ବଢୁଛି ଛାତ୍ରଛାତ୍ରୀଙ୍କ ପରୀକ୍ଷା ଚିନ୍ତା, କାଲି ଘୋଷଣା ହୋଇପାରେ ନିଷ୍ପତ୍ତି

ଶାନ୍ତସ୍ୱରୂପ ରାଉତ, ଭୁବନେଶ୍ୱର: ବଢୁଛି ଛାତ୍ରଛାତ୍ରୀଙ୍କ ପରୀକ୍ଷା ଚିନ୍ତା, କାଲି ଘୋଷଣା ହୋଇପାରେ ନିଷ୍ପତ୍ତି । ବଳକା ଯୁକ୍ତ ଦୁଇ ପରୀକ୍ଷାକୁ ନେଇ ଏବେବି ସସପେନ୍ସ ଜାରି ରହିଛି । ପରୀକ୍ଷା ହେବ କି ନାହିଁ, ଯଦି ହେବ ତାହାଲେ କେବେ ଆଉ ଯଦି ନ ହବେ ତେବେ କିପରି ମୂଲ୍ୟାୟନ ହେବ ଏବଂ  ଫଳ ପ୍ରକାଶ ପାଇବା ତାହା ଏବେବି ସନ୍ଦେହ ଘେରରେ ରହିଛି । ଆଜି ଏନେଇ ଗଣଶିକ୍ଷା ମନ୍ତ୍ରୀଙ୍କ ଅଧ୍ୟକ୍ଷତାରେ ଲୋକସେବା ଭବନରେ ଗୁରୁତ୍ବପୂର୍ଣ୍ଣ ବୌଠକ ବସିଥିଲେ ସୁଦ୍ଧା କୌଣସି ନିଷ୍ପତ୍ତି ଘୋଷଣା କରାଯାଇନାହିଁ । ଯାହାକୁ ନେଇ ଛାତ୍ରଛାତ୍ରୀ ମାନଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଛି ।

ପୂର୍ବ ଘୋଷଣା ମୁତାବକ ଜୁଲାଇ ପ୍ରଥମ ସପ୍ତାହରୁ ବଳକା ପରୀକ୍ଷା ହେବାକୁ ସ୍ଥିର ହୋଇଥିବା ବେଳେ ଏବେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରେ ଅଟକିଯାଇଛି । ସେପଟେ ସିବିଏସଇ ଓ ଆଇସିଏସଇ ପକ୍ଷରୁ ପରୀକ୍ଷା ବାତିଲ ପରେ ସିଏଚଏସଇ ଦ୍ୱାରା ପରିଚାଳିତ ଯୁକ୍ତ ଦୁଇ ବାର୍ଷିକ ପରୀକ୍ଷା ଅନୁଷ୍ଠିତ ହେବା ନ ହେବା ନେଇ ସନ୍ଦେହ ବଢିଛି ।  ତେବେ ଏନେଇ ଆସନ୍ତାକାଲି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯିବାର ସମ୍ଭାବନା ଥିବା ବିଶେଷ ସୂତ୍ରରୁ ପ୍ରକାଶ ପାଇଛି ।

Add Zee News as a Preferred Source