ନିର୍ଦ୍ଦେଶ ସତ୍ତ୍ୱେ କାଲିଠୁ ରାଜ୍ୟରେ ଗଡିବନି ବସ୍

ଭୁବନେଶ୍ୱର: ରାଜ୍ୟ ସରକାର ନିର୍ଦ୍ଦେଶ ସତ୍ତ୍ୱେ ଜିଦରେ ଅଟଳ ରହିଛି ରାଜ୍ୟ ଘରୋଇ ବସ୍ ମାଲିକ ସଂଘ । ୧୦୦ ପ୍ରତିଶତ ଯାତ୍ରୀରେ ବସ୍ ଚଳାଚଳ ପାଇଁ ଅନୁମତି ମିଳିଥିବା ସତ୍ତ୍ୱେ ରାଜି ହେଉ ନାହାଁନ୍ତି ବସ୍ ମାଲିକ । କାଲିଠୁ ରାଜ୍ୟରେ ଗଡିବନି ବସ । ଆଗ ଆଲୋଚନା ପରେ ନିଷ୍ପତ୍ତି। ବିଭାଗୀୟ ମନ୍ତ୍ରୀଙ୍କ ସହ ଆଲୋଚନା ପରେ ବସ୍ ଚାଲିବା ନେଇ ସୂଚନା ଦେଇଛନ୍ତି ଓଡ଼ିଶା ଘରୋଇ ବସ୍ ମାଲିକ ସଂଘର ସଭାପତି ଲୋକନାଥ ପାଣି । ମନ୍ତ୍ରୀ ବସ୍ ସଂଘ ସହ ଆଲୋଚନା କରନ୍ତୁ । ଆମେ ମଧ୍ୟ ବସ୍ ସଂଘମାନଙ୍କ ସହ ଆଲୋଚନା କରିବୁ । ଆଜି କେବଳ ରାଜ୍ୟରେ ବସ୍ ଚଳାଚଳ ନେଇ ଆଡଭାଇଜରି ଜାରି ହୋଇଛି। ହେଲେ ମନ୍ତ୍ରୀ ଆମ ସହ ଆଲୋଚନା କରି ନାହାନ୍ତି । ଆଲୋଚନା ପରେ ନିଷ୍ପତ୍ତି ନିଆଯିବ ବୋଲି ସେ କହିଛନ୍ତି ।

ସେପଟେ ଆସନ୍ତା କାଲି ୧୧ଟାରେ ଜୋନାଲ ମିଟିଂରେ ଆଲୋଚନା ହେବ । ଆସନ୍ତା ବୁଧବାର ସାରା ରାଜ୍ୟରେ ସଂଘମାନଙ୍କୁ ନେଇ ବୈଠକ ହେବ । ଏହି ବୈଠକ ପରେ ରାଜ୍ୟରେ ବସ ଚାଲିବ କି ନାହିଁ ତାହା ଉପରେ ନିଷ୍ପତ୍ତି ନିଆଯିବ ବୋଲି କହିଲେ ସଂଘର କୋଷାଧ୍ୟକ୍ଷ ବରଦା ଆଚାର୍ଯ୍ୟ ।