ବଗଲା ଜମି ବିକ୍ରିରେ ଦୁର୍ନୀତି ହୋଇଥିବାର ଅଭିଯୋଗ ଆଣିଲା କଂଗ୍ରେସ, ସରକାରଙ୍କଠୁ ମାଗିଲା ଉତ୍ତର

ଜମି ବିକିବା ପାଇଁ କିଏ ଅନୁମତି ଦେଲା ବୋଲି ପ୍ରଶ୍ନ ଉଠାଇଛି କଂଗ୍ରେସ ।

ମଳୟ ରଞ୍ଜନ ମହାନ୍ତି, ଭୁବନେଶ୍ୱର: ବଗଲା ଧର୍ମଶାଳା ଜମି ବିକ୍ରି ଏକ ସ୍କାମ ବା ଘୋଟଲା ବୋଲି କଂଗ୍ରେସ ଅଭିଯୋଗ କରିଛି । ଏହି ଜମି ହଡପ କରିବା ପାଇଁ ହୋଇଛି ଷଡଯନ୍ତ୍ର। ପୁରୀ ପୌରପାଳିକା ୨୦୧୯ ଅକ୍ଟୋବର 5 ତାରିଖରେ ନଗର ଉନ୍ନୟନ ବିଭାଗକୁ  ଚିଠି ଲେଖିଛି ବଗଲା ଧର୍ମଶାଳାର ଜମିକୁ ପୁରୀ ରାଜସ୍ୱ ବିଭାଗକୁ ଅଭଡ଼ା ଯୋଜନା ଲାଗି  ଦିଆଯିବ । କିଭଳି ଭାବେ ଦିଆଯିବ ସେଥିଲାଗି ସର୍ତ୍ତାବଳୀ (Term Condition) ତିଆରି କରାଯିବ। ସର୍ତ୍ତାବଳୀ ତିଆରି ନକରି କେମିତି ଜମି ବିକାଯାଇଛି ବୋଲି କଂଗ୍ରେସ ପ୍ରଶ୍ନ କରିଛି । 

ଏହି ଜମି ରାଜସ୍ୱ ବିଭାଗକୁ ଦେବାକୁ ହେଲେ ଚିଠିରେ ରାଜସ୍ୱ ବିଭାଗକୁ ଯାଇପାରିବ ନାହିଁ ଏଥି ପାଇଁ ବିଧାନସଭାର ଅନୁମତି ଦରକାର। ଜଣେ ଅଫିସର ଚିଠି ଲେଖି ନେଇପାରିବେ ନାହିଁ । ଅଭଡ଼ା ସ୍କିମକୁ କାର୍ଯ୍ୟକାରୀ କରିବାକୁ ଜିଲ୍ଲାପାଳ ଦାୟିତ୍ୱ କଥା କୁହାଯାଇଛି । ପୌରପାଳିକାରୁ ଜିଲା ପ୍ରଶାସନକୁ କେମିତି ଦିଆଯିବ ସେଥିପାଇଁ ସର୍ତ୍ତାବଳୀ ତିଆରି କରିବାପରେ ଏହି ଜମି ଦିଆଯିବ । ଜିଲାପାଳଙ୍କୁ ରକ୍ଷଣବେକ୍ଷଣ ପାଇଁ ଦିଆଯାଇଛି । ବିକିବା ପାଇଁ ଦିଆଯାଇନି ବୋଲି କଂଗ୍ରେସ କହିଛି । ଜମି ମାଲିକାନା ସ୍ୱତ୍ୱ ନାହିଁ କେମିତି ବିକିଲେ ଜିଲ୍ଲାପାଳ ବୋଲି ପ୍ରଶ୍ନ କରିଛି ଦଳ । 

ପୁରୀ ଲୋକ ବିସ୍ଥାପିତ ହୋଇନାହାଁନ୍ତି। ସୋସିଆଲ ଇମପ୍ୟାକ୍ଟ ଆସେସମେଣ୍ଟ କରାଯାଇଛି କି ନାହିଁ । ତାହା ସ୍ପଷ୍ଟ କରନ୍ତୁ । କିଛି ନକରି ଜମି କିଣିନେଲେ । ପୁରୀର ଶତାଧିକ ଲୋକଙ୍କୁ ଭୁଆଁ ବୁଲେଇଲେ । ଯେଉଁ ମାନେ ଜମି ବିକିଛନ୍ତି ସେମାନେ ଭୂମିହରା ନୁହଁନ୍ତି । ତାଙ୍କୁ କେମିତି ଜମି ଦେବେ । ଜମି ବାଣ୍ଟିବା ପାଇଁ ନଗର ଉନ୍ନୟନ ବିଭାଗର ସର୍ତ୍ତାବଳୀ ଦେଖେଇବା ପାଇଁ ଦାବି କଲା କଂଗ୍ରେସ । ଜିଲ୍ଲାପାଳ ଏଜେଣ୍ଟ ଭଳି କାମ କରିଛନ୍ତି ।  ଜମି ବିକିବା ପାଇଁ କିଏ ଅନୁମତି ଦେଲା । 

ସରକାର ୨୪ ଘଣ୍ଟା ଭିତରେ ଉତ୍ତର ରଖନ୍ତୁ ବୋଲି ସାମ୍ବାଦିକ ସମ୍ମିଳନୀରେ ଦାବି କରିଛି କଂଗ୍ରେସ । ଅନ୍ୟପକ୍ଷରେ ରାଜସ୍ୱ ମନ୍ତ୍ରୀ ଏ ପ୍ରସଙ୍ଗକୁ ଏଡାଇ ଯାଇଛନ୍ତି । ଜିଲ୍ଲାପାଳ ଏ ପ୍ରସଙ୍ଗରେ ଉତ୍ତର ରଖିଥିବାରୁ ଆଉ କିଛି କହିବାର ନାହିଁ ବୋଲି ରାଜସ୍ୱ ମନ୍ତ୍ରୀ କହିଛନ୍ତି । କଂଗ୍ରେସର ସାମ୍ବାଦିକ ସମ୍ମିଳନୀରେ ସତ୍ୟପ୍ରକାଶ ନାୟକଙ୍କ ସମେତ ଜ୍ଞାନଦେଵ ବେଉରା, ପ୍ରଶାନ୍ତ ଶତପଥି, ରଜନୀ ମହାନ୍ତି ଓ ମନୋରଞ୍ଜନ ଦାସ ପ୍ରମୁଖ ଉପସ୍ଥିତ ଥିଲେ।