କୋରୋନା ପାଇଁ ୩୦ ପ୍ରତିଶତ କମିବ ସିଲାବସ୍

ଭୁବନେଶ୍ୱର: ସମଗ୍ର ବିଶ୍ୱ ସମେତ ଭାରତରେ କୋରୋନା ଯୋଗୁଙ୍କ ସଙ୍କଟ ବଢ଼ି ବଢ଼ି ଚାଲିଛି । ପ୍ରତିଦିନ କୋରୋନା ମାମଲାରେ ଦ୍ରୁତ ବୃଦ୍ଧି ରେକର୍ଡ କରାଯାଉଛି । ଏହି ସମୟରେ ପ୍ରତ୍ୟେକ୍ଷ କ୍ଷେତ୍ର ପ୍ରଭାବିତ ହେଉଛି । କୋରୋନା ସଙ୍କଟର ପ୍ରଭାବ ଶିକ୍ଷା କ୍ଷେତ୍ର ଉପରେ ମଧ୍ୟ ପଡ଼ିଛି । ବର୍ତ୍ତମାନ ସମୟରେ ଶିକ୍ଷାନୁଷ୍ଠାନ ବନ୍ଦ ରହିଛି । ଏହି ସମୟରେ କୋରୋନା ପାଇଁ ୩୦ ପ୍ରତିଶତ ସିଲାବସ୍ କମିବ । CBSE ଓ NCERT ପାଠ୍ୟକ୍ରମ, ନବମରୁ ଦ୍ୱାଦଶ ଶ୍ରେଣୀ ଯାଏ ପିଲାଙ୍କ ସିଲାବସ୍‌ କମାଇବାକୁ ନିଷ୍ପତ୍ତି ନେଇଛି ସିବିଏସଇ ବୋର୍ଡ଼ । ଶିକ୍ଷକ, ଅଭିଭାବକ ଓ ଶିକ୍ଷାବିତଙ୍କ ପରାମର୍ଶ କ୍ରମେ ଏହି ନିଷ୍ପତ୍ତି ନିଆଯାଇଛି ।

ଯେଉଁ ବିଷୟ ଅନ୍ୟ ଅଧ୍ୟାୟରେ ଦୋହରାଯାଇଛି, ତାକୁ ବାଦ୍‌ ଦିଆଯାଇଛି । ଏହାସହ ବାଦ୍ ଦିଆଯାଇଥିବା ଟପିକ୍ ଅନ୍ୟ ବିଷୟରେ ଲିଙ୍କ୍ ଥିଲେ ପଢାଯିବ । କୋରୋନା କଟକଣା ହେତୁ ଶିକ୍ଷାନୁଷ୍ଠାନ ବନ୍ଦ ଯୋଗୁଁ କ୍ଲାସ ରୁମ୍ ପାଠପଢ଼ାରୁ ବଂଚିତ ହେଉଛନ୍ତି ଛାତ୍ରଛାତ୍ରୀ । ଯାହା ଦ୍ୱାରା ୨୦୨୦-୨୧ର ପାଠପଢ଼ା ବ୍ୟାହତ ହୋଇଥିବାରୁ ଏହି ନିଷ୍ପତ୍ତି ନିଆଯାଇଛି ।