ପୁଣି ଖୋଲିଲା ସିବିଆଇ ପେଡ଼ି, ସିସୋର ଲିଙ୍କରେ ଅଭିଯୁକ୍ତକୁ ଅଢ଼େଇ ଘଣ୍ଟା ଜେରା

ସରୋଜ ବେହେରା, ଭୁବନେଶ୍ୱର: ସିସୋର ଚିଟଫଣ୍ଡକୁ ନେଇ ସିବିଆଇ ପୁଣି ଆରମ୍ଭ କରିଛି ତଦନ୍ତ। ଗିରଫ ହୋଇଥିବା ଜଣେ ଅଭିଯୁକ୍ତଙ୍କୁ ସିବିଆଇ ଜେରା କରିଥିବା ଜଣାପଡିଛି । ଅଭିଯୁକ୍ତ ଜଣକ ଜାମିନରେ ଫେରିବା ପରେ ତାଙ୍କୁ ଜେରା କରିଛି ସିବିଆଇ । 

ସିସୋର ଚିଟଫଣ୍ଡ ମାମଲାରେ ଅନେକ ଆଇଏଏସ, ଆଇପିଏସଙ୍କ ନାଁ ରେ ଅଭିଯୋଗ ଆସିଥିଲା । ଦୀର୍ଘ ବର୍ଷକ ପରେ ପୁଣି ସିବିଆଇ ତଦନ୍ତ ଜୋରଦାର କରିବା ନେଇ ପୁଣି ଚର୍ଚ୍ଚା ଜୋର ଧରିଛି । ପ୍ରଥମ ପର୍ଯ୍ୟାୟରେ ଦୁଇଜଣ ଆଇଏଏସ ଓ ଜଣେ ଆଇପିଏସଙ୍କ ସମ୍ପୃକ୍ତି ନେଇ ତଦନ୍ତ ଚାଲିଥିବା କୁହାଯାଉଛି । ଗିରଫ ଅଭିଯୁକ୍ତ ଶୁଭଙ୍କରଙ୍କ ଘରୁ ମିଳିଥିବା ଡାୟରୀରୁ କିଛି ଆଇଏଏସ ଓ ଆଇପିଏସଙ୍କ ନାଁ ସାମନାକୁ ଆସିଥିଲା ।

Add Zee News as a Preferred Source