ଲକଡାଉନରେ ଅଟୋ ଚାଳକଙ୍କୁ ଆର୍ଥିକ ସହାୟତା ପ୍ରଦାନ

ଭୁବନେଶ୍ୱର: କୋରୋନା ମୁକାବିଲା ପାଇଁ ସାରା ଦେଶରେ ଲକଡାଉନ୍ ଜାରି ରହିଛି । ଆଉ ସଙ୍କଟ ସମୟରେ ବିଭିନ୍ନ କ୍ଷେତ୍ରରେ କାର୍ଯ୍ୟ କରୁଥିବା ଲୋକମାନେ ପ୍ରଭାବିତ ହେଉଛନ୍ତି । ଏହି ସମୟରେ ଅଟୋ ଚାଳକଙ୍କୁ କରାଗଲା ଆର୍ଥିକ ସହାୟତା । ଦାନ ଜରିଆରେ ଆଦାୟ ହୋଇଥିବା ଟଙ୍କା ଅଟୋ ଚାଳକଙ୍କୁ ପ୍ରଦାନ କରାଯାଇଛି । କୋରୋନା ସଙ୍କଟରେ ଲକଡାଉନ ହେତୁ ଦୀର୍ଘ ଦିନ ହେବ ଅଟୋ ଚାଳକଙ୍କ ବ୍ୟବସାୟରେ ପ୍ରଭାବ ପଡିଥିବା ବେଳେ ସେମାନଙ୍କ ରୋଜଗାରରେ ବ୍ୟାପକ କ୍ଷତି ସହିଛନ୍ତି । ଏହାକୁ ଦୃଷ୍ଟିରେ ରଖି ନିଖିଳ ଓଡିଶା ଅଟୋ ଚାଳକ ସଂଘ ପକ୍ଷରୁ ସରକାରଙ୍କ ସ୍ୱତନ୍ତ୍ର ପ୍ୟାକେଜ ଦାବି କରିଯାଇଥିଲା ।

ଅନ୍ୟପକ୍ଷେ ଏବେ ସ୍ୱତଃପ୍ରବୃତ ଭାବେ କିଛି ବ୍ୟକ୍ତି ଓ ସଂସ୍ଥା ପକ୍ଷରୁ ଆର୍ଥିକ ସହାୟତ ପ୍ରଦାନ କରାଯାଇଛି । ଏଯାବତ ୬୦୦ ଚାଳକଙ୍କୁ ଅନଲାଇନରେ ଟଙ୍କା ପଠାଯାଇଥିବା ବେଳେ ଆଗାମୀ ଦିନରେ ଯୋଗ୍ୟ ବିବେଚିତ ଚାଳକ ମାନଙ୍କୁ ଟଙ୍କା ପ୍ରଦାନ କରାଯିବ । ଏହାସହ ୨୦ ଲକ୍ଷ ଟଙ୍କା ଆଦାୟ ହୋଇଥିବା ବେଳେ ୪୦ ଲକ୍ଷ୍ୟ ଆଦାୟ କରି ବଣ୍ଟନ କରାଯିବ ବୋଲି ଲକ୍ଷ୍ୟ ରଖିଥିବା ଭୁବନେଶ୍ବର ଅଟୋ ମହାସଂଘ ପକ୍ଷରୁ ଆୟୋଜିତ ଏକ ସାମ୍ବାଦିକ ସମ୍ମୀଳନିରେ ସୂଚନା ଦିଆଯାଇଛି ।