ଭଲ ଖବର: ରାଜ୍ୟରେ ପୁଣି ସୁସ୍ଥ ହେଲେ ୪୦୧ କୋରୋନା ଆକ୍ରାନ୍ତ

ଭୁବନେଶ୍ୱର: ସମଗ୍ର ରାଜ୍ୟରେ କ୍ରମାଗତ କୋରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ପ୍ରତିଦିନ କୋରୋନା ମାମଲାରେ ଶହ ଶହ ସଂଖ୍ୟାରେ ବୃଦ୍ଧି ଘଟୁଛି । ଏହାସହ ରାଜ୍ୟରେ କୋରୋନା ନଜିତ ମୃତ୍ୟୁ ସଂଖ୍ୟା ବଢ଼ିବାରେ ଲାଗିଛି । ଏହି ସମୟରେ ଏକ ଆଶ୍ୱସ୍ତିକର ଖବର ସାମ୍ନାକୁ ଆସିଛି । ଆଜି(ଗୁରୁବାର) ରାଜ୍ୟରେ ଆଉ ୪୦୧ କୋରୋନା ସଂକ୍ରମିତ ସୁସ୍ଥ ହୋଇଛନ୍ତି । ଯାହା ପରେ ରାଜ୍ୟରେ ବର୍ତ୍ତମାନ ପର୍ଯ୍ୟନ୍ତ ୧୦,୮୭୭ କୋରୋନା ସଂକ୍ରମିତ ଏହି ମହାମାରୀକୁ ମାତ୍ ଦେବାରେ ସଫଳ ହୋଇଛନ୍ତି । ଏନେଇ ରାଜ୍ୟ ସ୍ୱାସ୍ଥ୍ୟ ତଥା ପରିବାର କଲ୍ୟାଣ ବିଭାଗ ତରଫରୁ ଟ୍ୱିଟ୍ କରି ସୂଚନା ପ୍ରଦାନ କରାଯାଇଛି । 

7 from Sonepur
6 from Bargarh
5 from Sambalpur
5 from Kendrapara
4 from Dhenkanal
3 each from Bhadrak & Balasore
2 from Cuttack
1 from Puri

The total recovered cases of #Odisha now stand at 10877.

— H & FW Dept Odisha (@HFWOdisha) July 16, 2020

ସୂଚନାଯୋଗ୍ୟ, ଆଜି ଯାଜପୁରରୁ ୯୮ ଜଣ, ଗଞ୍ଜାମରୁ ୮୪ ଜଣ, ସୁନ୍ଦରଗଡ଼ରୁ ୪୬ ଜଣ, ଗଜପତିରୁ ୩୬ ଜଣ, ଝାରସୁଗୁଡାରୁ ୩୦ ଜଣ, କେନ୍ଦୁଝରରୁ ୧୭ ଜଣ, ମାଲକାନଗିରିରୁ ୧୭ ଜଣ, ଜଗତସିଂହପୁରରୁ ୧୭ ଜଣ, ଖୋର୍ଦ୍ଧାରୁ ୧୨ ଜଣ, ଅନୁଗୋଳରୁ ୮ ଜଣ, ସୋନପୁରରୁ ୭ ଜଣ, ବରଗଡରୁ ୬ ଜଣ, ସମ୍ୱଲପୁରରୁ ୫ ଜଣ, କେନ୍ଦ୍ରାପଡାରୁ ୫ ଜଣ, ଢେଙ୍କାନାଲରୁ ୪ ଜଣ, ଭଦ୍ରକ ଓ ବାଲେଶ୍ୱରରୁ ୩ ଜଣ, କଟକରୁ ୨ ଜଣ ଏବଂ ପୁରୀରୁ ଜଣେ ସଂକ୍ରମିତ ସୁସ୍ଥ ହୋଇଛନ୍ତି ।

ଅନ୍ୟପକ୍ଷେ ରାଜ୍ୟ ସରକାରଙ୍କ ଦ୍ୱାରା ସବିଶେଷ ତଥ୍ୟ ଅନୁସାରେ, ଆଜି(ଗୁରୁବାର) ସକାଳ ଯାଏ ରାଜ୍ୟରେ ମୋଟ ୧୫,୩୯୨ କୋରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଏଥିରୁ ୭୯ ଜଣ କୋରୋନା ସଂକ୍ରମିତଙ୍କ ମୃତ୍ୟୁ ଘଟିଛି । ଏହାସହ କୋରୋନା ସଂକ୍ରମିତ ସହ ଅନ୍ୟ ରୋଗ ଯୋଗୁଁ ମୃତ୍ୟୁ ବରଣ କରିଥିବା ରୋଗୀଙ୍କ ସଂଖ୍ୟା ୨୪ରେ ପହଞ୍ଚିଛି । ୧୦,୪୭୬ ଜଣ କୋରୋନା ସଂକ୍ରମିତ ସୁସ୍ଥ ହୋଇଛନ୍ତି । ଏହା ବ୍ୟତୀତ ରାଜ୍ୟରେ ମୋଟ ୪,୮୧୩ ସଂକ୍ରିୟ କୋରୋନା ସଂକ୍ରମିତ ମାମଲା ରହିଛି ।