ପ୍ରତ୍ୟେକ ପରୀକ୍ଷା କେନ୍ଦ୍ରରେ ଏକା ସାଙ୍ଗରେ କେତେ ପରୀକ୍ଷାର୍ଥୀ ବସି ପରୀକ୍ଷା ଦେଇ ପାରିବେ ତାହାର ଡାଟା ପ୍ରସ୍ତୁତ କରି ୧୮ ତାରିଖ ସୁଦ୍ଧା କାଉନସିଲକୁ ଦେବାକୁ ଚିଠି କରିଛି ସିଏଚଏସଇ ।
Trending Photos
ଶାନ୍ତସ୍ୱରୂପ ରାଉତ, ଭୁବନେଶ୍ୱର: ଯୁକ୍ତ ଦୁଇ ବଳକା ପରୀକ୍ଷା ଚିନ୍ତା। ପରୀକ୍ଷା କେନ୍ଦ୍ର ସୁପରିଟେଣ୍ଡେଣ୍ଟକୁ ଡାଟା ମାଗିଲା ସିଏଚଏସଇ । ପ୍ରତ୍ୟେକ ପରୀକ୍ଷା କେନ୍ଦ୍ରରେ ଏକା ସାଙ୍ଗରେ କେତେ ପରୀକ୍ଷାର୍ଥୀ ବସି ପରୀକ୍ଷା ଦେଇ ପାରିବେ ତାହାର ଡାଟା ପ୍ରସ୍ତୁତ କରି ୧୮ ତାରିଖ ସୁଦ୍ଧା କାଉନସିଲକୁ ଦେବାକୁ ଚିଠି କରିଛି ସିଏଚଏସଇ ।
ଶ୍ରେଣୀଗୃହ ବ୍ୟତୀତ ରିଡିଙ୍ଗ ରୁମ, କମନ ରୁମକୁ ମଧ୍ୟ ପରୀକ୍ଷା ହଲ ଭାବେ ଗଣା ଯାଇପାରିବ । ଏପରିକି ନିଜ କଲେଜ ପରିସରରେ ଥିବା ହଷ୍ଟେଲକୁ ମଧ୍ୟ ଏଠି ପାଇଁ ବ୍ୟବହାର କରିହେବ । ଯଦି ନିଜ କେନ୍ଦ୍ରରେ ଆବଶ୍ୟକୀୟ ସ୍ଥାନ ନହୁଏ ତେବେ ନିକଟସ୍ଥ ହାଇଅର ସେକେଣ୍ଡାରୀ ସ୍କୁଲ କିମ୍ବା କଲେଜରେ ପରୀକ୍ଷା ପାଇଁ ବ୍ୟବସ୍ଥା କରିହେବ । ସମସ୍ତ ତଥ୍ୟ କାଉନସିଲ ରେ ଦାଖଲ କରିବାକୁ କୁହାଯାଇଛି । ଚଳିତବର୍ଷ ଯୁକ୍ତ ୨ର ଉଭୟ କଳା, ବାଣିଜ୍ୟ, ବିଜ୍ଞାନ ଓ ଧନ୍ଦାମୂଳକ ବିଷୟର ପରୀକ୍ଷା ବାକି ରହିଥିବା ବେଳେ ଏହାକୁ ସିଏଚଏସଇ କରିବାକୁ ଯୋଜନା କରୁଛି ।