ଆଦିତ୍ୟ ଦାଶ ମୃତ୍ୟୁ ମାମଲା: ସାଇକୋ ଲେଡ଼ିକୁ ନେଇ ବଢୁଛି ସସ୍ପେନସ

ରାଜେଶ ସାମନ୍ତରାୟ, ଭୁବନେଶ୍ୱର: ସମାଜସେବୀ ଆଦିତ୍ୟ ଦାଶ (Aditya Dash) ମୃତ୍ୟୁ ମାମଲାରେ ସାଇକୋ ଲେଡି (Psycho Lady) ପ୍ରସଙ୍ଗରେ ପୁଣି ଆସଛି ଟ୍ବିଷ୍ଟ । ଆଦିତ୍ୟଙ୍କ ବାପା ଗଣମାଧ୍ୟମ (Media) ଆଗରେ ସେହି ଅଦୃଶ୍ୟ ସାଇକୋ ଲେଡି କଥା ଉଠାଇବା ପରେ ଆଜି ମୁହଁ ଖୋଲିଛନ୍ତି ମୃତ ଆଦିତ୍ୟଙ୍କ ସହଯୋଗୀ ବିକାଶ । ବିକାଶ କହିଛନ୍ତି ବାଲେଶ୍ୱରର ଜଣେ ଝିଅକୁ ଆଦିତ୍ୟ ଭଲ ପାଉଥିଲେ. ସେ ଝିଅ ବି ଆଦିତ୍ୟଙ୍କୁ ଭଲ ପାଉଥିଲେ । କିନ୍ତୁ ଆଦିତ୍ୟଙ୍କ ବାପା ଯେଉଁ ସାଇକୋ ଲେଡି କଥା କହୁଛନ୍ତି ତାହା ସେହି ଯୁବତୀ କି ନୁହେଁ ତାହା ଜାଣି ନାହିଁ । ଏ କଥା ତାଙ୍କ ବାପା ଅଧିକ କହିପାରିବେ । ତାଙ୍କର ସନ୍ଦେହ କାହା ପ୍ରତି ଅଧିକ ଅଛି ସେ ତଦନ୍ତକାରୀ ଟିମକୁ ଜଣାନ୍ତୁ ବୋଲି କହିଛନ୍ତି ବିକାଶ ।   

ଅଧିକ ପଢନ୍ତୁ: ସିଏମ ଠାରୁ ଆରମ୍ଭ କରି ମନ୍ତ୍ରୀ-ଅଧିକାରୀଙ୍କ କଟିବ ଦରମା

ମାନବପ୍ରେମୀ ଆଦିତ୍ୟ ଦାଶ (Aditya Dash) ମୃତ୍ୟ ରହସ୍ୟ ମାମଲାରେ ପ୍ରତ୍ୟକ ଦିନ ଆସୁଛି ଟ୍ୱିଷ୍ଟ (Twist) । ଦିନକୁ ଦିନ ଗୁମର ପେଡିର ରହସ୍ୟ ଖୋଲିବା ବଦଳରେ ଜଟିଳ ହେଉଛି ମାମଲା । ରହସ୍ୟମୟ ମୃତ୍ୟୁ ମାମଲାରେ ଏବେ ଖାଲି ଆଦିତ୍ୟଙ୍କ ପତ୍ନୀ ବିଦ୍ୟାଶ୍ରୀ (Bidyashree) ଙ୍କୁ ନେଇ ସସ୍ପେନସ୍ ନାହିଁ ତାଙ୍କ ବାପାଙ୍କ କଥାକୁ ନେଇ ମଧ୍ୟ ସସ୍ପେନ୍ସ ଜୋର ଧରିଛି। କାରଣ ସାଇକୋ ଲେଡି (Psycho Lady) କଥା ସାମ୍ନାକୁ ଆସିବା ପରେ ଏବେ ଆଦିତ୍ୟଙ୍କ ବାପାଙ୍କ ନୂଆ ତଥ୍ୟକୁ ନେଇ ଉପୁଜିଛି ଦ୍ବନ୍ଦ୍ୱ । ବାପାଙ୍କ କହିବା ଅନୁସାରେ ସାଇକୋ ଲେଡି (Psycho Lady) ଙ୍କ ୱାନ ସାଇଡ ଲଭ ହିଁ ଆଦିତ୍ୟଙ୍କ ମୃତ୍ୟୁ ରହସ୍ୟର କାରଣ । ହେଲେ ଏଥିରେ ଟ୍ୱିଷ୍ଟ ଆଣିଛନ୍ତି ଆଦିତ୍ୟଙ୍କ ସହଯୋଗୀ ବିକାଶ । ବିକାଶଙ୍କ କହିବା ଅନୁସାରେ ବିଦ୍ୟାଶ୍ରୀଙ୍କୁ ବିବାହ ପୂର୍ବରୁ ଆଦିତ୍ୟ ଆଉ ଜଣେ ଝିଅକୁ ଭଲ ପାଉଥିଲେ, ସେ ବି ଆଦିତ୍ୟଙ୍କୁ ଭଲ ପାଉଥିଲେ । ତାଙ୍କ ଘର ବାଲେଶ୍ବର (Balasore), ସେ ଅନେକ ଥର ଆଶ୍ରମ ବି ଆସିଛନ୍ତି । ତେବେ ସମୟ କ୍ରମେ ଉଭୟ ପରସ୍ପରକୁ ବାହା ହୋଇ ପାରି ନ ଥିଲେ । କିନ୍ତୁ ଆଦିତ୍ୟଙ୍କ ବାପା କହୁଥିବା ସାଇକୋ ଲେଡି ଏ ଯୁବତୀ କି ନାହିଁ ତାହା ଜଣା ନାହିଁ । ଏ ସଂପର୍କରେ ତାଙ୍କ ବାପା ଅଧିକ ତଥ୍ୟ ଦେଇପାରିବେ । ତାଙ୍କର ଯଦି କାହା ପ୍ରତି ସନ୍ଦେହ ଅଛି ସେ ତଦନ୍ତକାରୀ ଟିମକୁ ଜଣାନ୍ତୁ ବୋଲି କହିଛନ୍ତି ବିକାଶ ।   

