ପରିବେଶର ସୁରକ୍ଷା ନିମନ୍ତେ ସ୍କ୍ରାପ୍ ଅପସାରଣ କ୍ଷେତ୍ରରେ ପୂର୍ବ ତଟ ରେଳପଥର ଅଗ୍ରଣୀ ଭୂମିକା

ଶାନ୍ତସ୍ୱରୂପ ରାଉତ, ଭୁବନେଶ୍ୱର: କଳକବଜା, ଯନ୍ତ୍ରପାତି ଓ  ଅନ୍ୟାନ୍ୟ ଉପକରଣ ସହ ଜଡିତ ଶିଳ୍ପ ସଂସ୍ଥାଙ୍କରୁ ସ୍କ୍ରାପର ଉତ୍ପତି ହୋଇଥାଏ । ଏହି ଉପକରଣ ଗୁଡିକର କାର୍ଯ୍ୟ କ୍ଷମତା ସମାପ୍ତ ହେବା ପରେ ଉତ୍ତମ କାର୍ଯ୍ୟ ଦକ୍ଷତା ତଥା ସୁରକ୍ଷା ପାଇଁ ସେଗୁଡିକୁ ପରିବର୍ତ୍ତନ କରିଦିଆ ଯାଇଥାଏ । ସ୍କ୍ରାପକୁ  ଯଥା ସମୟରେ ଅପସାରଣ କରିଦେବା ଉଚିତ । ଯଦ୍ୱାରା ଏଗୁଡ଼ିକୁ ରିସାଇକ୍ଳିଙ୍ଗ୍ କରାଯାଇ ଅନ୍ୟ କୌଣସି ବ୍ୟବହାରଯୋଗ୍ୟ ବସ୍ତୁରେ ରୂପାନ୍ତରଣ କରାଯାଇପାରିବ । ଏହାଦ୍ୱାରା ମଧ୍ୟ ପରିବେଶ ନିର୍ମଳ ଓ ସ୍ୟାସ୍ଥ୍ୟକର ହେବା ସମ୍ଭବ ହୋଇଥାଏ ।

ପୂର୍ବ ତଟ ରେଳପଥ ଯଥା ସମୟରେ ସ୍କ୍ରାପ ଅପସାରଣ କରିବାରେ ସକ୍ରିୟ ପଦକ୍ଷେପ ନେଇ ଆସିଛି । ଲକଡାଉନ ଉଠି ଯିବା ପରେ ଜୁନ ୨୦୨୦ରେ ପୂର୍ବ ତଟ ରେଳପଥ ଦ୍ୱାରା ସ୍କ୍ରାପ୍ ଅପସାରଣ  ପ୍ରକ୍ରିୟା ଇ-ନିଲାମ ମାଧ୍ୟମରେ ପୁନଃ ଆରମ୍ଭ କରାଯାଇଛି । ପୂର୍ବ ତଟ ରେଳପଥ ଦ୍ୱାରା ସମସ୍ତ ଡିଭିଜନରେ ସମୁଦାୟ ୧୧ଟି ଇ-ନିଲାମ ଅନୁଷ୍ଠିତ ହୋଇଯାଇଛି । ଜୁଲାଇ ୨୦୨୦ରେ ମଧ୍ୟ ଆଜି ପର୍ଯ୍ୟନ୍ତ ୬ଟି ଇ-ନିଲାମ ଅନୁଷ୍ଠିତ ହୋଇ ସାରିଲାଣି ।

