ଚେଇଁ ଉଠିଲା ବିଏମସି, ଯାଞ୍ଚ କଲା ବିଭିନ୍ନ ଘରୋଇ ହସ୍ପିଟାଲ

ଶାନ୍ତସ୍ୱରୂପ ରାଉତ, ଭୁବନେଶ୍ୱର: ଚେଇଁ ଉଠିଲା ବିଏମସି । ଭୁବନେଶ୍ବରରେ ଆଗଧାଡିର କୋରୋନା ଯୋଦ୍ଧାଙ୍କୁ କୋରୋନା ସଂକ୍ରମଣ ପରେ ଆଜି ବିଭିନ୍ନ ଘରୋଇ ହସ୍ପିଟାଲ ଯାଞ୍ଚ କରିଛି ବିଏମସି । ଏକାବେଳେ ରାଜଧାନୀ ସ୍ଥିତ ବ୍ଲୁ ହ୍ଲିଲ୍ ମଡିକାଲରୁ ୧୭ ଜଣ ହସ୍ପିଟାଲ କର୍ମଚାରୀ କୋରୋନା ସଂକ୍ରମଣ ହେବା ପରେ ଗତକାଲି ସିଲ୍ କରିଥିଲା ଭୁବନେଶ୍ୱର ମହାନଗର ନିଗମ । ଏହାପରେ ଆଜି ଭୁବନେଶ୍ୱରର ତିନୋଟି ଜୋନରେ ବିଏମସି, ବିଡିଏ ଓ ସ୍ମାର୍ଟ ସିଟି ପକ୍ଷରୁ ସ୍କ୍ବାର୍ଡ ଗଠନ କରି ହସ୍ପିଟାଲ ଗୁଡିକୁ ଯାଞ୍ଚ କରାଯାଇଛି ।

କୋଭିଡ ୧୯ ଗାଇଡଲାଇନ ସହ ବିଏମସି ପକ୍ଷରୁ ଜାରି ଏସଓପି ସଠିକ ଭାବେ ପାଳନ ହେଉଛି କି ନାହିଁ ସେସବୁର ତଦାରଖ କରିଛି ସ୍କ୍ବାର୍ଡ୍ । ବୌଷୟିକ ଓ ମେଡିକାଲ ବିଶେଷଜ୍ଞ ଭାବେ ଦୁଇଟି ଟିମ୍ କରି ପର୍ଯ୍ୟାୟକ୍ରମେ ବିଭିନ୍ନ ଘରୋଇ ହସ୍ପିଟାଲକୁ ଯାଞ୍ଚ କରାଯାଇଛି । ତେବେ ଆବଶ୍ୟକୀୟ ନିର୍ଦ୍ଦେଶନାମା ଉଂଲଘନ ହେଲେ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଏମସି ପକ୍ଷରୁ କୁହାଯାଇଛି ।