କଲେଜ ପରୀକ୍ଷା ନିଷ୍ପତ୍ତିର ପୁନଃ ବିଚାର କରିବାକୁ ଚିଠି ଲେଖିଲେ ରାଜ୍ୟ ସରକାର

ଭୁବନେଶ୍ୱର: କୋରୋନା ସଙ୍କଟ ମଧ୍ୟ ଦେଇ ଗତି କରୁଛି ସମଗ୍ର ଦେଶ । ଏହି ସମୟରେ କଲେଜ ପରୀକ୍ଷା ନିଷ୍ପତ୍ତିର ପୁନଃ ବିଚାର କରିବାକୁ ଚିଠି ଲେଖିଲେ ରାଜ୍ୟ ସରକାର । ରାଜ୍ୟରେ ୟୁଜି ଓ ପିଜି ପାଠ୍ୟକ୍ରମର ଶେଷ ସେମିଷ୍ଟର ପରୀକ୍ଷା ଅନୁଷ୍ଠିତ କରିବା ନେଇ ୟୁଜିସି ନିଷ୍ପତ୍ତିକୁ ପୁନଃ ବିଚାର କରିବା ପାଇଁ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରଣାଳୟକୁ ଚିଠି ଲେଖିଲେ ରାଜ୍ୟ ସରକାର । ଗତ କିଛି ଦିନ ତଳେ ୟୁଜିସି ପକ୍ଷରୁ ପରିବର୍ତ୍ତିତ ଗାଇଡଲାଇନରେ ପରୀକ୍ଷା କରିବାକୁ ନିର୍ଦ୍ଦେଶ ଦିଆଯାଇଥିଲା ।

ଅନ୍ୟପକ୍ଷେ ପରୀକ୍ଷା ବାଧ୍ୟତାମୂଳକ ନ କରିବା ସହ ଆଉ ଥରେ ବିଚାର କରିବା ଲାଗି ସରକାର ଚିଠି ଲେଖିଥିବା ଉଚ୍ଚଶିକ୍ଷା ବିଭାଗ ପକ୍ଷରୁ ଟ୍ୱିଟ୍ ଯୋଗେ ସୂଚନା ଦିଆଯାଇଛି । ରାଜ୍ୟ ସରକାରଙ୍କ ପୂର୍ବ ନିଷ୍ପତ୍ତି ମୁତାବକ ପରୀକ୍ଷା ବାତିଲ ଲାଗି ମନ୍ତ୍ରାଳୟ ଅନୁମତି ଦେବାକୁ ଅନୁରୋଧ କରିଛନ୍ତି ।