ପୂର୍ବ ତଟ ରେଳପଥରେ ଇ-ନିଲାମ ପ୍ରକ୍ରିୟା ସମ୍ପୂର୍ଣ ରୂପେ ଅନଲାଇନ ପଦ୍ଧତିରେ କରାଯାଇଥାଏ । ୨୦୦୩ ମସିହାରୁ ପୂର୍ବ ତଟ ରେଳପଥର ସାମଗ୍ରୀ ପରିଚାଳନା ବିଭାଗ ଦ୍ୱାରା ଏହାର ଉତ୍ସର୍ଗୀକୃତ IREPS(ଭାରତୀୟ ରେଳ ଇ ପ୍ରୋକ୍ୟୁରମେଣ୍ଟ  ସିଷ୍ଟମ ) ପୋର୍ଟାଲ ମାଧ୍ୟମରେ ଇ-ନିଲାମ  ପ୍ରକ୍ରିୟା ଅନୁଷ୍ଠିତ ହୋଇ ଆସୁଅଛି । ଯାହାକି ସ୍କ୍ରାପ ସାମଗ୍ରୀ ଅପସାରଣ କରିବାର ଏକ ସ୍ୱଚ୍ଛ ପ୍ରଣାଳୀ  ଏବଂ ଏହା ଦ୍ୱାରା ଏକ ନିର୍ମଳ ପଦ୍ଧତି ତଥା କୌଣସି ବ୍ୟକ୍ତିଗତ ହସ୍ତକ୍ଷେପ ବିନା ସମସ୍ତ ବିଡର ସମାନ ଭାବେ ସୁଯୋଗ ପାଇପାରନ୍ତି । ଏହି ପୋର୍ଟାଲରେ ଏପର୍ଯ୍ୟନ୍ତ ୩୭୦୦ରୁ ଅଧିକ ଭେଣ୍ଡର ରେଜିଷ୍ଟ୍ରିଭୁକ୍ତ ହେଇ ସାରିଛନ୍ତି । 

ଏହି ଇ-ନିଲାମ ପ୍ରଣାଳୀରେ  IREPS ପ୍ଲାଟଫର୍ମରେ ଅନଲାଇନ ମାଧ୍ୟମରେ ଲଟ୍ ଗୁଡିକର ବିବରଣୀ ପ୍ରକାଶିତ କରାଯାଇଥାଏ  ।  ବିଡର ମାନଙ୍କୁ  ଅନଲାଇନ ମାଧ୍ୟମରେ ବିଡ କରିବା ପାଇଁ ଅନୁମତି ଦିଆଯାଇଥାଏ । ଯଦି ସବୁଠାରୁ ଅଧିକ ଉଚ୍ଚଦରରେ ଆସିଥିବା ବିଡ଼ ପୂର୍ବରୁ  ନିର୍ଦ୍ଧାରିତ ଥିବା ମୂଲ୍ୟ ଠାରୁ ଅଧିକ ହୋଇଥାଏ ।  ତେବେ ସେଇ ବିଡ଼କୁ ସିଷ୍ଟମ ଗ୍ରହଣ କରି ଦେଇଥାଏ । ସମ୍ପୃକ୍ତ  ଅଂଶଗ୍ରହଣକାରୀଙ୍କୁ ଲଟଟି ବିକ୍ରୟ କରାଗଲା ବୋଲି ଘୋଷଣା କରାଯାଇଥାଏ । ସମଗ୍ର ପ୍ରକ୍ରିୟା  ଅନଲାଇନରେ ସମ୍ପନ୍ନ ହୋଇଥାଏ । କୌଣସି ବ୍ୟକ୍ତିଗତ ହସ୍ତକ୍ଷେପ ବିନା ।  

ଗତ ଆର୍ଥିକ ବର୍ଷରେ ପୂର୍ବ ତଟ ରେଳ ପଥ କରିଥିବା ସ୍କ୍ରାପ୍ ଅପସାରଣର ପରିମାଣ ଭାରତୀୟ ରେଳ ଦ୍ୱାରା ଧାର୍ଯ୍ୟ କରାଯାଇଥିବା ଲକ୍ଷ୍ୟ ଠାରୁ ୩୪% ଅଧିକ । ସମଗ୍ର ଜୋନକୁ ସ୍କ୍ରାପ ମୁକ୍ତ ଓ ପରିବେଶ ଅନୁକୂଳ କରିବାର ଏକ ଭରପୁର ପ୍ରୟାସ ଦ୍ୱାରା, ଏହା ପୂର୍ବରୁ ହୋଇଥିବା ସ୍କ୍ରାପ ବିକ୍ରୟ ସବୁଠାରୁ ଅଧିକ । ଏହି ପ୍ରକ୍ରିୟା ଏଇ ବର୍ଷ ମଧ୍ୟ  ସମୁଚିତ ରୂପେ ଜାରି ରଖାଯିବ ।