ମାରିଆ ବ୍ରନିୟାସ; ଶତାୟୁ ମହିଳାଙ୍କ କୋରୋନା ବିଜୟ

ଜିନୁ ଜେନା(ଭୁବନେଶ୍ୱର): ଜୈନିକା ୧୧୩ ବୃଦ୍ଧା ସ୍ପେନର ବୟଜ୍ୟେଷ୍ଠ ବୋଲି ବିଶ୍ୱାସ କରାଯାଏ । ହେଲେ ଏ ବୟସରେ ସେ କୋରୋନା ସହ ଯୁଝି ବିଜୟିନୀ ହୋଇଛନ୍ତି । ଏନେଇ ତଥ୍ୟ ଦେଇଛନ୍ତି ସ୍ପେନ ସରକାରୀ ଅଧିକାରୀ । ମାର୍ଚ୍ଚ ମାସରେ ଯେତେବେଳେ ସମଗ୍ର ସ୍ପେନରେ ଲକଡାଉନ୍ ଜାରି ରହିଥିଲା ସେତେବେଳେ ମାରିଆ ବ୍ରନିୟାସ କୋଭିଡ୍ ୧୯ରେ ସଂକ୍ରମିତ ହୋଇଥିଲେ । କିନ୍ତୁ ସୌଭାଗ୍ୟର କଥା କିଛି ସପ୍ତାହ ଏକାନ୍ତବାସରେ ରହିବା ପରେ ସେ ଆରୋଗ୍ୟ ହୋଇଥିଲେ । ପରେ ତାଙ୍କ ନିକଟକେ ଯାହା କିଛି ସାମାନ୍ୟ କୋରନା ଲକ୍ଷଣ ରହିଥିଲା । ଜଣାପଡ଼ିଛି କି ଏହି ବୟସ୍କା ମହିଳା ଜଣକ ସ୍ପେନ ମହାମାରୀ ୧୯୧୮-୧୯ ଏବଂ ୧୯୩୬-୩୯ ସ୍ପେନୀୟ ସିଭିଲ୍ ୱାର ଏବଂ ପରିଶେଷରେ କୋରନାକୁ ହରାଇବାରେ ସକ୍ଷମ ହୋଇଛନ୍ତି ।

ଏବେ ସେ ପୂରା ସୁସ୍ଥ ଅଛନ୍ତି । ସେ ସୁନ୍ଦର ଜୀବନ ଜିଉଁଛନ୍ତି । ସେ ଆଗଭଳି କଥାବାର୍ତ୍ତା କରୁଛନ୍ତି । ଆଗଭଳି ନିଜ ଜୀବନକୁ ନେଇ ସକ୍ରିୟ ହୋଇ ପଡ଼ିଛନ୍ତି । ଏନେଇ ତାଙ୍କ ଝିଅ ଟ୍ୱିଟ୍ଟର ଆକାଉଣ୍ଟରେ ଜଣାଇଛନ୍ତି । ସେ ମେକ୍ସିକୋରେ ୧୯୦୭ରେ ଜନ୍ମ ହୋଇଥିଲେ । ଏହାର ଦୁଇ ବର୍ଷ ପରେ ଅର୍ଥାତ୍ ପ୍ରଥମ ବିଶ୍ୱଯୁଦ୍ଧ ସମୟରେ ନିଜ ସାମ୍ବାଦିକ ପିତାଙ୍କ ସହ ସେ ସାନ୍ ଫ୍ରାନ୍ସିସ୍କୋ ଏବଂ ପରେ ଜିରୋନାର କାଟଲନ ପ୍ରଦେଶରେ ପହଞ୍ଚିଥିଲେ । ତାଙ୍କର ତିନିଟି ସନ୍ତାନ ଅଛନ୍ତି ।  

ଏବେ ସେମାନଙ୍କ ମଧ୍ୟରୁ ଜଣକୁ ୮୬ ବର୍ଷ ହୋଇଗଲାଣି । ଏହି ବୟସ୍କା ମହିଳା ଜଣଙ୍କର ୧୧ ନାତିନାତୁଣୀ ଅଛନ୍ତି । ଏମାନଙ୍କ ମଧ୍ୟରେ ସବୁଠୁ ବଡ଼ ଯିଏ ତାଙ୍କ ବୟସ ୬୦ ବର୍ଷ । ତାଙ୍କର ୧୩ ଅଣନାତିନାତୁଣୀ ରହିଛନ୍ତି । ଓଲଟ ସହରରେ ଏକ କେୟାର ହୋମରେ ଦୁଇ ଦଶନ୍ଧି ବିତାଇଛନ୍ତି । ସେ ଗଣମାଧ୍ୟମ ପ୍ରତିନିଧିଙ୍କୁ ସାକ୍ଷାତକାର ବେଳେ କହିଛନ୍ତି ସେ ଜୀବନରେ କିଛି ହାସଲ କରିନାହାନ୍ତି କେବଳ ବଞ୍ଚିବା ଶିଖିଛନ୍ତି ।