ଅଧିକ ପଢନ୍ତୁ: ପିଏମ ମୋଦିଙ୍କ ବ୍ୟକ୍ତିଗତ ୱେବସାଇଟର ଟ୍ୱିଟର ଆକାଉଣ୍ଟ ହେଲା ହ୍ୟାକ୍

ଏଠି ପ୍ରଶ୍ନ ଉଠୁଛି ବିକାଶ କଥା ଯଦି ସତ୍ୟ ତେବେ ସାଇକୋ ଲେଡି ସଂପର୍କରେ ବିଦ୍ୟଶ୍ରୀଙ୍କୁ ଜଣା ଥିଲା ନା ନାହିଁ । ଯଦି ବିଦ୍ୟାଶ୍ରୀ ଜାଣିଥିଲେ ତେବେ ଏହି ଘଟଣାକୁ ନେଇ ଆଦିତ୍ୟଙ୍କ ସହ ଝଗଡା ହୋଇଥିଲେ କି । ଯେଉଁଥି ପାଇଁ ଆଦିତ୍ୟଙ୍କ ମୃତ୍ୟୁ ହୋଇଛି । ସାଇକୋ ଲେଡି ଆଦିତ୍ୟଙ୍କ ଘରକୁ ଆସିଥିଲେ କି । ସାଇକୋ ଲେଡିଙ୍କ ସଂପର୍କରେ ଜାଣି କଥା ଚପାଇ ରଖିଥିଲେ କି ଆଦିତ୍ୟଙ୍କ ବାପା । ଆଦିତ୍ୟଙ୍କ ମୃତ୍ୟକୁ ନେଇ କାହିଁ ଚୁପ ସାଇକୋ ଲେଡି ? ବାସ୍ତବରେ ଯଦି ଆଦିତ୍ୟଙ୍କୁ ଯୁବତୀ ଜଣଙ୍କ ଭଲ ପାଉଥିଲେ କାହିଁକି ଖୋଲୁ ନାହାନ୍ତି ମୃତ୍ୟୁ ରହସ୍ୟ ? କିନ୍ତୁ ଆଦିତ୍ୟଙ୍କ ବାପାଙ୍କ ସୁଚନା ସେହି ସାଇକୋ ଲେଡି ହିଁ ହତ୍ୟାକାରୀ । କାହା କଥା ଠିକ୍ ? କିଏ କହୁଛି ସତ ? ଯଦି ଏପରି ସନ୍ଦେହ ଅଛି ତାହେଲେ କ୍ରାଇମ୍ ବ୍ରାଞ୍ଚ ଏହି ଦିଗରେ ତଦନ୍ତ କରିବ କି ? ତାହାକୁ ଅପେକ୍ଷା ।