ଖୁସି ଫିକା କରିଦେଲା ଓମିକ୍ରନ, ରାଜ୍ୟ ସରକାର ଜାରି କଲେ କଟକଣା

ଭୁବନେଶ୍ୱର:  ନୂଆବର୍ଷ ଏବଂ ବଡ଼ଦିନ ପାଇ ଜାରି ହେଲା କଟକଣା ।ଓମିକ୍ରନ୍ ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାର ଜାରି କରିଛନ୍ତି କଟକଣା । ସର୍ବସାଧାରଣରେ ବଡ଼ଦିନ ପାଳନ ଏବଂ ଜିରୋନାଇଟ ସେଲିବ୍ରେସନ୍ ବାରଣ କରାଯାଇଥିବା ବେଳେ ଏହି ଅବଧି ଭିତରେ କୌଣସି ପ୍ରକାର ରାଲି କି ଅନ୍ୟାନ୍ୟ କାର୍ଯ୍ୟକ୍ରମକୁ ମନା କରାଯାଇଛି । ସେପଟେ ପୁରୀ ଜିଲ୍ଲା ପ୍ରଶାସନ ମଧ୍ୟ କଡ଼ାକଡ଼ି କଟକଣା ଜାରି କରିଛନ୍ତି। ଡିସେମ୍ବର ୨୬, ୩୧ ଓ ଜାନୁଆରୀ ୧ ଏବଂ ୨ ତାରିଖରେ ଶ୍ରୀମନ୍ଦିରରେ ବନ୍ଦ ରହିବ ସାଧାରଣ ଦର୍ଶନ। ସେପଟେ ଡିସେମ୍ୱର ୨୫ରେ ବଡ଼ଦିନ ଏବଂ ଜିରୋ ନାଇଟ୍ ସେଲିବ୍ରେସନକୁ କରାଯାଇଛି ବାରଣ।

ଡିସେମ୍ୱର ୨୫ ତାରିଖ, ଏବଂ  ୩୧ ରୁ ଜାନୁଆରୀ ୨ ପର୍ଯ୍ୟନ୍ତ ଲାଗୁ କଟକଣା ବଳବତ୍ତର ରହିବ । କାଲି ବଡ଼ଦିନ ଥିବାରୁ କୋରୋନା ମହାମାରୀକୁ ଦୃଷ୍ଟିରେ ରଖି ବଡ଼ଦିନ କେବଳ ଚର୍ଚ୍ଚ ଭିତରେ ସୀମିତ ରଖିବାକୁ ନିର୍ଦ୍ଦେଶ ଦିଆଯାଇଛି । ସର୍ବାଧିକ ୫୦ ଜଣଙ୍କୁ ନେଇ ବଡ଼ଦିନ ପାଳନ କରିବାକୁ ଅନୁମତି ମିଳିଛି। ଏଥିପାଇଁ ଜିଲ୍ଲା ପ୍ରଶାସନ,ମ୍ୟୁନିସିପାଲିଟି କିମ୍ୱା ସ୍ଥାନୀୟ କର୍ତ୍ତୃପକ୍ଷଙ୍କ ଅନୁମତି ଆବଶ୍ୟକ। ସେପଟେ ଜିରୋ ନାଇଟ୍ ସେଲିବ୍ରେସନ (Zero Night Celebration) କୁ ମଧ୍ୟ ବାରଣ କରାଯାଇଛି । କୌଣସି ହୋଟେଲ, କ୍ଲବ କି ରେଷ୍ଟୁରାଣ୍ଟରେ ଜିରୋ ନାଇଟ ସେଲିବ୍ରେସନ୍ କରାଯାଇପାରିବ ନାହିଁ । ସେହିପରି ଭୋଜି ଉପରେ ମଧ୍ୟ କଟକଣା ଲଗାଇଛନ୍ତି ରାଜ୍ୟ ସରକାର । ସେହିପରି ଏହି ଅବଧି ମଧ୍ୟରେ ସମସ୍ତ ପ୍ରକାର ରାଲି, ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ସମ୍ପୂର୍ଣ୍ଣ ମନା କରାଯାଇଛି। ତେବେ କେବଳ କୋଭିଡ୍-୧୯ କଟକଣା (Covid 19 Guideline) ମଧ୍ୟରେ ବାହାଘର ଓ ଶେଷକୃତ୍ୟକୁ ଅନୁମତି ମିଳିଛି ।

Also Read: ନୂଆବର୍ଷ ପାଇଁ ଉପହାର: ରାଜ୍ୟର ଶିକ୍ଷକ, ଶିକ୍ଷୟିତ୍ରୀଙ୍କ ପାଇଁ ବଡ଼ ଖବର

ସେପଟେ ପୁରୀ ପ୍ରଶାସନ (Puri Administration) ମଧ୍ୟ ଜାରି କରିଛି କଟକଣା । ସର୍ବସାଧାରଣରେ ବଡ଼ଦିନ ଏବଂ  ଜିରୋ ନାଇଟ୍ ସେଲିବ୍ରେସନ (Zero Night Celebration) କୁ ବାରଣ କରାଯାଇଛି । ରାତି ୧୦ଟା ପରେ କର୍ଫ୍ୟୁ ଲାଗୁଥିବାରୁ କେବଳ ହୋଟେଲରେ ରହୁଥିବା ପର୍ଯ୍ଯଟକଙ୍କ ପାଇଁ ନିରାଡମ୍ବର ଭାବେ ବଡଦିନ ଓ ଜିରୋନାଇଟ୍ କାର୍ଯ୍ଯକ୍ରମକୁ ଅନୁମତି ମିଳିଛି । ଏହାସହ ଡିସେମ୍ବର ୨୬, ୩୧ ଓ ଜାନୁଆରୀ ୧ ଏବଂ ୨ରେ ଶ୍ରୀମନ୍ଦିରରେ ବନ୍ଦ ରହିବ ସାଧାରଣ ଦର୍ଶନ। ଏନେଇ ଶ୍ରୀମନ୍ଦିର ପ୍ରଶାସନ (Shree Mandira ) ପକ୍ଷରୁ ସୂଚନା ଦିଆଯାଇଛି।

Also Read: ଫେରିଲା କଟକଣା, ଏହି ରାଜ୍ୟରେ ଜାରି ହେଲା ନାଇଟ କର୍ଫ୍ୟୁ ଓ କୋରୋନା ଗାଇଡ଼ଲାଇନ

ଲଗାତାର ଦୁଇବର୍ଷ ହେଲା କୋଭିଡ ପାଇଁ ଫିକା ପଡିଛି ବଡଦିନ ଓ ନୂଆବର୍ଷ ପାଳନ (New Year Celebration)। ସେପଟେ ଛୁଟି କଟାଇବା ପାଇଁ ପୁରୀକୁ ଦେଶବିଦେଶରୁ ପର୍ଯ୍ଯଟକଙ୍କ ସୂଅ ଛୁଟୁଥିବା ବେଳେ ପ୍ରଶାସନ ପାଇଁ ଚିନ୍ତା ବଢାଇଛି ଓମିକ୍ରନ।