ରାଜ୍ୟରେ ପୁଣିଥରେ ହେବ କି ଲକଡାଉନ୍, ଏମିତି କହିଲେ ILS ନିର୍ଦ୍ଦେଶକ

ଯଯାତି ମହାନ୍ତି, ଭୁବନେଶ୍ୱର: ଜୁଲାଇ ମାସରେ ବଢ଼ିବ କୋରୋନା ଟେଷ୍ଟ । ପ୍ରତିଦିନ ୫ହଜାର ଟେଷ୍ଟ ପାଇଁ ଟାର୍ଗେଟ ରଖାଯାଇଛି । SCB, RMRC, ILSରେ ଅଧିକ ସଂଖ୍ୟକ ଟେଷ୍ଟ କରାଯିବ । ସେହିପରି ୭ଟି ମେଡିକାଲ କଲେଜରେ ମଧ୍ୟ ପ୍ରତ୍ୟେକ ଦିନ ୧୫୦ରୁ ୨୦୦ ଟେଷ୍ଟ  କରାଯିବ। କେବଳ ଏତିକି ନୁହେଁ, ଝାରସୁଗୁଡ଼ା, କେନ୍ଦୁଝର, ଅନୁଗୋଳ, ପୁରୀ ଏବଂ କଳାହାଣ୍ଡିରେ ନୂଆ ଟେଷ୍ଟ ଲାବ କରାଯିବ । ଏନେଇ ସୂଚନା ଦେଇଛନ୍ତି ILS ନିର୍ଦ୍ଦେଶକ ଅଜୟ ପରିଡ଼ା । 

ସେହିପରି ଖୁବଶୀଘ୍ର ରାଜ୍ୟରେ ଆଣ୍ଟିବାଡ଼ି, ଆଣ୍ଟିଜେନ ଏବଂ ସରୋଲୋଜିକାଲ ସର୍ଭେ ହେବ । ସେଥିପାଇଁ ୫୦ ହଜାର କିଟ୍ ଅର୍ଡର କରାଯାଇଛି । ଆସନ୍ତା ସପ୍ତାହରୁ କିଟ ମାଧ୍ୟମରେ ଟେଷ୍ଟ କରାଯିବ ।  ପୁରୀ, ଗଞ୍ଜାମ, ଗଜପତି, ଭୁବନେଶ୍ୱର ଇତ୍ୟାଦି ସ୍ଥାନରେ ସେରୋଲଜିକାଲ ସର୍ଭେ  ହେବ ବୋଲି କହିଛନ୍ତି ILS ନିର୍ଦ୍ଦେଶକ । 

ଅନ୍ୟପଟେ ବର୍ତ୍ତମାନ ସୁଦ୍ଧା ରାଜ୍ୟରେ ଗୋଷ୍ଠୀ ସଂକ୍ରମଣ ହୋଇନଥିବା ସେ କହିଛନ୍ତି । ଆଗକୁ ରାଜ୍ୟରେ ଲକଡାଉନ ବଢ଼ାଯିବ କି ? ଏହି ପ୍ରଶ୍ନର ଉତ୍ତର ଦେବାକୁ ଯାଇ ILS ନିର୍ଦ୍ଦେଶକ ଅଜୟ ପରିଡ଼ା କହିଛନ୍ତି, ''ଏ ନିଷ୍ପତ୍ତି ରାଜ୍ୟ ସରକାର ନେବେ । କିନ୍ତୁ ଆଗକୁ ଆମକୁ ଅଧିକ ସଚେତନ ହେବାକୁ ପଡିବ ।''

Add Zee News as a Preferred Source