫେରିଛନ୍ତି । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ତରଫରୁ ଟ୍ୱିଟ୍ କରି ସୂଚନା ପ୍ରଦାନ କରାଯାଇଛି । 

ସୂଚନାଯୋଗ୍ୟ, ଆଜି ଗଞ୍ଜାମରୁ ୧୩୭ ଜଣ, କଟକରୁ ୫୮ ଜଣ, ଖୋର୍ଦ୍ଧାରୁ ୪୬ ଜଣ, କୋରାପୁଟରୁ ୪୧ ଜଣ, ଯାଜପୁରରୁ ୩୭ ଜଣ, କେନ୍ଦୁଝରରୁ ୧୪ ଜଣ, କେନ୍ଦ୍ରାପଡାରୁ ୧୦ ଜଣ, ମୟୂରଭଞ୍ଜରୁ ୯ ଜଣ, ନୟାଗଡରୁ ୭ ଜଣ, ସୁନ୍ଦରଗଡରୁ ୭ ଜଣ, ବରଗଡରୁ ୫ ଜଣ, ଜଗତସିଂହପୁରରୁ ୫ ଜଣ, ସୁବର୍ଣ୍ଣପୁରରୁ ୫ ଜଣ, ଅନୁଗୋଳ, କଳାହାଣ୍ଡି ଏବଂ ପୁରୀରୁ ୪-୪ ଜଣ, ବୌଦ୍ଧରୁ ୩ ଜଣ, ଭଦ୍ରକରୁ ୨ ଜଣ ଏବଂ ରାୟଗଡା ଓ ସମ୍ୱଲପୁରରୁ ଜଣେ ଲେଖାଁଏ ସଂକ୍ରମିତ ସୁସ୍ଥ ହୋଇଛନ୍ତି । 

5 from Jagatsinghpur
5 from Sonepur
4 each from Angul, Kalahandi & Puri
3 from Boudh
2 from Bhadrak
1 each from Rayagada & Sambalpur

The total recovered cases of #Odisha now stand at 13309.

— H & FW Dept Odisha (@HFWOdisha) July 21, 2020

ଅନ୍ୟପକ୍ଷେ ରାଜ୍ୟ ସରକାରଙ୍କ ଦ୍ୱାରା ସବିଶେଷ ତଥ୍ୟ ଅନୁସାରେ ଆଜି ସକାଳ ସୁଦ୍ଧା ରାଜ୍ୟରେ ମୋଟ ୧୮,୭୫୭ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏଥିରୁ ୧୦୩ ଜଣ କୋରୋନା ସଂକ୍ରମିତଙ୍କ ମୃତ୍ୟୁ ଘଟିଛି । ଏହାସହ କୋରୋନା ସଂକ୍ରମିତ ସହ ଅନ୍ୟ ରୋଗ ଯୋଗୁଁ ମୃତ୍ୟୁ ବରଣ କରିଥିବା ରୋଗୀଙ୍କ ସଂଖ୍ୟା ୩୦ରେ ପହଞ୍ଚିଛି । ୧୨,୯୦୯ ଜଣ କୋରୋନା ସଂକ୍ରମିତ ସୁସ୍ଥ ହୋଇଛନ୍ତି । ଏହା ବ୍ୟତୀତ ରାଜ୍ୟରେ ମୋଟ ୫,୭୧୫ ସଂକ୍ରିୟ କୋରୋନା ସଂକ୍ରମିତ ମାମଲା ରହିଛି ।