ରେଳ କର୍ମଚାରୀଙ୍କ ବିଭିନ୍ନ ସମସ୍ୟା ସଂପର୍କରେ ସାଂସଦଙ୍କୁ ଦାବି ପତ୍ର ପ୍ରଦାନ

ଶାନ୍ତସ୍ୱରୂପ ରାଉତ, ଭୁବନେଶ୍ୱର: ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି 'ମନ୍ କି ବାତ୍' ରେ ରେଳ କର୍ମଚାରୀଙ୍କୁ  କୋରୋନା ଯୋଦ୍ଧା ଘୋଷଣା କରିବା ଅତ୍ୟନ୍ତ ଖୁସିର ବିଷୟ । ଏବଂ ଯଥାର୍ଥ ମଧ୍ୟ କାରଣ ଯେତେବେଳେ ସଂପୂର୍ଣ୍ଣ ଭାରତ ବର୍ଷ  ଲକ ଡାଉନ ସେତେବେଳେ ରେଳ କର୍ମଚାରୀ ମୃତ୍ୟୁକୁ ନ ଡରି ନିଜର କର୍ତ୍ତବ୍ୟ କରିଥିଲେ, ଯଥା ଜରୁରୀ ଜିନିଷଗୁଡିକ ଲୋକଙ୍କ ପାଖରେ ପହଞ୍ଚାଇବା, ଆଇସୋଲେସନ କୋଚର ନିର୍ମାଣ କରିବା, ଶ୍ରମିକମାନଙ୍କୁ ତାଙ୍କ ଘରେ ସୁରକ୍ଷିତ ପହଞ୍ଚାଇବା, ପ୍ରଧାନମନ୍ତ୍ରୀଙ୍କ ରାହତ କୋଷକୁ ଆର୍ଥିକ ସାହାଯ୍ୟ କରିବା ଇତ୍ୟାଦି । କିନ୍ତୁ ଅନ୍ୟ ପକ୍ଷରେ ଏହି କୋରୋନା ଯୋଦ୍ଧାଙ୍କ ସହିତ ଅନ୍ୟାୟ  ଏବଂ କର୍ମଚାରୀଙ୍କ ବିଭିନ୍ନ ସମସ୍ୟା ଯଥା- ଇନସେନ୍ଟିଭ ବକେୟା, ସ୍ଥଗିତ ମହଙ୍ଗାଭତ୍ତା ପ୍ରଦାନ କରିବା, ରେଳ କର୍ମଚାରୀଙ୍କ ପାଇଁ ୫୦ ଲକ୍ଷ ଟଙ୍କାର ଇନସ୍ୟୁରାନ୍ସ ଦେବା ଆଦି ସଂପର୍କରେ ଏକ ସ୍ମାରକପତ୍ର ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀଙ୍କୁ ପ୍ରଦାନ କରିଛନ୍ତି । 

ଏହି ସମସ୍ୟାର ସମାଧାନ ନିମନ୍ତେ ସାଂସଦଙ୍କ ସହିତ ଏକ ଆଲୋଚନା ହୋଇଥିଲା । ଏଥିରେ ୟୁନିୟନର ସାଧାରଣ ସଂପାଦକ ସଚ୍ଚିଦାନନ୍ଦ ବିଶ୍ୱାଳ, ସଂଗଠନର ଅନ୍ୟ କାର୍ଯ୍ୟକର୍ତା ରଞ୍ଜନ ଦାସ, ତପନ ଦାସ, ରାଜେଶ ବେହେରା, ନବୀନ ଦେଉରି, ପବିତ୍ର ଲେଙ୍କା, କାନନ ଭୋଳ, ବିବେକାନନ୍ଦ ସ୍ୱାଇଁ ପ୍ରମୁଖ ଉପସ୍ଥିତ ଥିଲେ ।

Add Zee News as a Preferred Source